搭車搭飛機都想靜靜地聽歌，好多人都會選購主動抗噪耳機，入耳式款式還多，但頭戴式就極少選擇，而 B&O 今日發佈全新的 BeoPlay H8 就同時具備「藍牙無線」及「主動抗噪」兩大特質，加上皮革與金屬的設計，唔知試聽效果會點呢？（以下有更多資料。）
有「主動抗噪」、夠輕身
B&O 唔洗多講都知係音響名牌，但它們向來都較少推出音樂藍牙耳機，因為質素更難控制。不過，這次發佈的 BeoPlay H8 除了把 B&O Signature Sound 音色移植，最令人意外是它還內建「主動抗噪」功能，但重量竟然只有 255g，頭戴式無線耳機連電池來講都算幾輕。當然輕唔代表用料差，耳機主體由鋁金屬製成，頭帶用牛皮包住，耳綿亦由羊皮製成，外觀名貴。而為免按鈕影響觀感，耳罩表面特設手勢觸控面版，向上下掃動是開關抗噪、左右是選曲，中間是播放，最後順逆時針是音量，操作都算易上手。
藍牙支援多平台、電量夠用 14 小時
耳機採用藍牙 4.0 及支持 aptX 等傳輸格式，iPhone、 Android 及 Windows 裝置均可使用，配合 800mAh 可替換電池，耳機可連續收聽約 14 小時，即使飛機不能使用藍牙，耳機亦提供 3.5mm 接口令它變成「主動抗噪」有線耳機，使用時間更可長達 35 小時之多。
全方位藍牙喇叭、似買送籃
現場還展示了 Beolit 15 藍牙喇叭，重點是 True360 全方位音效播放及240w 超強輸出，電池可播放 240 小時。小編 試聽後覺得正面音質佳，但換轉其他角度 Bass 感覺會大降。不過，最大問題是 2.7kg 極不便攜，幸好支持 USB 充電。
小編 後感 (非專業)：「頭帶偏硬、人聲較出 」
BeoPlay H8 配戴時很貼耳，頭帶感覺有點「硬」，幸好戴後唔覺重，但戴一陣會感到少少「焗促」，舒適度普通。音質方面，音色以中頻較突出，低音唔太強，音場感覺比較集中，整體評價中上，但價錢會比同類產品貴。
售價：$4,488 (BeoPlay H8)
查詢：beoplay
分享到 :
最新影片
