今年 ICT Award 出爐了，因為有共鳴感而讓小弟格外留意的是一眾 Start up 及流動程式等公司，其中一個大熱 GoGoVan 結果獲得了最佳流動應用程式（流動營銷）金獎 ，首先要在此恭喜一下。跟其中創辦人 Steven 因為理念一致說話很投機，今次奪冠亦再次證明了做 Start Up 出一半力真係未必 Work。
先申報一下，我們跟 GoGoVan 沒有任何關係，只係純欣賞。有一些「佢地係二世祖」的說法我先要替他們澄清一下，有人說他們贏在起跑線。事實上，幾位年青人在美國留學都係半工讀，幾年間由唔識英文寄住在外地家庭，放學去餐館送外賣，Steven 就是因為跟另外 Co-Founder 同一野雞學校讀書，又在同一餐館打工而認識。
送飯盒一腳踼
搞 GoGoVan 之前幾個後生仔搞了一檔外賣飯盒 Start up，日日要自己送飯盒到港九新界，結果啟發運輸行業的商機，後來選擇了多年壟斷的客貨車 (Van 仔) 行業，用 Apps 去改變現有模式，就是最初的 GoGoVan 了。Steven 跟我說他們最初就是投放了兩萬蚊 Setup 公司，由 Programming 到 Marketing 都自己做，就開始左呢條路。點子在 2011 年形成，2013 年 7 月推出 GoGoVan，Van 仔司機大佬推出頭兩個月有如看到救星。
Laser Focus
臉皮夠厚一定是成功 Start up 的一個特質，因為他們要成功，就必先要深入了解行業。結果，Steven 同另外其他創辦人日日拍 Van 仔大佬門，傾足個幾鐘去了解行業情況。跟 Steven 對話，Steve Jobs 的「Laser Focus」經常掛在咀邊，由零開始專注做好一件產品。小弟跟過團隊跟司機大佬驗車，由車身狀況是否符合登記，到車內有否異味等都檢查仔細，相信這亦是 Laser Focus 的一種吧。另一要訣就是執行力，空有 Idea 而不去實行不會成功，看到他們的創業過程就知「瞓身」做的重要性了。
當然，除了「Laser Focus」之外，運氣亦有回報勤力的人。當初數碼港的微型創業基金當時很需要一些創意點子，GoGoVan 的革新性自然被看中，否則一路免費的話不可能生存。
先專心做好產品再賺錢
一路唔收錢，其實冇可能可以好彩過到好多次。最近，他們亦已經引入了投資者，Steven Pitching 時本來不斷大 Sell 搵錢大計，有趣係投資者不但沒有被討好，而且仲要阻止，要佢地專心做好 Product，遇到對的投資者也是另一好彩，可以繼續 Laser Focus。Steven 話來緊會有大更新，話令大家估唔到 Call Van 仔 App 可以玩到咁，令人期待。
在成功過後，隨之而來相信會面對新的難題：更多的司機上台，管理 6000 多個活躍司機，處理乘客投訴，又有司機投訴接不到單等等。很明顯，真正的難關現在才開始。
UNWIRE TV 節目重溫：
早前的訪問：手機 APP 改變 Call VAN 傳統！專訪年青人創業之路
分享到 :
最新影片
