昨日 Samsung 就火速係香港發佈 2015 年下半年的旗艦手機 Galaxy Note 5 及 Galaxy S6 edge+，當中自然係以一直有一定粉絲支持的 Note 5 最為吸引。究竟用起來感覺係點？就等 Edward 用幾篇文章來同大家分享下試用短時間後的感受
更易單手操控
當然，要好舒服咁單手操控，Note 系列始終係大芒手機，要好似 5 吋手機咁容易單手操控始終唔係咁易。但今次 Note 5 就採用了雙弧面強化玻璃做機背，設計就好似將 S6 edge 的正面玻璃放大然後放係機背用咁。呢個設計揸上手更舒服，加上 Note 5 採用十分幼的邊框設計同埋薄咗唔少的厚度，令用家可以勉強做到單手操控。
▲而 Note 5 採用較窄機身設計，單手勉強可以操控得到。
▲ Note 5 機背就採用雙弧形強化玻璃設計，單手操控時無咁刮手，舒服好多。
設計靚但易痴指紋
另外，係設計上 Note 5 一改 Note 4 的仿皮機背+ 金屬邊框設計，係 Note 5 上繼續保留金屬邊框設計，但機背如前文所言，用上玻璃設計，加上今次新推出的銀色機身，整體真係比 Note 4 高貴得多。不過採用強化玻璃做機背，就令機身變得易痴指紋，對於有潔癖的用家來講，可能要隨身帶定抹布隨時清潔機身啦。
▲玻璃機背會令指紋比較容易痴上去。
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
暫只推雙卡版本
另外，同上代 Note 4 相比，Note 5 係香港初推出就推出雙卡版，可以雙卡槽均能支援 4G，只要襟個制就可以隨時切換，不過要留意嘅係，Note 5 雙卡版同其他 4G 雙卡手機一樣，都係只支援 4G / 3G + 2G 模式，當一張 SIM 卡正使用 4G 或 3G 網絡，另一張 SIM 卡就只能用於打電話。
▲Note 5 一推出就採用雙卡版本。
▲只要進入 SIM 卡管理員，就可以隨時切換使用哪張 SIM 通話或上網。
▲要留意，當一張 SIM 卡以 4G / 3G 上網時，另一張就只能用 2G GSM 網絡，亦即係代表只能用來通話。
▲如果啟動了雙卡雙待功能，就可以同時接收到兩張 SIM 卡的電話了。
堅無得換電插卡
另外，之前傳聞雙卡版 Note 5 的 SIM 2 卡槽，可以好似 Galaxy A8 咁插 microSD 記憶卡，用於擴充儲存空間。不過係 Note 5 上，Edward 試過就證實了 SIM 2 卡槽只能放 SIM 卡，而不能插 microSD 卡。加上 Note 5 採用一體化機身設計，所以 Note 4 或以往的 Note 系的可換電特色設計，係 Note 5 上就被取消了。到此正式宣佈連 Note 系機款都暫不再支援插卡換電了。
▲從呢張相大家就見到 microSD 記憶卡根本就放唔入 SIM 卡槽，大家就知道 Note 5 可插卡已夢碎。
▲另外 Note 5（右）係採用一體化設計，所以以往 Note 3（左）或以前的可換電設計亦無咗。
指紋改 S6 / S6 edge 式一按即解鎖
此外，上代 Note 4 其實已加入指紋辨識功能，不過那時候採用了要將手指在 Home 鍵上方向下掃，先可以進行辨識，使用起來體驗不夠 user-friendly。而係 Note 5 上，就改為採用早已係 Galaxy S6 / S6 edge 上所採用的按動式辨式指紋鎖，只要將手指按在 Home 鍵上即可解鎖或訊行身份辨識，單手用起來真係方便好多。
▲ Note 5 上就採用了 S6 / S6 edge 的一按即辨識設計，單手操控手機要用指紋辨識器時會更方便。
預告：S Pen 有咩新功能下回話你知！
至此，Edward 就同大家介紹過 Samsung Galaxy Note 5 的上手手感，但 Note 系一向最引以為傲的功能：S Pen 究竟係 Note 5 上又有咩改進？Air Command 功能又有冇強化？下回再同大家分享！
相關文章:
【評測】Samsung Galaxy S24 FE 詳細評測 機身輕薄手感佳 + 用色清新迎合年青人 + 熒幕顯示效果出色 + 效能不錯打機都夠 + 定價抵玩 【評測】Samsung Galaxy Tab S10 Ultra 開箱評測 機身較薄但偏重 + 熒幕顯示出色舒服 + 旗艦級效能打機剪片都得 + 定價偏貴入手門檻高 【評測】Samsung Galaxy Buds / Buds3 Pro 開箱評測 外形具時尚感 + 佩戴感舒適 + 音質表現理想 + 夠「長氣」可三日一充
分享到 :
最新影片
