大熱天時走入便利店打開雪櫃，你會買哪一款飲品呢？會是 Jolly Shandy 嗎？這款曾經是不少小朋友扮大人的飲品，成長以後反而會揀汽水綠茶檸檬茶或者啤酒，把 Jolly Shandy 忘記了。多得劉浩龍先生，突然間網民的腦海再一次出現 Jolly Shandy 的名字。

昨日宣稱自己有潔癖的劉浩龍，在 Instagram 上載了一張污糟邋遢的手的相片，並且留言指難忍對面食客雙手污糟，所以忍受不到而投降走人。相片上載不久就被網民鬧爆，話劉浩龍不懂尊重人。估唔到 Jolly Shandy 突然在 Facebook 抽水，用同一張相片加入了一罐 Jolly Shandy，並且仿照劉浩龍的留言：『我頭先去食碗麵，對面坐咗位人兄隻手係咁嘅（當然要誇張小小啦）。我無對呢雙污糟嘅手投降，我只係買咗罐凍飲，幫佢開埋，希望佢可以紓解工作壓力。Happy Friday，生活不易啊！』

短短幾個鐘，這篇抽水圖文就火速在 Facebook 洗版，獲得了不少網民點 Like 和 Share，唔少網民留言大讚，更話會買返罐支持下。雖然之後其他抽水圖亦相繼湧現，揶揄劉浩龍食軟飯，不過都不及 Jolly Shandy。能夠不花一分一毫就獲得了大量曝光，今次全靠 Jolly Shandy 的 Marketing 人員追貼網上消息之餘，又摸得清網民心態，誰說返工唔應該用 Facebook 的？！