各位 wire 民，我係呀 Gi ! 見到合味道個鈦金屬煲真係好靚，所以都忍唔住問朋友借番黎試，睇下用佢呢個鈦金屬煲野食同一般 wild camp 用的煲到底有咩分別 !
夠煮兩個杯麵
第一眼見到呢個合味道釱金屬杯麵煲，唔好講佢好唔好用住，齋講外型佢已經攞到好高分數，第一印象真係好緊要，唔怪得網上好多人都話入唔到手。睇佢煲仔細細，但都有800ml容量，即係夠煮到兩個杯麵有凸，不過以免太滿易瀉，建議水位到600ml好停喇。雖然樣就好靚，但到底會唔會金玉其外，宜家就試一試用杯麵煲同一般釱金屬煲鬥快煲滾 300ml 水會係咩結果!
真。鈦金屬煲絕熱更佳
先準備各300ml水注入煲，另外需要酒精，酒精爐同埋防火氈作生火之用。正常煲水係應該冚蓋煲嘅，但為左睇到效果我地冇冚蓋煲。 經過大約5分鐘，一般釱金屬煲已經滖起冒煙，但係杯麵煲就未滾到，只係得氣泡，即係話合味道杯麵煲傳熱速度唔及呢個鈦金屬煲快
煲底無黑
不過兩個煲用酒精火燒完都冇變色同變黑係抵讚，愛錫產品同鍾意收藏嘅用家可以放心返啲。外型比較，杯麵煲高啲，靚啲，仲輕啲，但係杯麵煲咁高身好似有啲易倒瀉，大風嘅時候用要小心啲。
都係微波爐最快
雖然杯麵煲傳熱速度一般，用佢煮麵味道同平時分別唔大，但係如果同一班朋友去camp，用杯麵煲食個life style味嚟講，佢都真係攞到幾高分數，當食個風味都抵嘅。
而講到煮杯麵速度，用煲煲滾水煮一定唔夠落水用微波爐叮咁快，1分鐘搞掂，叮完仲要好食啲添。不過提提大家！千萬唔好將個釱金屬杯麵煲放入微波爐叮！有可能搞到冒煙同有火花架！
- 杯麵煲物料：釱金屬
- 手柄部份：矽膠管 煲口直徑11.3cm，高11.9cm，
- 底部直徑8.2cm
- 煲蓋直徑11.7cm，
- 厚度 0.4cm 容量800ml，
- 總重量 112g。
鈦金屬煲點保養?
根據包裝上嘅說明，都係叫大家使用前檢查下有冇裂縫先用，同埋洗一洗佢先用，如果有咩問題就同供應商講返。用完洗嗰陣就唔好用一啲網狀洗碗清潔用具，因為會刮花個煲更加容易變色唔耐用。 補充返今次筆者試呢個並唔係搶崩頭嘅金色印字350個限量版，不過有興趣可以睇睇，
連結呢道:
http://www.pal-shop.jp/products/detail.php?product_id=18713
而筆者手上呢個銀色印字款係朋友喺Amazon訂返嚟，所以如果有興趣都可以去睇睇，連結:
http://goo.gl/MmYKH8
相關影片 :
分享到 :
最新影片
