你有無諗過將你所有用既攝影裝備都擺晒係身呢？小編唔係講緊攝影喼或者攝影背襄，而真係「擺上身」。 The Vest Guy 推出左幾款攝影裝備背心，仲分好埋咩類型既攝影岩用，包保擺埋後備機擺埋 Action Cam 再擺幾個遠攝焦後鏡頭都無問題（前提係揹住行得郁）。
阿拉斯加式攝影背心 (The Alaskan Photo Vest )
呢款將會有 16 個標準口袋，更加可以自行加裝可以選擇大小類型既口袋。而儲水筒就可以擺 2-3 升既水樽。售價為 US $280 (約 $2170)。
塞倫蓋蒂式攝影背心 (The Serengeti Photo Vest)
呢款主要就係有兩個特大口袋，上方仲有幾個小口袋，而且係背心背後會有一個大拉鍊口袋。售價為 US $180 (約 $1395)。
M&M 旅遊攝影背心 (The M&M Travel Photography Vest)
呢款配備 12 個口袋，旨在可以係旅遊當地做街頭攝影同環遊世界旅行。售價為 US $200 (約 $1550)。
婚禮攝影師背心 (The Wedding Photographer Vest)
呢款設計旨在幫婚禮攝影師帶晒可能係婚禮過程用到既 Gear 。佢設有 10 個口袋，可以裝上雙吊索，同埋一堆既自訂選項加口袋或其他配件。售價為 US $196 (約 $1520)。
野生動物攝影背心精簡版 (The Safari Photo Vest Lite)
呢款比較簡單，旨在背心較透氣同埋所有外部口袋都係可以單獨購買，用户就可以根據自己既具體需要黎定制簡單透氣背心。售價為 US $170 (約 $1317)。
火類攝影背心 (The Fire Photography Vest)
呢款主要設計係比攝影師走係火災前線。佢有好幾個口袋，同埋成件背心採用鮮艷 ﹑ 熒光 ﹑ 可反射既橙色。售價為 US $270 (約 $2092)。
新聞攝影背心 (The Press Photo Vest)
呢款主要有兩個大型口袋係較低位置，尺寸為 10″ x 7″ x 5″ ，售價為 US $260 (約 $2015)。
咁其實呢啲攝影背心可以帶到幾多 Gear 出街呢？攝影師 Pete Leong 分享左段短片講佢點解會用 Press Photo Vest 去旅行。Pete 話：「帶太多 Gear 去旅行最怕就係話背包太重上唔到機，又或者要支付額外既費用，甚至將佢擺行李寄，但咁樣有機會被人盜取或者整爛。」
段片睇到佢拉左兩部 DSLR 機身，多個大鏡頭，旅行證件，手機，銀包，隨機既物品同埋部 15″ Macbook Pro ：
不過小編都係覺得呢個行為實在太反智，因為只不過將重量擺上自己個身，咁樣上機都唔舒服啦，整親身的話，慳慳埋埋個啲行李費都唔只。可能會有攝影師對佢有興趣，因為始終工作需要可能用得著，不過小編就唔覺得一般人有需要考慮呢樣野啦。
來源： PetaPixel
分享到 :
最新影片
