見到 Rex 本以為係個酷酷的男生，點知當問到佢可唔可以做個訪問，影幾張相嘅時候，佢就非常熱情同好人咁答應啦！ Rex 今日同各位分享嘅單品同佢個人都一樣－表裏不一呢！
出街 / 運動 兩用藍牙耳機！
雖然話就話兩用，不過 Rex 就覺得呢款耳機「運動」個一方面就麻麻地啦。因為跑得激烈少少嘅時候，條線就會好容易移位。出街用呢款藍芽耳機就當然完全無問題啦～ 小編皓藍近排都轉咗用藍牙耳機，真心覺得好好好好好方便！唔會成日勾住部手機、袋、或者係人地件衫，跑步嘅時候就更加可以體驗到藍牙耳機嘅魔力啦！不過，轉咗藍牙耳機之後，好多時候都會出現無電、信號接收不良、每次轉gadget都要重新配對等嘅問題。所以，真係叫人又愛又恨啊！
▲ （左）出街戴法；（右）做運動戴法
另類 smart watch？ 開燈先睇到幾點鐘！
放心放心，唔係話有光先見到幾點鐘，而係按錶嘅一個制，就可以見到分針秒針出現返㗎啦～ 皓藍都係第一次見到呢款手錶，Rex 就話係元朗買嘅。除咗按制會有光，睇到時間外，做出平時睇錶嘅動作，手錶都會偵察到，自動著燈。如果咩都唔做，就唔會顯示到時間嘅，只不過係個鏡面嘅錶面。
我地再睇睇 Rex 剩下想同大家分享嘅單品啦！
▲ name card holder @ hypebeast
▲ sneakers @ Puma
