鍾意用開手機影相既用家，可能都會有注意到 Moments 呢個手機鏡頭品牌，可能你已經有佢地去年發布既 18mm 廣角鏡同 70mm 長焦鏡了，又或者今年年頭所推出既 iPhone 6 Moment Case 。如果你對以上所講既無興趣，又或者已經有晒以上既產品而又想買新既，依家有好消息啦： Moment 岩岩推出左一個新既微距鏡頭！
新既 Moment 微距鏡有 10 倍放大倍率，而對焦距離為 25mm 。 Moment 微距鏡同一般市面上既雜牌手機鏡頭非常之唔同，佢係用高端既 ED 玻璃鏡片同多層增透膜所製成的，所以影出黎既成像清晰度相當高，變形情況亦會控制得好好多。
Moment 公司指，係呢個手機鏡頭市場上無人能夠做到一個質素可以接受既微距鏡，而這正正令佢地覺得好失望，於是著手研發出最好既手機微距鏡，亦即係今次所推出既 Moment marco len 。
Moment marco len 會附上一個可拆既 hood ，對於平衡同柔和光線有好大幫助。 Moment 團隊表示，佢地為左確保質量，所以會自行製作玻璃﹑內管﹑散光器以及金屬外殼黎控制返。如果睇完有興趣既用家，可以到佢地既網站，進行預訂，價錢為 US $100 (約 $775) 。不過買家要注意， Moment marco len 暫時未有貨出，最快會於 8 月出貨。以下係佢地既官方照片：
來源： PetaPixel
分享到 :
最新影片
