早幾日，我們曾經為大家報導過 Google 已開始為採用 Android Wear 平台的智能手錶提供 Android Wear 5.0.1 Lollipop 作業系統的更新，而昨晚 Edward 手上的 Sony Smartwatch 3 就取得此更新，現在就為大家帶來更新後的第一身體驗吧。
升級簡單幾分鐘搞掂
今次 Google 為 Android Wear 智能手錶提供 Android Wear 5.0.1 的系統更新，很多 unwire 讀者可能會問：更新困難嗎？要駁住手機或者電腦先可以更新到？其實今次 Google 是直接將更新推送到手錶直接進行更新，完全不用拿起手機或者駁住電腦都可以更新到。以下就讓 Edward 為大家介紹一下更新過程吧。
Step 01：接收到更新後，在手錶開啟更新訊息，然後向左劃一下並選擇「Open」。
Step 02：點按打勾按鍵，然後手錶會重新啟動系統，再下載並安裝更新，完成後會再重新啟動一次。
Step 03：然後手機會優化已安裝程式的表現，然後就完成安裝了，整個過程不用 10 分鐘，超快！
誤刪訊息可即時復原
更新後的 Sony Smartwatch 3，與更新前 Edward 覺得介面設計及操控基本上分別不大，不過就多了唔少新功能，首先過往如果大家錯誤刪除提示訊息，就只能開啟手機瀏覽；但更新後只要由熒幕下方向上劃一下，當出現「Dismiss」功能時點按一下中間的旋轉圖案按鍵，就可以回復訊息，呢項功能真係好方便。
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
睇戲時唔驚訊息騷擾
第二項 Edward 覺得好有用的功能，就是新增了「Theatre Mode」劇院模式，只要在時間顯示介面由熒幕頂部向下一掃，然後向左掃一下進入劇院模式，再點按「Off」字，就算接收到新訊息，手錶熒幕都唔會亮起並提示用家。當要取消此模式時，只要按一下手錶的開關鍵，熒幕就會重新亮起，再進入劇院模式並點按「On」字，就可以將它關閉。這功能，當大家在睇戲或者歌劇時，就唔驚收到訊息時手錶熒幕亮起，阻礙身邊其他觀眾欣賞節目啦。
向下滑即可睇電量
另外，以往要睇手錶剩餘電量，要進入系統資料中先可以睇得到，但係更新後，只要在時間顯示介面，由熒幕頂部向下輕掃一下，就可以睇到日期及手錶電量，方便好多。值得一提，只要向左掃兩下再點按「System」，更可以係唔洗禁開關制的情況下進入手錶設定介面，都係好方便的設計。
手錶選擇 Block 咩 App
Android Wear 智能手錶有個唔錯的功能，就係可以直接在手錶睇到內置 App、甚至第三方程式的狀態或訊息提示。但有 D App，例如：串流電影 APP、遊戲等，大家未必想下下都係手錶睇到佢地的動態更新。以往大家要係手機的 Android Wear 程式入面將呢類 APPS 加入阻擋清單，但更新後只要在該訊息處掃至最右方的選項，再點按「Block App」就可以了，更加方便。
更多無障礙功能
此外，更新後的 Android Wear 智能手錶，加入更多為傷健人士或老人家而設的無障礙功能，第一個是可以隨時將熒幕底色變白並將文字顏色變黑，方便有需要用家使用；第二個是可以加大文字大細，雖然未能自行調節大細，但對於一般用家，就算係老人家來講，都夠用了。
▲點按 Accessibility 中的 Color inversion，就可以將底色變白並將文字顏色變黑。
▲至於點按「Large Text」，就可以加大文字大細，而且唔止目錄入面的文字可以放大，就連第三方程式的訊息提示內容的文字亦有放大，方便老人家或視力較弱的用家清楚睇到錶上顯示的文字。
相關文章:
【評測】PS5 Pro / PlayStation 5 Pro 詳細效能評測 實機遊戲 60fps 畫面 + 新光追效果放大睇 + 打機溫度噪音 【開箱】PS5《女鬼橋二釋魂路》實體版 隨附 OST + 製作紀錄書 傳 Sony 有意收購角川 旗下擁有 FromSoftware 以及大量人氣 IP
分享到 :
最新影片
