「USB 拖板」出現，雖然解決了拖板上插太多 USB 火牛的問題，但就令拖板周圍變成澤國，因為充電時手機、平板亂放在旁邊，除了將手機「層層疊」，最近 MiniQ 推出的 Charging Station 7 終於找到一個不再凌亂的方案，想知係點就要睇埋落去！(以下有更多資料。)
不再凌亂！書架式充電法
最近接觸的「USB 拖板」都愈來愈細，但唯獨 Charging Station 7 就成塊砧板咁大，機頂仲有一格格隔住的膠板，唔知仲以為擺放信件的文件架。不過，這些膠板正是產品精髓所在，真正作用是把手機平板放進一格格內，最多容納 7 台裝置，體積大至 iPad 都兼容到。配合 USB 位於機旁設計，這樣就可用最短距離、最整齊方式為 7 台裝置同時充電，咁就唔洗再怕手機「層層疊」。
▲ 機上的膠板是用來擺放手機及平板，最普通手機到 iPad 都放得落。
▲ 有時候手機或平板都會蓋上保護套，而 Charging Station 7 上的預留空間足以容納一部 iPad 連保護套。
7 頭 11.2A 總輸出！跟 3 條純銅充電線
能為 7 台裝置充電，Charging Station 7 具備 11.2A 總輸出，其中 4 個屬 5V / 1A (靠左)，另外 3 個為 5V / 2.4A，換言之同一時間可充 4 台手機及 3 台平板。此外，Charging Station 7 隨盒已跟 3 條純銅 USB 線，藉此確保為充電有最佳效率。
▲ 機上有 7 組 USB 接口，其中 4 組屬 1A 輸出，另外 3 組屬 2.4A 輸出。
▲ 為 iPad 充電時錄得 2.3A 輸出。
▲ 隨盒跟 3 條 純銅 USB 充電線。
把所有裝置放進充電，手機就不再須「層層疊」，最適合係屋企全家一齊用。
售價：$498
查詢：Magic-Pro（2388 4168 ）
