呢兩日有番 D 涼意，姊妹們忙住買衫換季之外，護膚品都係時間要換季啦！始終夏天嘅護膚品都係控油清爽為主，一轉季就好容易唔夠保濕，搞到皮膚又乾又繃繃緊，咁又應該點揀秋冬護膚品先啱自己呢？今日我依莉詩就介紹個皮膚檢測小工具俾大家，咁以後揀護膚品就多一個數值可以參考。
操作簡單，3秒即知結果
皮膚檢測儀其實唔係咩新野，上淘寶 Search 都有好多同類產品。而 MyB 皮膚檢測儀同市面上的皮膚檢測儀同法差唔多，將探頭緊貼皮膚，按下按鍵直到咇一聲，3秒就可以知道皮膚嘅補水度、油份、角質粗細程度 同 含水百分比。而且皮膚檢測儀會紀錄最近 5次測試結果，咁就可以更清楚用護膚品前同用護膚品後嘅分別了。
▲ 睇落皮膚檢測儀有 D 似探熱針，筆型都幾輕身。
▲ 皮膚檢測儀用 3粒電池，方便帶出街隨時試下 D Sample 啱唔啱自己。
▲ 探頭以 2點式設計，測出嚟就更準確。
水油平衡好重要
好嘅皮膚狀態除咗有足夠水份，其實油份都好重要，護膚品適當嘅油份可以維持彈性同避免水份蒸發。假如皮膚表面唔夠油份，會自然增強汾泌，泛油問題就會出現。一般嚟講，係未塗護膚品前皮膚補水度不足 3格就表示要加強保濕，而油份超過 3格就需要注意控油。而塗護膚品後水份同油份愈高就愈好。
▲ LCD 會顯示 Moist 代表皮膚補水度、Oil 代表含油量、Soft 代表角質粗細程度，而% 代表皮膚的含水百分比。
待護膚品吸收後測試更準確
想知道件護膚品啱唔啱自己，除咗塗完護膚品之後感覺下有無黐納納同敏感外，可以用皮膚檢測儀了解一下佢係咪適合自己。只要係塗護膚品後，待 5-10分鐘，護膚品完全吸收就可以做檢測，分析護膚品對皮膚嘅真正功效。當然呢個時候 check 到嘅水份、油分 同 柔軟度愈高分就表示護膚品對你嘅皮膚愈好。所以下次揀護膚品嘅時候，不妨帶皮膚檢測儀出街試一試啊！
▲ 塗護膚品後，皮膚會慢慢吸收，水份同油份數值都會回落，所以待護膚品完全吸收後做檢測會更準確。
依莉詩：「其中一個轉護膚品考慮因素」
平時行街手癢都會拎人地 D Sample 塗上手試下，但都唔知邊樣好，呢支皮膚檢測儀細細支帶出街都幾方便，可以用嚟做揀護膚品嘅指標。另外，換季 D 皮膚時乾時濕，都唔知塗 D 咩先啱，有咗佢就可以得閒 check 下。如果 check 到缺水就用多 D 保濕精華，缺油就用多 D 面霜，油多就敷下控油 Mask，欠彈性就用 D 抗老產品，比起單靠感覺實在好多！
售價：$358
查詢：MyB HK Kwun Tong warehouse（5114 7826）
分享到 :
最新影片
