之前一直傳聞 Google 將會係 9 月底舉行發佈會，發佈最新的兩部 Nexus 手機，咁有新機出，舊機自然玩劈價清貨啦！美國 Amazon 近日就為 Nexus 6 來個劈價促銷，32GB 售價由 US$649.99 大減至 US$349.99（約 HK$2,730），64GB 更由 US$699 勁減至 US$399.99（約 HK$3,120），兩部機都來個逾六折大平賣，真係好抵玩！
不過有心入手的 wire 民要留意啦，雖然呢兩部係 Amazon 賣的 Nexus 6 咁平，而且都係無鎖機，可以用到香港 GSM / 4G 網絡，但係就因為係水貨關係，只提供美國保養，有咩事香港代理係唔保架！另外，如果大家要買，就要搵托運運番香港，又或者搵美國朋友幫忙購買，運費都要計算在內。不過就算計埋哂，都應該係 4 千有找，點計都平過香港買行貨啦！
來源：Amazon
