今年小米確實是動作多多，早前已經在中國推出紅米大芒 Note 系列的第二代：Note 2，今日又有消息傳出 Note 2 會有變種！呢部名為 Note 2 Pro 的新機，傳聞會用上金屬機背蓋，而且會係首部內建指紋辨識器的小米平價手機。
據消息指呢部紅米 Note 2 Pro，主要會針對與魅藍 Metal 及樂視的樂 1s 競爭，預計售價會是 999 元人民幣，與現時紅米 Note 2 的高配雙網版相同售價。至於規格方面，傳聞它會用上雙 LED 補光燈、而機頂及底部仍然會用上塑膠物料，以免影響天線接收。它亦會採用 Qualcomm Snapdragon 808 處理器、2GB RAM、16GB 內建儲存空間、5.5 吋熒幕等。
究竟此機何時會發佈？暫時未有確切說法，但後日小米會係馬來西亞舉行發佈會，會否就係呢部手機呢？我們編輯部同事會遠赴馬拉為大家報導，想知就唔好錯過 unwire.hk 了！
來源：快科技
分享到 :
最新影片
