《蝙蝠俠對超人：正義曙光》即將就係 3 月 24 日上映，小編同大家一樣非常期待。而幾乎每日都要經過又一城嘅小編，其實早係幾日前已經發現中庭有《蝙蝠俠對超人：正義曙光》嘅標誌，但當時仍然被紅布蓋住。就係今日終於都正式揭曉：原來係《蝙蝠俠對超人：正義曙光》 x 又一城所舉行嘅大型聯乘活動，總共有成三個展區咁多！依家就帶大家搶先逐一睇睇啦！
雕塑級主角雕像 頂級工藝呈現肌肉線條
既然係《蝙蝠俠對超人：正義曙光》嘅大型活動，又點會少得同三位主角雕像合照呢？由 Hot Toys 打造嘅三大超級英雄主角蝙蝠俠﹑超人同埋神奇女俠嘅真人原大雕像，迫真度非常高！蝙蝠俠配以頂級工雕刻工藝同塗裝技巧，精心製作出今集全新嘅蝙蝠衣，完美呈現蝙蝠俠嘅肌肉線條。而神奇女俠嘅頭髮則以高仿真髮物料人手植入，細緻得驚人。
1:6 人偶電影對決場景 近距離感受最強對決
除咗真人原大雕像外，旁邊亦有《蝙蝠俠對超人：正義曙光》 1:6 珍藏人偶製作嘅電影對決場景，比大家近距離感受最強對決嘅撮人氣勢！珍藏人偶系列不但包括蝙蝠俠及超人，仲有全球首度亮相嘅神奇女俠，以及裝甲蝙蝠俠同蝙蝠俠（沙漠版）亦會同場亮相。
重頭距製原大蝙蝠戰車 氣勢磅礡帥氣逼人
登登登登！原來係中庭佔最大位置嘅就係真人原大嘅蝙蝠俠加上重頭鉅製嘅原大蝙蝠戰車啦！原大蝙蝠戰車全長約 20 尺 ﹑ 闊 10 尺，重約足足一噸。呢個絕對係每一個 Batman 迷指定合照位啊！！！
日期： 3 月 3 日至 4 月 10 日
地點：又一城 LG2 層 ﹑ G 層及 UG 層
Pop-up Store 搶先睇
除咗睇展品之外，當然唔少得嘅緊係 Pop-up Store 啦！由即日起至 3 月 28 日， Hot Toys 將會係又一城 LG2 層特設 Pop-up Store ，當中有 Hot Toys 人氣最強嘅 Cosbaby Q 版迷係珍藏人偶系列 ﹑ Artist Mix Collectible Figures designed by TOUMA 系列同各式各樣嘅電影精品。而最重點推介嘅,當然就係會場獨家發售嘅三款特別塗裝嘅裝甲版蝙蝠俠 Cosbaby Q 版迷係珍藏人偶別注產品，絕對要買返屋企收藏！
感官互動遊戲專區 發揮英雄潛能
今次 Hot Toys 仲特地係 G 層展示裝甲庫的兩旁設立咗感官互動遊戲專區：顧客只需係 Pop-up Store 消費滿 $300 或以上，即可參加《蝙蝠俠對超人：正義曙光》超感互動遊戲，而且仲有機會嬴取限量禮品添！
又一城有獎遊戲嬴限量禮品 六日合照 Post 上 IG 即送列印相片
最後最後，睇晒雕像買晒商品，當然就係要玩《蝙蝠俠對超人：正義曙光》 x 又一城嘅有獎遊戲同 Instagram 相片打印專區。今次又一城嘅有獎遊戲詳情已經係其官方網站上，參加者有機會嬴取《蝙蝠俠對超人：正義曙光》限量精美禮品。另外，由即日起至 3 月 28 日，逢星期六 ﹑ 日及公眾假期下午一時至六時，只要係又一城拍低蝙蝠俠同超人上傳到 Instagram ，就可以即場去到 UG 層嘅 Instagram 相片打印專區列印相片啦！
