串哥真係好討厭 Facebook ,一到年尾就有人用埋唔知乜神怪 APP 整一年自己發生過乜事,一個整完第二個跟風又整。
其實我日日都已經收緊你的 update ,點解你年尾仲要 set 個總結 Report 比我睇呢 ? 莫非你係萬人迷好多人關注你一年發生過乜事? 咁你應該 send 比各大傳媒唔係 send 俾我囉。係咪要話比我聽你呢年活得比我好? 活得比我精彩 ?
前幾日玩完乜鬼自分新聞今日又到呢個 FB 自動 Gen 的一年報告 ,串哥真係頂唔順喇, Click 開右上角選 I don’t fucking want to see this .
然後串哥打去好奇問下出呢個 Post 果位朋友係乜野心態,佢聽到我聲有不悅,扮晒懶「無辜」咁答我話:整黎想自己睇之嘛,之後我忍住度氣教佢,你搵番個 Feed 右下角 選番 Only Me 俾自己睇到或者再加埋你老婆仔女睇就得。點知佢答我或者有朋友想睇下我一年做過乜呢,唔攪佢喇哈哈哈;串哥收線後自己細細聲爆左句:「係呀你釘蓋果日方便 MC 度稿,一野睇晒你一年做過咩人生大事」
unwire 讀者可能奇怪,串哥咁討厭 Facebook 又要用呢 ? 我又學黃子華答番句 : 「搵食啫」,好多客都用 FB 我無得唔用,犯賤囉。不過串哥我有一個堅持,點都唔裝 QQ / wechat / 微博/ 呢 D 中國監控軟件, 如果個客一定要用呢D 我就唯有講句sorry 手機裝唔到算。有咩事一係 SMS / Email ,再唔係你裝番個 whatsapp 再同我溝通,串哥搵錢只求生活安定,開開心心就夠,不求大富大貴。喂唔講咁多喇,出街 Shopping 先 ! 你地慢慢整年報啦
相關文章:
【教學】幫 iPhone 清除 IG、FB 無用垃圾 實試釋放手機 16 GB 儲存容量 FB 香港 16 萬會員貓店長群組被封鎖 貼殘障貓相片疑被 AI 誤認為暴力仇恨內容 Facebook 應用程式圖示亂變色 原來是技術性錯誤
分享到 :
最新影片
![](https://cdn.unwire.hk/wp-content/uploads/2024/09/iphone16_d_web2-694x390.jpg)