新一年就快到，各位 Wire 民有咩展望？籮文為咗推動自己，希望於 2016 年做得比 2015 年更好，所以就上 Google Play 揾吓有咩 App 可以激勵吓自己。好彩俾我搵到依個叫做 Fabulous 嘅 App。 想知好唔好用就要繼續閱讀以下文章。
Fabulous：Motiver Me
Fabulous 由杜克大學行為經濟學實驗室研發，以科學方法幫用家飛甩壞習慣，養成好習慣，Fabulous 每日都會推介你進行幾個簡單嘅任務，幫助你一步一步達成自己嘅健康目標或者生產力目標，直頭係一個人生導師。第一步，先要選擇自己目前最重要的目標，分別為「更有活力」、「減輕體重」、「更好的睡眠質素」和「更專注集中」。
▲籮文就揀咗 「更專注集中」。佢問我想咩鐘數開始富有生產力嘅一日
▲你可以於每個時段加入一些好習慣，排行愈高的就是 Fabulous 根據你的目標所推介的習慣
▲內建仲有一啲任務，例如 健身、禪修、冥想、拉筋等都會出現互動教學。
▲Fabulous 讓你管理生活時好似打機咁好玩，要解鎖成就先可以升級
籮文：「如果你覺得工作累了，可以下載黎玩下」
你每日起床有冇賴床？每個下午都力不從心，好眼訓？想知點樣嘅飲食習慣先可以令自己更有活力？依啲問題通通都可以從 Fabulous 中搵到答案。Fabulous 除咗叫你飲水、做運動，仲會叫你得閒搵下朋友、父母吹水，提供嘅建議唔單只幫到你身體上的健康，更可以幫你維持精神健康，籮文啱啱開始咗依個 Fabulous 嘅旅程，相信 Keep 住做一定會有顯著成果。
相關文章:
傳 Android 與 Chrome OS 將合併 提升平板電腦產品競爭力 中國智能手機系統報告 華為鴻蒙蠶食 Android 市佔率 Qualcomm 設業界新標準 Snapdragon 8 Elite 將支援 8 年 Android 更新
分享到 :
最新影片
