Acer 旗下電競系列副品牌 Predator 今日於香港舉行發佈會，推出一系列打機產品，包括 Predator 15/17 筆電、Predator 8 平板。想知用 Predator 係咪好玩得多？繼續閱讀以下文章！
外觀起晒角 好硬朗 但手感差
Predator 系列一向俾籮文感覺就係外觀設計特別型，身為 Predator 第一部平板，Predator 8 外型上當然唔輸蝕，比較多錂角設計，令機身感覺上硬淨又強悍。但係由於起晒角，令操作時手感欠佳，尤其橫向操作時喇叭會「銀」住掌心。
▲機身可以勉強一手 Hold 住
▲身為 Predator 第一部平板，Predator 8 外型上當然唔輸蝕，比較多錂角設計，令機身感覺上硬淨又強悍
▲但係由於起晒角，令操作時手感欠佳，尤其橫向操作時喇叭會「銀」住掌心。
四個前置式喇叭 環迴感十足
Predator 8 最大賣點就係四個不銹鋼前置喇叭，並配合 Predator Quadio 技術。籮文上手試過，打機時音效尤其富立體感，有被聲音包圍嘅感覺，但喇叭數量雖然多，環迴感十足，音量卻唔係特別大，發布會稍為嘈少少，我就聽不到 Predator 8 發出的聲效。
▲喇叭數量雖然多，環迴感十足，音量卻唔係特別大，發布會稍為嘈少少，我就聽不到 Predator 8 發出的聲效
1920 x 1200 8吋螢幕表現唔錯
叫得 Predator 8就係因為個8吋芒。8吋 1920 x 1200 的 TFT LCD 液晶螢幕，籮文就覺得依個尺吋用黎打機係啱啱好，因為太細又唔夠爽，太大就睇唔晒全個畫面。色彩表現上 Predator 8 的確表現不俗，籮文開 YouTube 播放了 Pitbull x Chris Brown 的 FUN MV，色彩夠鮮豔，用黎玩轉珠就啱晒，光暗線條亦十分清?。
▲籮文開 YouTube 播放了 Pitbull x Chris Brown 的 FUN MV，色彩夠鮮豔，用黎玩轉珠就啱晒，光暗線條亦十分清?
Predator TacSence 超震
除咗影像及音響配合，Predator 8 有第三種官能感應加強，就係 Predator TacSence！Acer 在 Predator 8 機身左右各設置一顆震動摩打，籮文當然試一試有幾震啦，玩車 Game 時撞車嗰一下我都嚇咗一嚇，震動強度真係幾高，接近 Playstation 手制。
500萬像素主相機＋200萬像素前鏡 只用作緊急用途
相信大家平時拍照都多數用手機，好少用平板影相，所以 Acer 依部 Predator 8 只配備500萬像素主相機及200萬像素前鏡，而畫質亦十分麻麻，雜訊嚴重，質素只能用作緊急用途。
▲相信大家平時拍照都多數用手機，好少用平板影相，所以 Acer 依部 Predator 8 只配備500萬像素主相機及200萬像素前鏡
▲後鏡表現，唔用放大亦能看見雜訊嚴重
▲前鏡只有200萬像素，情況更甚
籮文：「一部個款比較型嘅平板電腦」
個樣就夠晒型，但角位令手感變差，用黎打機打得耐會好唔舒服。規格唔係特別高，玩比較高硬件要求嘅 Game 都可能會出現 Lag 機情況，所以依部機話就話係 Predator，但唔覺得係為打機迷而設，反而只係一部外型出眾嘅 Android 平板。
Predator 8
售價：＄2,998
分享到 :
最新影片
