以前細個見到迴轉壽司就好開心，見到一碟一碟色彩繽紛嘅壽司喺眼前轉轉下咁。但大咗之後就算坐 bar 枱都寧願落 order，事關有時坐成個鐘都係望住同一碟甜蝦喺度轉，真係拎唔落手。可能個個都係咁，所以元氣就來個大革新，以平板點壽司，再由高速列車送到你面前。我依莉詩今日就去咗荃灣廣場嘅元氣高速線分店，邊玩邊食。
一枱一平板，唔洗再數碟
高速線分店同一般迴轉店最唔同嘅地方就係全面電子化咗，荃灣店入面每一張 order 枱同每一個 bar 枱位都有一部平板用嚟點餐，務求可以簡化工序，等食物更快送到。而小編覺得用平板點餐最好嘅當然係唔洗怕落錯單或者數錯碟啦!
▲ 每一個位都有一部平板俾你點野食，咁就唔怕爭住點野食啦！
▲ 除咗堂食電子化外，外賣都一樣，店外有兩部自助外賣機，點完餐之後可以利用八達通或 PayWave 付款，怕講野嘅人就岩晒啦！
90秒新鮮直送
重頭戲就係將利用火車代替迴轉帶送壽司，只要用平板點好餐，壽司就會係90秒內用火車載到你面前。店內有
▲3條路軌上嘅火車都係唔同型號，一路食一路望，同迴轉壽司一樣咁具娛樂性。
▲ 壽司到左之後，記得將壽司拎走，再禁黃色燈送番去廚房，唔係其他人就有排都無得食架啦！
▲ 雖然每次點 4款壽司，但唔係次次都 4款一齊到呢！
高速線獨家美食
為咗高速線新店開幕，呢間元氣有超過 20款嶄新美食俾大家揀，其他元氣無架!
▲ 小編試完就覺得蔥拖羅新香卷同炙燒芝士皇帝蟹柳壽司最好味啦。免治拖羅加上香蔥同芝麻，口感同香氣十足。
依莉詩玩後感
其實用火車直送壽司同用平板點餐屯門間峰壽司一早已經有，未必係咩新野。我覺得呢個設計幾好，又有即製壽司食，又有得玩。不過就有 D 擔心會有人攔途截劫姐!
