噴墨打印機印象向來都係「成本高」又要經常「換墨盒」，好多人都被迫轉用鐳射打印機。不過，Brother 早前推出一款 DCP-T700W 賣點係打印成本超低，而且仲唔洗換墨盒咁麻煩添！
「電子產品一過保養就壞？」報導又再掀起討論，噴墨打印機首當其衝，覺得墨盒信唔過？那 DCP-T700W 最新 Refill Tank 設計就肯定夠晒透明度！因為 Refill Tank System 設計是一個固定容器，墨水透過添加方式倒進容器內，好處係免安裝，二來墨盒屬透明設計，容量一目了然，而且「45 度」瓶口及前置式設計，添墨水時防止濺出，同時比其他同類 Refill 機種更慳位。此外，一樽 Refill 墨水印量可多達 5,000 張（黑色 6,000 張），每樽售價約 $60-$78，打印成本可低至 $0.013。
▲ Refill Tank System 設在機身右方。
▲ 把墨水倒進容器再關好膠塞就完成充墨步驟，而特色 45 度瓶口亦防止墨水濺出。
▲ 每樽墨水大約有 5,000 張（黑色 6,000 張）印量，但要留意墨水打開後只可存放 180 日，而且墨水樽必須直立存放！
DCP-T700W 是一款有打印、掃描及影印功能的「3 合 1」打印機，能每分鐘打印 11 張黑白及 6 張彩色文件，最高支援 1,200 x 6,000 dpi，平台可掃瞄 A4 面積 1,200 x 2,400 dpi 影像，而頂部還有可容納 20 張紙的自動送稿器。連接方面，此機主要使用 WiFi 打印，支援 Windows 8.1 及 MacOS X (10.10) Yosemite 或更舊系統，打印機內還藏有 USB 介面，供大家係冇 WiFi 的地方使用。
▲ 底部儲紙櫃可放約 100 張 A4 紙。
▲頂部自動送稿器可容納 20 張紙。
▲標準掃描器平台，可掃描 1,200 x 2,400dpi 影像。
▲ 除了 WiFi 連接，機內都提供 USB 連接介面。
▲ 使用單行 LED 顯示，操作簡單易明。
售價：HK$1,598
查詢：Brother（3187 0500）
