港人生活節奏急促、工作忙碌，令到唔少人更重視健康問題；所以有唔少人會選擇戴上智能健康手環去監測個人健康。最新香港牌子 HeHa 近日就推出稱為「健康管家」嘅 HeHa Qi 智能健康手環，又點同於一般市面上嘅 SmartBand 呢？
香港品牌受大學認可
HeHa Qi 係由香港品牌 HeHa 同台灣國立中央大學共同研發嘅智能健康手環，哈佛大學醫學院及國立台大醫學院都採用 HeHa Qi 做臨床研究中健康監測嘅設備。能夠受國際性嘅大學採用，亦正正就係因為佢嘅準確程度夠高，而且有實際數據去支持其功能。
隨身心電圖 2分鐘心率變異性分析
心電圖儀器好多時只會令人聯想到醫院部心電圖機，但你又有無諗過健康手環都可以做到心電圖機嘅功能呢？HeHa Qi 能夠將心電信號監察設備縮到健康手環嘅尺寸，啱晒生活節奏急促嘅香港人隨時隨地監測健康狀況。當進行 2 分鐘體檢測量時，除咗有心率外，亦都會有心率變異圖顯示返比用家，呢樣係市面上其他SmartBand做唔到嘅。
乾性電極技術(ECG)準確性比光感技術(PPG)高
HeHa Qi 利用乾性電極技術準確測量心電信號，並應用同 NASA 相同嘅HHT 技術，進行2分鐘心率變異性分析，從而判斷自主神經系統的健康狀況。光學感應技術係通過測血流而間接獲得心率。但移動時 PPG 設備不能緊貼皮膚，而且測量時容易受背景光影響，所以測量較易出現誤差。利用乾性電極技術正正就係針對解決一般健康手環收集信息干擾問題，準確度高得多。
快速健康評估：2 分鐘體檢
而 HeHa Qi 除咗比一般 SmartBand 更準之外，亦都設獨有嘅健康評估：2分鐘體檢。通過4個方面測量：壓力﹑生理年齡﹑復原力以及平衡，從而總結出「HeHa健康指數」。而2分鐘體檢最後出嚟嘅「HeHa健康指數」就會好似下圖咁，非常直觀易明。
解決方案： 3 分鐘呼吸訓練有效減壓
知道咗自己嘅健康狀況，當然就要搵辦法解決，3分鐘呼吸訓練其實就係針對體檢後而提供嘅方案。使用非常簡單，用食指輕觸 HeHa Qi上嘅金屬片，靜坐並跟 HeHa App 指示進行深呼吸就可以，分別有初﹑中同高級，時長亦有唔同。HeHa App 會實時話你知每一呼一吸係咪達標，又可以睇到即時心率變化，做完 3分鐘個人真係鬆返啲！
其實 3分鐘呼吸訓練特別強調實時回饋，即時監測呼吸長度同深度，有無適當驅動心跳節律變化；有助令副交感神經更活躍，從而降高血壓和減輕精神壓力。呢項訓練已經受到美國心臟協會證實，健康手環設備引導呼吸訓練，比瑜伽呼吸訓練作為高血壓等多種慢性病替代治療更有效。
更準確睡眠監察 圖表分析睡眠數據
至於睡眠監察，雖然市面上唔少 SmartBand 都有做到呢項功能，但其實準確率好明顯唔夠；而 HeHa Qi 經過台灣成功大學睡眠實驗室測試，對比專業睡眠檢測儀 HeHa Qi 睡眠判斷一致性達到 88% ，比起市面其他主流品牌只有不足五成嘅準確度高得多。
試左兩三日嘅小編對於睡眠監就發覺幾準，我瞓得唔夠好嘅時候就明顯咁顯示優質睡眠時間短同晃動次數高；而且小編仲非常鍾意佢有個睡眠統計嘅圖表，分別有一周﹑一個月同三個月，咁樣隨時做返回顧都好方便。雖然手動進入睡眠模式，但亦因為咁明顯準確性會有所提升。
附送手帶搶眼防水更防敏
SmartBand 最怕就係成日整甩，但因為佢好似手錶咁有個窿可以穿過之後再撳實佢，相對上比較安全穩陣。之前某品牌出現過手帶導致皮膚敏感一事，所以小編都特別關注呢一點。HeHa Qi 經過嚴格嘅防敏測試，所以唔需要擔心敏感問題；而且仲有 IPX7 級防水添，就算沖涼照戴都唔怕。一開始戴上手，手感會有啲生硬，不過戴落一陣就會適應嘅。而且更抵讚係，一盒仲附送埋兩色手帶，咁就唔洗煩要買邊隻色，出街又可以換手帶顏色襯返當日個 look （不過作為男性既小編都係鍾意簡單既黑色）。
驚喜功能：靜音鬧鐘 充滿電用足 30 日
作為 SmartBand，HeHa Qi 有齊計步、距離、卡路里同路線追蹤等基本功能之外，小編覺得佢仲想過界取代埋你手上隻錶：竟然仲可以做鬧鐘。HeHa Qi 用嘅係靜音鬧鐘，佢會係指定時間以輕柔震動叫醒用户，仲有分午睡同夜眠，非常貼心。而且充滿電後可持續使用 30 日，好似小編咁忙（其實係懶！）嘅人就啱曬啦！
Billy：「我心目中理想嘅 SmartBand 」
定價 $1,099 嘅 HeHa Qi ，可能嚇怕咗唔少有興趣嘅買家；但小編就功能性嚟講覺得佢配得上所定嘅售價。佢記錄較準確，統計圖表顯示亦好清晰，另外配合埋2分鐘心電圖監測功能同獨有嘅3分鐘呼吸訓練，對於監測同改善個人健康其實真係有幫助。而且佢仲有其他附加功能，電量有近 30 日唔洗用戶經常充黎充去，加埋送多兩隻色手帶，好過又要比錢出去配色，其實計計埋埋，雖然佢較貴但亦能提供比用戶更多體驗。好多 SmartBand 都想做到好似 SmartWatch，但 HeHa Qi 嘅目標群先至係最原本：注重個人健康嘅人士。對於想隨時隨地監測住個人健康同改善健康嘅讀者，又想支持香港品牌，HeHa Qi 的確係個唔錯選擇。
HeHa Qi 隨身心電圖，哈佛都用: 詳情
想親身體驗下 HeHa Qi 健康手環？依家有架 HeHa Qi 流動體驗車已經由 11月19號開始遊走港九新界。大家可以到時可以即場試用！即場試用埋2分鐘體檢仲有機會贏取高達$1,000自選禮品添！
HeHa流動體驗車活動路線：
旺角朗豪坊（近砵蘭街）
日期：11月27日(星期五)
時間：6pm – 10pm
尖沙咀海防道
日期： 11月28日(星期六)
時間：12pm – 10pm
美孚新邨荔灣道
日期：11月29日(星期日)
時間：11am – 9pm
灣仔電腦廣場
日期：11月30日(星期一)
時間：11am – 3pm
分享到 :
最新影片
