相機配件廠商 Manfrotto 推出一系列新產品，除咗主流相機配件之外，今次仲照顧到一班運動相機及航拍機用家嘅需要，想知更多？請閱續以下文章。
D1 航拍機背囊
D1 航拍機背囊專為 DJI Phantom 2/3 等航拍機而設，去玩航拍就唔洗再拖喼啦！D1 備有兩種存放航拍機嘅方式，除咗放入袋入面，仲有一個可以不拆槳嘅儲存方式，方便用家短暫轉換拍攝地點時快速收起。
▲當然可以拆晒啲槳放入袋入面，保護性更強
▲亦可以不拆槳，用扣具固定於背囊外面
售價：＄2,180
OFF ROAD ThrilLED 運動相機 LED 燈
Off Road ThrilLED 係一款輕巧便攜嘅 LED 燈，專為 GoPro 等運動相機用家而設，亮度高達 225 流明，有 3 種不同光度調校。附有鋁合金支架，能夠安裝於 GoPro 的上方補光。配置標準 1/4 吋螺絲孔，即使唔接駁 GoPro 都可以安裝於腳架或手持獨立使用。
▲Off Road ThrilLED 非常輕巧便攜，可以安裝到 GoPro 潛水殻上
▲Off Road ThrilLED 附有鋁合金支架，主體配置標準 1/4 吋螺絲孔，即使唔接駁 GoPro 都可以安裝於腳架或手持獨立使用。
▲亮度高達 225 流明，於現場試過的確係好光下，似乎比多數手機閃光燈都要光
售價：＄780
Compact Xtreme 2合1 拍攝棍
表面上 Compact Xtreme 係一支單腳架，實際上佢仲係一支自拍棍。其實只係兩端都配備 1/4 螺絲孔，相機可以裝到任何一邊，視乎用途而定。採用鋁合金材質，4節設計，只重280克，但拉長後長度可達135cm，收合後則有44cm長。最重要係一物兩用，可以減輕用家器材嘅重量負擔。
▲附有 GoPro 轉接器，可以裝上 GoPro 當自拍棍用
▲只重280克，但伸長後長度可達135cm，去到 Model 嘅肩膊位。
售價：＄360
PIXI Xtreme 運動相機專用迷你腳架
迷你腳架很常見，但 PIXI Xtreme 為運動相機而設，附有 GoPro 接頭，而且腳架摺合後就會成為一個符合人體工學嘅手柄／迷你自拍棍，一石二鳥。當然 PIXI Xtreme 採用標準 1/4 吋螺絲孔，就算唔配合 GoPro 用亦可以配相機用。
▲咪睇佢好似一個普通迷你腳架，並有運動風格的圖案作點綴。
▲腳架摺合後就會成為一個符合人體工學嘅手柄／迷你自拍棍
售價：＄320
Off Road 拍攝棍
Off Road 拍攝棍有4個型號，分為小型及中型長度，分別長 60cm 及 90cm，兩個長度都備有迷你球型雲台型號（錄色桿身）及 GoPro 轉接器型號（藍色桿身）。採用玻璃纖維複合物料製成，拎上手比其他自拍棍都輕得多。採用類似釣魚杆的設計，扭開鎖緊螺絲再拉出桿身就可以固定長度。
▲有4個型號，分為小型及中型長度，分別長 60cm 及 90cm，兩個長度都備有迷你球型雲台型號（錄色桿身）及 GoPro 轉接器型號（藍色桿身）
▲採用玻璃纖維複合物料製成，拎上手比其他自拍棍都輕得多。
售價：＄420 ( 小型/60cm ) ＄520 ( 中型/90cm )
查詢：2327 6728 （Manfrotto）
分享到 :
最新影片
