無論十幾、廿幾定三四十歲嘅女士們都追捧住「骨膠原」呢樣聽落好實在但肉眼又睇唔到嘅物質上。為左皮膚睇落更有彈性，除左會塗含骨膠原嘅護膚品，更會食含有骨膠原嘅啫喱、飲品。依莉詩雖然有見過朋友飲完 F 牌嘅骨膠原飲品之後，皮膚真係靚左，不過一停，好快就打回原形。雖然有效，但我就唔捨得每個月俾千幾蚊買野飲啦。事實上坊間都有唔少家用 RF 射頻機都標榜可以刺激骨膠原再生，如果一部機就可以有同樣效果，應該都唔錯。今次我就搵到一部台灣品牌嘅家用 RF 射頻機嚟試下，睇下係咪咁犀利
點陣式導頭，收毛孔兼瘦面
RF 射頻機嘅原理喺利用電流通過皮膚時產生嘅電阻，令真皮層加熱，從而改變骨膠原層結構，促進新陳代謝，以達致緊緻輪廓同收細毛孔嘅功效。而呢部 MyB 家用 RF 射頻機喺用點陣式導頭，快速傳送 40-60度嘅熱能去激活深層細胞，所以做嘅時候會感覺到暖暖地、拮拮地，之後亦出現微紅嘅情況，幸好泛紅 10分鐘左右就消失了。
▲ 射頻機有安全裝置，要手掌同時接觸兩邊銀色導電位同將導頭緊貼皮膚先會著。
▲ 除左導頭傳送能量外，導頭外圍會同時發出紅光幫助嫩白緊緻肌膚。
▲ MyB 這個牌子最近先打入香港市場，所以小編借來的是台灣嘅兩腳插頭版本，相信遲 D 行貨會轉番做 3腳插頭。
流線型機身，用喺不同部位都就手
依莉詩之前見果 D 家用射頻機都分開機身同導頭，做療程時下下有條線連住都幾煩，而呢部喺無線設計，充好電就可以用，好方便我呢 D 鍾意夜晚一邊睇電視一邊做 Facial 嘅懶人。而且佢流線型機身，用起上嚟幾順手。由下巴慢慢向上拉就可以瘦面。由鎖骨大動脈位置至耳背來回打圈就可以減淡頸紋同去除面部水腫。除左做面，其實射頻機都可以用喺身體其他部位，例如 Bye Bye 肉同肚腩仔咁，不過呢部機嘅能量唔大，用喺身體就好似無乜感覺。
▲ 呢部射頻機有高、中、低， 3個能量強度選擇，我建議最初先用低強度習慣咗先，因為始終都會有少少刺痛。
▲ 雖然射頻機可以用嚟消脂，不過呢部機釋出嘅能量唔大，所以對小編舊 Bye Bye 肉同小腿好似無乜作用。
依莉詩：「輕巧的無線射頻機！」
起初做嘅時候有 D 刺痛感同出現泛紅，其實來都有 D 擔心，幸好泛紅 消失咗之後，毛孔的確喺收細咗，而且皮膚都有彈性咗。不過做完之後皮膚比較乾，所以要即刻做番 D 保濕。至於有無拉提同緊緻輪廓嘅效果，小編暫時做咗兩次所以唔覺有太大分別，相信要堅持做多一段時間先知。整體嚟講，呢部機都算幾抵玩，千幾蚊比起 Dr. Bauer 同 Yaman 都平，而且無線設計，想拎去邊都做得！
售價：$1080
查詢：MyB HK Kwun Tong warehouse (5114 7826)
分享到 :
最新影片
