之前 Letv 推出過數次 X50 Air 及 S40 Air 超級電視的搶購，反應都算唔錯，次次都幾分鐘賣完幾百甚至一千部，證明性價比高電視始終有市場。不過有些用家在搶購時間未有需要買電視，到需要時又無搶購活動，感覺有點唔方便。Letv 今日就宣佈長期開放預售這兩部電視，這樣用家就可以按個人需要，任何時候入手都得了。
據官方表示，這長期預售模式唔似搶購有限量，基本上是長期開放俾大家買，情況就好似 Apple iPhone 咁樣，而購買後，大約 6 至 8 個星期內就會出貨，雖然唔似搶購咁可以即搶即買，但就幾時「禁制」都得，亦唔洗驚番工時間因為要做嘢上唔到官方商城搶購，又或者手腳唔夠快最後唔夠人搶。另外，每次 Letv 提供搶購都是一個指定型號，如果要搶購另一型號，就要等下次。但如果是長期預售，就可以按自己需要揀合適型號，唔洗焗搶唔適合自己用的款式。
