自從步入了廿到尾三字頭，Facebook Timeline 就經常「BB 女 Day 113 日」、「小豆豆赤柱下水禮」這類呃 Like Post 充斥著。雖然並非自己親生骨肉，和朋友亦未算特別老友，但你就睇住個細路逐天逐天成長；如果你還忍到，沒有 Unfriend 或隱藏你朋友的話。
要做一個又型又呃到 Like 的「潮媽」，英國劍橋公爵夫人凱特是不錯人辦。凱特上週末透過英國皇室 Facebook 和 Twitter，上載了 4 張小王子佐治抱著妹妹，5 月初出生小公主夏洛特的相片，正式向外界介紹皇室新成員。相片據說攝於 5 月中，而揸機拍攝的正是凱特本人。相片在 Facebook 獲得了超過 20 萬個 Share，近百萬 Like；相信讀者在 Facebook Timeline 都已經見過這 Post。
要呃到 Like，仲要多人 Share，靚仔靚女加上精靈可愛，光線動作神情恰到好處固然重要（今次凱特的人像攝影技巧應記一功），個人認為物以罕為貴亦是重點。如果每日見 BB 女、小豆豆的頻率如 TVB 播《武則天》般頻密，唔令人生厭都幾難。最惡頂還是「BB 參加了奶粉公司比賽，親戚朋友快啲幫手 Like & Share」，試想想凱特為了尿片奶粉衫仔禮券叫網民俾 Like，全球網民會唔會鬧爆？想做朋友群中受歡迎的「潮媽」，是時候跟凱特學習了。
分享到 :
最新影片
