大家好!又係我黃家慰 Candy啦!每逢假日我都會係屋企整下甜品,享受下入廚既樂趣。但鍾意一邊整一邊影相 share 製作過程既我,經常都整到部機污漕晒,好彩 Xperia Z3+ 有防水功能,令我可以放心帶佢入廚房。今次就等我同 unwire 既讀者分享一下佢點幫到我啦!
睇住食譜學整甜品
整甜品需要好多步驟,每次上網睇到新食譜既時候,我都會一邊睇住手機一邊學整,而 Z3+ 既 Wet-Tracking 濕屏觸控設計,玻璃面不但唔易留低指紋,就算隻手濕笠笠或者螢幕沾到水滴,觸控既反應都同乾手時一樣,唔會有錯亂,或者反應減慢既情況。亦因為一邊整野食一邊用,好多時部機都會俾我整都好污漕。而 Z3+ 既防水功能去到 IP68 防水等級,而且 microUSB 係無蓋式防水設計,就算唔記得蓋好都唔怕濕水,可以隨時沖番乾淨。
▲ 「掛住睇食譜,都唔知原來整污漕咗部電話添!點算好呀?」好在 Z3+ 有IP68 防水等級,無論手機再污漕都可以輕易沖番乾淨。
▲ 「以後無論整到幾污漕都唔怕啦,既乾淨又衛生!」
▲「就算入咗啲麵粉落個窿窿都唔怕!」microUSB 無蓋式防水設計,大大減少唔記得將蓋蓋好或蓋被扯斷而導致入水既問題了。而且 Wet-Tracking 濕屏觸控的設計,就算螢幕沾到水滴,觸控亦唔會有錯亂,或者反應減慢既情況。
相機食先!第一時間拍攝製成品
好唔容易整好 D 成品,當然要襯仲新鮮,第一時間影相啦!而 Z3+ 配備 2070 萬像素的相機鏡頭,高 ISO 感光度,就算喺黑既環境都可以拍出超銳利既形象,就算放大睇都可以清晰睇到每個細節。而我最鍾意用嘅就係「美食模式」,只要將鏡頭對住甜品,就會將甜品自動美化食物,提升食物既對比度同色彩之餘,又會保留盤既原色,將製成品睇落更加好味。
▲ 只要使用進階自動模式,當相機鏡頭偵測到美食,就會自動開啟「美食模式」。
▲ 「美食模式」不但可以提升食物既對比度同色彩,更會保留盤同環境既原色,令食物睇落更好味。
▲ 影出黎唔會好似以前咁唔夠光同黃黃地喇!而且 d 水果顏色好 Sharp !係咪好想食呢?
▲ 除左影食物會變得更吸引之外,影人既時候進階自動模式更會同時做埋美肌。咁人同食物就會一樣咁靚啦!
Candy:「終於可以放心帶埋部電話入廚房!」Xperia Z3+ 係我入廚既好拍擋,整野食整到隻手濕笠笠,一路睇食譜都唔怕反應變慢。而且又有防水設計,就算唔小心整污漕咗,用水沖一沖就得,非常方便。最好就係「美食模式」,鏡頭對住個製成品,就可以自動美化,係「相機食先」既好幫手!
相關文章:
【評測】Sony ZV-E10 II 拍片機影相一樣得 毋須調色直出別具風格相片 【評測】Sony ULT WEAR WH-ULT900N 真無線重低音頭戴耳機 兩種重低音模式比較 + 性價比高 + 續航力高 Sony《Concord》推出僅 11 日快速下架 將全額退款給玩家 + 同時遊玩人數不足 700 人
分享到 :
最新影片
![](https://cdn.unwire.hk/wp-content/uploads/2024/09/iphone16_d_web2-694x390.jpg)