相信你都可能玩過 TSUM TSUM 手機遊戲，入面 Q爆造型嘅迪士尼卡通人物實在令人愛不釋手，甚至有唔少人會買好多隻迷你 TSUM TSUM 公仔番屋企嚟場現實版層層疊。見咁受歡迎，今次美心西餅就精選咗幾位較有人氣嘅米奇、小熊維尼、三眼仔、勞蘇 同 史迪仔 推出鮮果蛋糕、創意「疊疊」甜品杯 同 造型蛋糕，大家絶對不能錯過！
限量版「疊疊」甜品杯
6款 TSUM TSUM「疊疊」甜品杯都喺以米奇、小熊維尼、三眼仔、巴斯光年、跳跳虎 同 史迪仔 嘅 TSUM TSUM 造型設計，每個$32。除咗可以分開擺放之外，仲可以將甜品杯疊埋一齊，令趣味性大大增加！ Let’s stack for fun！
▲ Let’s stack for fun！
▲ 每一杯都有唔同味道，米奇甜品杯入面嘅喺草莓慕絲。
▲ 而三眼仔就喺意大利芝士餅味。
▲ 但點解巴斯光年喺朱古力慕絲呢？



▲ 小熊維尼嘅顏色同木糠布甸又幾似嘅。
▲ 跳跳虎原來喺楊枝甘露，好似幾特別。
▲ 史迪仔喺牛奶布甸，如果用 3.6牛奶就更好啦！
TSUM TSUM 蛋糕系列
蛋糕系列有 3款，分別有 TSUM TSUM 立體模型喺中間嘅鮮果蛋糕、勞蘇草莓慕絲蛋糕 同 三眼仔芒果慕絲蛋糕。每款都非常可愛，真喺唔忍心砌開呢！
▲ 良朋共聚草莓蛋糕表面佈滿新鮮士多啤梨，$288/ 1.5磅。中間放有一個 TSUM TSUM 立體模型，雖然唔食得，不過以米奇為首，加上小熊維尼、跳跳虎、毛毛 同大眼仔等，已經足以迷倒一眾 TSUM TSUM 粉絲，成為 party 焦點！
▲ 勞蘇同士多啤梨味從來都喺唔可以分割，粉紅色嘅部分喺香甜幼滑的草莓慕絲蛋糕，生鬼的表情及鼻子則是朱古力裝飾，$188 一個。
▲ 搗蛋嘅三眼仔令人又愛又恨，今次收起反斗性格，以乖乖的 TSUM TSUM 造型亮相，滋味嘅芒果慕絲蛋糕，配上 3隻朱古力趣緻大眼睛，真喺唔捨得砌開呢！
限量版TSUM TSUM購物袋
▲ 只要購買任何 TSUM TSUM 系列甜品就可以加 $58換購一個手繪風格嘅 TSUM TSUM 環保袋，限量架！手快有手慢無！
資料來源：美心西餅
分享到 :
最新影片
