去到八月底，相信各位果迷都好期待預計會係九月推出的新 iPhone 會係點吧？今日 3HK 一個名為「3Q」的新網站就現了身，只要登記了一個 3Q 編號，就可以收到「新一代智能手機」的最新情報。選擇係呢個時候推出，睇怕都係同九月的新 iPhone 有關掛？
只要大家填入幾項簡單個人資料，之後就會透過 SMS 及電郵收到一個 3Q 編號，以後預訂手機就以靠呢個 3Q 編號排隊。話說回來，其實都唔係得 3HK 有呢個網上「拿籌」服務，SmarTone 之前都推出過 RED Pass 服務，不過後來似乎融入成為 SmarTone Care 其中一項功能之中。
究竟今次 3HK 推出的 3Q 網站係咩家伙？相信隨住新 iPhone 推出日期愈來愈接近，大家就會知道更多資料了。
