黎明公關事件，在 Facebook 被各大傳媒及網民 (包括我 unwire ) 洗了多日版， 多數評論都是讚他夠真及勇於承擔，但其實最終原因的背後功臣是另一樣
天恩看到很多 PR 專欄都很欣賞黎明處理手法，甚至教導後輩日後以此做 case 例子好好學習之類。但現實情況是，即使你肯「學習」最終你會發現根本沒甚麼作為，因為黎明身上有的某種元素係你。地。冇。就係，佢係老闆 ! 仲係一個有公關天才的老闆。
網絡時代一切要快，任由你公關技巧有多強，你都未必能第一時間可以企出來作回應。黎明是公司老闆，所有的事自己話事，喜歡怎回應就怎回應，用不著別人管。
一般 PR 甚至很多打工仔所遇到的難題，是一層層的人事架構，無論是自己公司或客戶，都需要拿取很多層的 YES 才能出手。公司越大要決定事情的速度就越慢，每一項對公眾的決定，背後不知要開多少個會才能通過。但最慘的就是，即使通過那麼多會議，出來的往往都不是最好的應對方法。
我當你「黎明」上身，想出了好的公關點子，但你的上司能否有跟你同等的智慧以及勇氣去嘗試呢? 你客戶又會否認同你的 idea ? 天恩聽過現實職場情況如下:
老闆或高層無料，將你的 idea 當成垃圾，胎死腹中的佔大多數。又有一D 一心只想逗份糧的高層，怕揹鑊乜都一切照舊、有的更好笑，佢地心底好認同你，但因為你係一個小職員，他絕不會完全認同你的所作的一切，是因為怕上面覺得佢不如一個o靚仔，所以千方百計然後從你的 idea 上吹毛求疪地找一些地方出來叫你改，但其實有時改一改，整個 style 就玩完。
最 _ _ 的是，當有日你的 idea 真係 work ，佢班高層又會返出黎同老闆搶功勞，又懶客氣咁講「呀 XX 其實都唔錯，條計係佢諗(無得唔認係佢，因為之前交 report 怕衰左揹鑊所以 idea 唔會話自己想的) ，但差一d d 經驗，我幫佢執一執咁啦，哈哈哈」
商業上唔係好多野，往往唔係你想就 OK ，要成功，你的上一層，甚至 N 層必先亦要有同等的智慧。但現實係殘酷的，無能老闆同高層佔了地球大多數。這件事換了是敢言的 Eason 做主角結果又係點 ? 多年前 Edison 事件大家都應該猜到一二。無論歌手性格有幾真，在一個大機構中他的工作就是唱好歌，保持個人型象，並沒有權力決定其他野。
世界上有一個集靚仔、真誠、有智慧、習慣面對鏡頭的老闆 – 除左黎明之外，你認識的有幾多 ? 打工仔共勉之。
分享到 :
最新影片
