日前 csl. 宣佈即將發售「紅米 Note 4G」，相信唔少 Unwire.hk 讀者都想知這台僅 $1,200 的 4G 手機值唔值得上台出機，小編 今日就搶先借到香港零售版返來試玩一下，睇下效果同好耐之前試部「國內水貨」有咩唔同。〈 以下有更多資料 。〉
外表不變 單手僅僅用到
之前報導 csl. 上台 Plan 時都簡單介紹過部「紅米 Note 4G」，佢同之前水貨版無咩分別不大，但港版包裝上會多了「通訊事務管理局」發出的證書及跟適合香港使用的英式火牛。外表冇變，機面配備 5.5 吋屏幕，邊框唔算好薄，拿起感覺會較同尺寸手機闊身，小編 都係僅僅單手操作到，一般人可能要雙手操作。
▲港版包裝上會有「通訊事務管理局」證書號碼。
▲ 包裝內除了手機，還有電池、USB 線、火牛及說明書。
▲ 港版會跟英式插頭的 USB 火牛，輸出為 5V / 2A。
▲ 5.5 吋屏幕唔算超大，但較粗邊框再加機身厚度就令感覺似拿住 5.7 吋咁，單手僅僅可操作到。
入門配置 勝在有 2GB RAM
香港發售的「紅米 Note 4G」規格跟國內聯通版有點相似，兩者都是搭載 Qualcomm Snapdraon 400 四核處理器及 2GB RAM，並提供 8GB 儲存空間及可擴充 MicroSD，於 Antutu 錄得約 22061 分，成績跟其他平價手機差唔多，但相比陸續新出的 Snapdragon 410 / 615 就唔算最新。而港版另一特徵是原身已屬 Android 4.4 的 MIUI 版本，操作起來非常順暢，而且已經對應之後發售的「小米手環」。
▲ 搭載 Qualcomm Snapdragon 400 處理器，但勝在有 2GB RAM 及 8GB 儲存空間。
▲ 屏幕亮度充足，係街睇片仍然很清楚，但機背喇叭設計就要好似小編 咁拎住先聽到聲。
▲ 小編 有打機同經常睇 Facebook 情況下電池用了 9.5 小時還剩約 30% 電量，可見 3,100mAh 用 4G 都夠挨一日用量。
平機有齊 4G + ac WiFi
「紅米 Note 4G」係香港賣得當然支援本地 FDD-LTE 4G 網絡，小編 試行 OFCA 大約錄得 27Mbps 下載速度，速度不過不失。不過，它更吸引之處係平機之中少有具 802.11ac WiFi 制式，配合幾百蚊一台小米路由器就享用最快 WiFi 網絡（如上台更包括 csl. WiFi），換言之無論家裡街外都有高速上網體驗。
夜晚影相都唔錯
小編 試過咁多部「平機」，印象中 Asus Zenfone 及紅米的相機表現比較好，而這次試「紅米 Note 4G」感覺比「紅米」更好，除了像素提升至 1,300 萬，主要原因是相機日夜對焦都很快，而且相片質素亦相當唔錯，夜晚拍攝雜訊都唔算好明顯，但就要留意快門比較慢容易手震，其次拍攝模式等比較少選擇，玩味 Zenfone 就較強。
▲ 相機功能比較實用向，但勝在對焦反應夠快，而且相片質素唔差。
▲ 在廟街隨手一拍，對焦反應很快，而且相片雜訊比較少，表現勝過唔少平機。
▲ 日景拍攝表現都很不錯，只是放大後細節尚欠少少銳利。
小編 : 平又齊 Spec ! 但稍為遲出!
現時「4G 平價手機」選擇仲未算好多，近期比較熱門有 M811 或 ZenFone 5 LTE 等等，雖然規格大家都差唔多，但屏幕就「紅米 Note 4G」大一點，其次 $1,199 同價其他選擇可能只有 1GB RAM 或 4GB 儲存空間，相比之下佢有齊 2GB RAM 及 8GB 儲存空間係較吸引，但前提要你仲未買機先可受惠，始終佢比其他品牌較遲發售。
分享到 :
最新影片
