大家好！我係 Suey，好耐無同 unwire 嘅讀者見面喇！身為一個 Model 成日都要搭好多唔同交通工具四圍出席活動，而當中我最鍾意搭電車，貪可以靜靜地睇下風景。沿途見到舊建築或者特別嘅人同事都會想拍下，留住最美好嘅瞬間，但要帶住相機工作好唔方便，而我最近就選擇咗帶 Xperia Z5 代替相機拍攝，有時仲會覺得佢相片質素同普通 DC 差唔遠喇！
對焦比眨眼更快
雖然電車唔係行得太快嘅交通工具，不過要喺電車行走嘅同時對得準焦並唔容易。好在 Z5 對焦只需 0.03 秒，眼都未眨完就對到啦，對比起以前的手機對焦真係快左好多，影 snap shot 就最啱！加埋 f/2.0 大光圈 同 5倍清晰變焦功能，想做到淺景深效果都話咁易。而且主鏡頭有 2300萬像素，用進階自動模式都可以快速調節色溫同 EV值，就算唔識校光圈、快門、白平衡嘅女仔都可以輕鬆影到靚相。
▲ 一般手機對焦都唔夠快，以前手機好多時對完焦就走左去影唔到。
▲ 用咗 Z5 之後，隨時都可以捕捉到車外建築物嘅外貌。(使用Z5拍攝)
▲ 唔係我自誇，我比部 Z5 比朋友影我一樣咁易成功 ! 用上iPhone 6s (左圖) 及 Z5 (右圖) 同時影我跳起，可以見到按快門、對焦、拍攝，整個過程 Z5 反應比 iPhone 6s 快，所以 Z5 影到我跳得高 D，將跳起嘅瞬間捕捉得更好。
▲支援最高 2300 萬像素拍攝功能，相片之後(Crop)近少少亦都可用，亦不用擔心相片解像度不足而出現起格問題。 (使用Z5拍攝)
▲可以支援 5倍數碼清晰影像變焦功能，上面相中的小船亦可以立即變成相中主角!
▲ f/2.0 大光圈 近拍時淺景深效果比普通手機更突出。(使用Z5拍攝)
▲ 有時如果自動模式的顏色同光暗唔啱心水，係進階自動模式入面都可以快速調節色溫同 EV值，我 Suey 都唔識校光圈、快門、白平衡都可以輕鬆影到靚相。
▲ 朋友一樣係攝影零認識不過佢用「逆光模式」影我，背光時我都無「黑面」問題 (使用Z5拍攝)
▲ 由於呢排唔夠訓皮膚麻麻，我叫佢用「柔膚模式」可以影得我皮膚滑 D 添！(使用Z5拍攝)
支援 4K 錄影
除咗 snap shot ，遇到相片表達唔到嘅情段，我會拍片段同朋友分享下。 Z5 就支援 4K 錄影，係電視放出嚟睇都可以好清晰，咁朋友上屋企就可以放大一齊睇。如果怕拍 4K 檔案體積大，你可以揀儲存做 H.265，比起 H.264 壓縮比更高，咁就更慳位啦！可能好多人會問我，拍 4K 片會唔會好快無電同過熱，今次 Z5 機身厚度與上代差不多，不過加入咗雙導熱管設計，對比起前型號散熱效能好了很多，而且拍片時沒有發現「噴電」的問題。
▲ 用 4K 解析度錄片，就算係電視放出嚟睇都可以好清晰架！
防震影片大對比
我 Suey 最鍾意 Z5 拍片時有 SteadyShot with Intelligent Active Mode 防震技術，就算係電車上或者以一般步速拍攝，畫面都可以好穩定架！依家就等我捉埋unwire 女同事呀bowl 睇下用 Z5 同 iphone 6s 拍出嚟嘅片做比較啦！
▲ 如果怕自己手震，記得記得要喺 Setting 嘅 SteadyShot 揀智能啟動先得架！
Suey：「 終於可以放低部相機啦！」
Xperia Z5 無論影相定拍片都有高質素，對焦又快，又可以輕易影到淺景深效果。就算唔識校光圈、快門、白平衡都可以快速調節色溫同 EV值，用嚟 snap shot 就最啱！加埋個防震技術，一路行一路拍片都好穩定，而且仲有得拍 4K 片，咁以後就唔怕 miss 任何一個重要 moment 啦！
分享到 :
最新影片
