講到最期待既 Marvel 電影，當然係不得不提《死侍》啦，佢既消息同新聞幾乎每個星期都有，不過每個星期黎黎去去都係啲劇照，對係 2016 年 2 月先上映等待既觀眾真係唔夠喉啵；所以今次 20th Century Fox 都好識做，係較早時間就發佈左正式預告，不足 48 小時就累積近千萬既瀏覽量啦！
故事講述前特種部隊成員 Wade Wilson ，被診斷出有癌症，為左治癒而自願接受人體實驗，從此令佢擁有左快速癒合既能力，但就完完全全毀壞五官外在。就好似其他英雄電影，「能力越大責任越大」，係預告中可以見到佢以搞笑既方式打鬥，對付芝加哥既不法商業交易既人；其後亦會追殺對佢做實驗既神秘人，當然又係以「很黃很暴力」既方式。呢套絕對係夢寐以求既 R 級粗俗英雄電影！
以下為《死侍：不死現身》正式預告片：
《死侍：不死現身》將會係 2016 年 2 月 4 日上映。
來源： 20th Century Fox
分享到 :
最新影片
