收到 1010 的< iPhone 4 Plan>
電話後，我們又收到數碼通的通知了。跟據 Email 所指，數碼通會在7月29日晚上至翌日清晨時分於國際金融中心商場(ifc Mall)舉行iPhone 4登場派對夜，獲邀出席派對o既客戶均可率先簽約購買iPhone 4，可惜的是當晚只有 2,000 人受惠電郵內容如下 :
多謝你登記收取iPhone 4開賣資訊，SmarTone-Vodafone將會o係7月30日(星期五)推出iPhone 4！
登記反應熱烈，新貨將供不應求，我o地特意o係7月29日晚上至翌日清晨時分於國際金融中心商場(ifc Mall)舉行iPhone 4登場派對夜，獲邀出席派對o既客戶均可率先簽約購買iPhone 4。而你，已成為我o地電腦抽出o既2,000名幸運兒之一！
我o地歡迎你帶一位朋友一齊o黎，但留意呢個邀請只為你預留一個名額畀你簽約購買iPhone 4，請帶香港身份證同地址證明(如銀行月結單、水電煤單)到時進行簽約。由於我o地須要o係場地有限開放時間內完成2,000個簽約，當晚只會接受新客戶開新號碼、攜號轉台及現有客戶升級簽約購買iPhone 4。如你想以其他形式購買iPhone 4，則無須理會呢個邀請，而直接o係7月30日早上8:30開始到我o地任何門市選購。
請即按RSVP確認你會出席，o係7月29日(星期四)晚上11:00到國際金融中心商場(ifc Mall)，當晚會有音樂，樂隊演奏、小丑助興、手繪玩意及小食招待，仲有嘉賓明星到場，兼有機會贏番部iPhone 4！請準時出席，以便你儘早出到你o既iPhone 4(先到先簽約購買)。