專出電池手機殼既廠商 Mophie 又有新搞作,今次名叫 JUICE PACK H2PRO for iPhone 6/6s,顧名思義,當然係玩防水啦,不過又豈止防水咁簡單?佢仲防塵 防撞擊,係名乎其實的三防殼。Unwire 今日就率先為你試驗佢的防護性能,等你唔使拎自己既 iPhone 6 較飛!
2750 mAH 電量可多玩 10 小時
等我教教各位點安裝呢個 Case 先 , .一放落去發覺好 fit ,而且一啲虛位都無喎。至於點解會比較厚呢?因為佢本身係舊電,擁有 2750 mAH 電量,足足係多一部 iPhone 6嘅電量!實際上,即係大概可多玩 10 小時 (以上網用途計) 。
講到佢叉電,好多人都會問,如果一插落去就叉電,咁我想用個陣咪無晒?唔使擔心,事關佢機背其實係有一個按鍵,一邊係按黎顯示電量,另一邊一按就會開始幫你叉電,咁咪唔使擔心電量無晒囉!最尾一提由於佢好防水既關係,所以要拆佢個殼都要少少技巧,要係機身右下角個個位用個銀仔扭一扭,個殼就會自然鬆開,唔使用蠻力既。
![unwire22](https://cdn.unwire.hk/wp-content/uploads/2015/11/unwire22-694x462.jpg)
![unwire04](https://cdn.unwire.hk/wp-content/uploads/2015/11/unwire045-694x462.jpg)
![unwire05](https://cdn.unwire.hk/wp-content/uploads/2015/11/unwire054-694x462.jpg)
![音量制係fit晒iPhone 6架!](https://cdn.unwire.hk/wp-content/uploads/2015/11/unwire162-694x462.jpg)
![電源制都啱位!](https://cdn.unwire.hk/wp-content/uploads/2015/11/unwire154-694x462.jpg)
![聽筒位同前鏡頭都用到,特別在聽筒位係漏聲唔漏水,好神奇!](https://cdn.unwire.hk/wp-content/uploads/2015/11/unwire172-694x462.jpg)
![unwire12](https://cdn.unwire.hk/wp-content/uploads/2015/11/unwire124-694x462.jpg)
![unwire13](https://cdn.unwire.hk/wp-content/uploads/2015/11/unwire132-694x462.jpg)
五種地獄物質測試 全面通過!
Mophie一貫作風係出有尿袋功能既保護殼,等用家可以唔使帶另一個尿袋之餘亦可以享用更高續航力。而今次呢個 JUICE PACK H2PRO,佢聲稱IP68,達到超高既防水防塵既規格,而且仲承受到1.2米高跌落嚟既撞擊,為此,小編特意準備左幾種唔同既物質,分別係粗糙既沙粒、木碎,以至非常幼細既泥、麵粉、同埋手機最驚既液體,包括豉油同水。而經過小編地獄式既測試,證實 JUICE PACK H2PRO 的確能夠抵擋幼細微粒同埋粗糙沙粒以及液體既攻擊,而且清潔都非常簡單,只需用清水就沖走晒上面既污糟野,可謂非常方便。不過首先,記得要冚實啲蓋。
![unwire03](https://cdn.unwire.hk/wp-content/uploads/2015/11/unwire034-694x462.jpg)
![unwire02](https://cdn.unwire.hk/wp-content/uploads/2015/11/unwire026-694x426.jpg)
![都仲著到機,證明無事!](https://cdn.unwire.hk/wp-content/uploads/2015/11/unwire041-328x580.jpg)
![unwire01](https://cdn.unwire.hk/wp-content/uploads/2015/11/unwire018-387x580.jpg)
反應仍靈敏 手感好穏陣
選用三防機殼的人士,當然都係錫機之人。但小編都有個疑問,包到實一實會唔會用唔到,Touch ID同按唔到個Mon?但答案係,唔會!就算佢封到實晒都好,Touch ID都依然感應到,用其他Apps感覺都好順暢唔會有啜手感覺。至於手感方面,三防殼之中佢都算好輕身,唔好忘記佢仲有一舊電係後面,因此佢厚度同重量都控制得相當好,完全唔會出現太重又太大舊既情況。
![你睇到佢其實唔係厚左好多,我覺得算係咁喎!](https://cdn.unwire.hk/wp-content/uploads/2015/11/unwire21-694x462.jpg)
![濕水前感應到](https://cdn.unwire.hk/wp-content/uploads/2015/11/unwire203-694x462.jpg)
![濕左都仲感應到Touch ID,正常使用都無乜問題](https://cdn.unwire.hk/wp-content/uploads/2015/11/unwire012-328x580.jpg)
![機身操控性良好,亦唔算太重。](https://cdn.unwire.hk/wp-content/uploads/2015/11/unwire052-328x580.jpg)
建議零售價:$1,048
查詢:TOWERVISION (2553 1151)
分享到 :
最新影片
![](https://cdn.unwire.hk/wp-content/uploads/2024/07/cmf_phone1_web1-694x390.jpg)