上星期小米發佈「小米 Note」其實同場仲有配角「小米小盒子」，雖然佢唔係「小米盒子」升級版，但超迷你體積都吸引唔少人留意，想知佢用起來跟「小米盒子」有咩分別，就等小編 同大家研究一下。（以下有更多資料。）
輕鬆接駁 超慳位
「小米小盒子」聽個名就知賣點「細」，它體積只有一個「旅行插蘇」，而安裝方法亦同插蘇一樣「直插」就得，毋須再接駁電源線或火牛，因此盒子只佔用拖板上的一個插頭，小編 認為這個設計非常慳位！ 機身方面，盒子其實只有 1 個 HDMI 輸出，配件亦只有 1 條 HDMI 線及 1 個藍牙遙控器，基本上唔睇說明書都知點運作。
▲ 小米小盒子的包裝非常精美。
▲ 盒內配件只有盒子、HDMI 線及遙控器。
▲ 插上拖板後只須駁 HDMI 線到顯示器便可使用。
「小米盒子」介面、裝 App 要靠網
「小米小盒子」體積細，但開啟後便發現熟識的介面，因為兩者採用相同介面，裡面大家可找到電影、劇集及綜合節目等欄目，小編 隨便選幾個都可順利播放。當然盒子唔會「齋睇」預設內容，因此我估大家最想知都係如何在冇 USB 情況下安裝 apk。其實方法很簡單，只要把電腦或手機連到相同網絡就可透過網絡安裝，但這個方式只限 apk 檔，不能把影片移到機內，因此「小米小盒子」用途主要用於收看串流，如果想自家內容就可能要用返「小米盒子」。
▲ 「小米小盒子」的介面跟「小米盒子」相同，而且試播時都很順暢。
▲ 在應用程式選單最右邊可找到「快捷安裝」的選項。
▲此時電腦只須輸入相同的 IP 地址就可把 apk 安裝到盒子內。
▲ 盒子支援 1080p 60Hz 輸出。
▲ 從 Antutu 可以看到盒子搭載 MediaTek MT8685 處理器及 1GB RAM，於測試可錄得約 21,000分。
小編 ：好慳位 最啱睇串流
「小米小盒子」設計「的骰」慳位，擺放幾乎唔佔用多餘空間，用來睇下串流節目是個唔錯選擇。不過，「小米小盒子」最大缺點係連 1 個 OTG USB 都冇，即使唔係用來駁 USB 睇片，有時想駁鍵盤滑鼠都被迫用藍牙，再加上售價都要 $199 人民幣（約 HK$247），長遠使用都係「小米盒子」比較方便。
售價: $169 人民幣
相關文章:
【評測】小米 15 Pro 亮銀版國行開箱評測 凹凸玻璃搶眼兼好手感 + 熒幕表現依然出色 + 相機配置驚喜欠奉 + 旗艦級效能電量亦夠「長氣」 【評測】小米 14T Pro 開箱評測 單手操控表現佳 + 夜攝表現出色 + 熒幕顯示亮麗 + 電量超「長氣」可用足一天以上 + 超抵玩旗艦效能手機 支援多達四個摩打 2,054 匹馬力 小米發表全新智能電動車底盤
分享到 :
最新影片
