曾幾何時擁有一部 Fujitsu Notebook 係身份象徵，一來 MIJ，二來佢地都有超級輕薄設計，就好似今日發佈的 LIFEBOOK S935 外表好似係 Ultrabook，但實際佢有齊 DVD-RW 光碟機、4G LTE 及 30 小時超強續航力，而且機內還有比指紋辨識更可靠的保安功能，想知究竟這部萬七蚊起的 Notebook 有幾「巴閉」就等小編 同你試！（以下有更多資料。）
齊接口 機身更輕！
自從 UltraBook 面世後，這兩年的 Notebook 設計幾乎零驚喜，起初小編 對這部 LIFEBOOK S935 都冇期望，心裡同讀者一樣想「佢憑乜賣貴過 MacBook？」。睇返部機，其實佢源用之前 LIFEBOOK S904 設計，賣點是超薄機身可容納 USB、VGA 甚至瀕臨絕種的 DVD-RW 光碟機，但最利害係拎起完全唔重，我諗比 MacBook Air 13 再輕少少（官方稱重量為 1.13kg）。至於佢同 S904 分別係 TouchPad 回復雙鍵設計，同時機內新增一些保安功能，而受惠於新處理器續航力亦提升至 30 小時之多。
▲ 外形及重量都唔太似一部 13 吋 Notebook。
▲ 兩側有齊 3 組 USB 3.0、LAN、HDMI + VGA 輸出 及 DVD-RW 光碟機。
▲ 機前有 SD 讀卡器、Smart Card 讀卡器及雙聲道喇叭。
▲ DVD-RW 有「快拆」功能，唔用時可令機身更輕。
「靜脈」解鎖更準、隔空鎖機
提起保安功能，近年最 Hit 應該都係指紋辨識．不過 Fujitsu 它們仍存有漏動，例如套取複製指紋等等，因此它們在 LIFEBOOK S935 首度加入 Palmsecure 靜態辨識，原理是紀錄掌心內靜脈血管（唔係掌紋），準備性比指紋更高，而且近乎無法複製（手斬下來冇用，須血管流動）。小編 試過發現註冊過程比較麻煩，因為隔空 (4-5cm) 掃瞄好唔慣，但完成後辨識及登入就好快。另一個功能係 Clearsure，用途是透過網絡發送 SMS 訊息，即使關機情況下仍可鎖定電腦或刪除硬碟內資料，防止電腦被盜讓重要資料遺失。
▲ Workplace Protect 軟件會見到保安選項有 PalmSecure 。
▲ 透過隔空掃瞄掌心上的靜脈血管來辨識身份，準確率比指紋更高。
最新 2015 年配置
LIFEBOOK S935 另一賣點用了 2015 年配置，機內搭載 Intel 最新第 5 代 Core 處理器，從型號 5 字開頭（eg i5-5200U）就辨識到，它們好處是 GPU 性能比之前大幅提升，但功耗就更低，因此才可達到 30 小時使用時間。除此之外，它還裝配了 4GB / 12GB RAM、256GB /512GB 的 SSD 及 13.3 吋 2,560 x 1,440 IGZO 輕觸屏幕（另有 1080p 版本），而最貴型號還設 4G LTE 上網功能，但當然售價就唔止萬七蚊咁少。
▲ 小編 試的屬頂級型號，裝配 Intel Core i7-5600U、12GB RAM 及 512GB SSD。
▲13.3 吋屏幕擁有 2,560 x 1,440 解像度，畫面細節，但輕觸關係表面反光是死症。
▲ 電池底部設 SIM 卡槽，可支持 4G LTE 網絡。（只限最貴型號）
▲ 機內預載軟件主要是保安及控制台。
▲ 機內都有一些贈送軟件，但小編 見到 PowerDirector v8.0 就不禁想：「上年都出到 v13.0，究竟 v8.0 係幾多年前」….
小編 ：貴得有道理 商務為主
LIFEBOOK S935 功能、設計及規格條件都好高，但入場費都要 $16,980 實在非一般人負擔得來，價錢比 MacBook Pro Retina 13 或 ThinkPad X1 Carbon (2015) 都要貴，當然有人會說 MIJ 已經值回票價，但如果佢肯加推一個「走保安功能」的型號再平點就會再吸引一點。
