你出外攝影時可有試過，看到優美景色時急急忙忙掏出相機打開鏡頭蓋，心滿意足拍完時，渾然忘卻鏡頭蓋放哪裡去了？雖然有人會用吊繩掛把鏡頭蓋掛在機身上，但這個做法看起來實在太唔型。日前有加拿大公司 Town 30 在 Kickstarter 網站上集資，希望推出一款相機袋 Emissary，特別之處是相機袋側具有鏡頭蓋座，不同牌子的鏡頭蓋都可以裝在這個 mount 上面，這樣影完相就不會忘記鏡頭蓋到底跑到哪裡去了。
▲袋本身設計都幾靚，而相機蓋可以扣於袋身左側，最多可以一次扣 3 個唔同大細的相機蓋。
▲有多種顏色選擇。
▲袋仔細細但已可放入手機、手提電腦、相機等，十分適合需要周圍飛的攝影師使用。
Emissary 相機袋除了鏡頭蓋座設計，還有採用了菲林機拉桿設計的黃銅扣鎖開關，令它更容易令人聯想到相機去。相機袋的內籠具有不同不大小的收納袋，可以放置各樣拍攝器材和生活必需品。Emissary 相機袋分別有兩種大小，分別是可放置 13 吋 MacBook 的 Burzin，以及收納 15 吋 MacBook Pro 的 Cumbysis，售價分別是 $295 和 $355 加元；另外皮革版則售 $475 加元。
當然，如果大家想支持一下，可以到 Kickstarter 成為他們的 backer，購入價會比原價平少少，預計第一批將會今年八月出貨。唔知鍾意攝影的 unwire.hk 讀者，會唔會心動想入番一隻呢？
來源：Kickstarter
分享到 :
最新影片
