<Motorola x Android 可愛大機械人比賽>已完結，各會員反應十分踴躍而且創意十足。我們挑選了 Bruce Wai 為今次的勝出者，他可以得到 Motorola x Android 可愛大機械人一個，稍後同事會通知你有關領獎事宜。以下為 Bruce Wai 的精彩作品：－
其實好多類專業人士都適合，不過我第一時間就諗到叫盛智文博士買俾海豚訓練員用，點解：
1. 提高工作靈活性
● 訓練員喺池邊或水面工作，有IP67嘅Defy就最適合佢地用啦，唔使放入防水保護套就可以直接使用；
2. 提高工作效率
● 有Defy係手，只要搵IT部編寫專門嘅apps，輸入日常記錄用開嘅紙、筆同記事板就可以放埋一邊，仲可以隨時隨地查閱資料，即時開會都可以人手各一部，資料人人睇得到；
3. 分享訓練趣事
● 訓練員可以隨時用Defy攝錄好多平日佢地訓練工作中突然出現又瞬間即逝嘅有趣鏡頭或者片段，放係blog或者youtube度，等大家同分享到平日難得一見嘅珍貴有趣片段；
4. 拍攝獨特片段
● 只要指示海豚用適當嘅力度咬住Defy(或者外加一個體積較大較厚嘅保護套)，或者將Defy固定係海豚嘅頭部或背部，就可以以第一身嘅角度嘅拍鑷佢地出水入水嘅獨特精彩鏡頭片段，俾大家用另一個獨特嘅角度去欣賞海豚嘅精彩表演，震撼視覺一定唔差過荷李活嘅科幻片；
5. 俾海豚自己創作
● 如果海豚自己好有藝術家性格嘅話，不妨學非洲象Five咁，對佢地加以適當指導並由佢自由發揮，拍出嚟有睇頭嘅片可以攞埋去做慈善拍賣，造福社會，或者籌錢搞保育基金或者訓練基金，幫番自己或者同類；
6. 幫海豚升呢
● 叫Motorola幫Defy搵海豚做代言人，唔單止令一眾香港嘅用家更家有歸屬感，幫海豚升呢做動物明星外，將廣告費或者講明將每部Defy嘅部份收益攞嚟搞保育基金或者訓練基金，搞噱頭之餘又可以幫番自己同同類；
7. 鞏固業界三防地位
● 如果部Defy係海豚身上咁樣出水入水嘅情況下依然安然無恙的話，可以話，Defy嘅三防地位一定無可動搖，唔單止慳番唔少廣告費，搵埋海豚做代言人嘅話，廣告效果更加不言而喻，到時Defy帶動Motorola全線機種齊齊升呢，Motorola啲股價升完又再升，大家賺到笑笑到停不了，咁就可以一洗「無得撈啦」既頹名啦。
分享到 :
最新影片
