上星期介紹過幾個唔同地區既市集，今次就介紹幾個俾 70後、80後 同 90後去既懷舊市集，等大家係行市集之餘緬懷下過去，話唔定當中有唔少物品曾經你都擁有過呢！
美少女戰士主題市集
唔經唔覺美少女戰士有足足 20年歷史，曾經亦陪伴過唔少 80後、90後成長，今次美少女戰士主題市集就有各類美少女戰士主題手作品、中古玩具、漫畫等出售，有機會讓大家填補一下童年既遺憾。到場既仲可以登記參加抽獎，有機會贏得美少女戰士中古玩具一份。
日期：2015年7月25日 (星期六) 下午1時 ‑ 8時
地點：觀塘駱駝漆大廈1座 7/F C室 》香港觀塘開源道62號
店小二古道具市集
現代社會快速多變，好多物件漸漸被電腦、手機取替，係店小二古道具市集入面，我地可以靜靜欣賞由世界各地蒐羅番嚟既老飾物、古著、小玩意同各式雜貨，細細品嚐舊物之美。
日期：2015年7月25日 ‑ 26日 (每日) 下午1時 ‑ 7時
地點：22 Degrees North (22°N) 1/F 》九龍深水埗南昌街88號
“Times Up Pens Down” 小型展覽
除左耿耿於懷呢首歌，那些年既校園生活，你又記得幾多？當年令人陽奉陰違的校規、令人生不如死的習作、令人奄悶的文具盒，現在回望，卻成為了一則又一則的笑話，青春的印證，那些年的最美。這個小型展覽就有一系列同學校同文具有關既產品出售，到時仲可以一齊寫「我的志願」、玩art jam。
日期：2015年7月5日 ‑ 8月2日 (除星期一外) 上午11時 ‑ 下午8時
地點：N_store 》葵芳葵德街16-26號 金德工業大廈220室
資料來源：timable
分享到 :
最新影片
