各位 wire 民每次去旅行或工幹，一落機首先會做就係買 SIM 卡同換卡，不過好多時又要搵針拮又擔心香港張 SIM 卡會唔見，但用漫遊上網又好貴。Apple 之前都曾經推出過 Apple SIM，可以等大家係唔需要換 SIM 卡嘅情況下，可以隨時按需要換唔同國家當地嘅電訊商，再直接購買要用嘅上網服務，現在 Apple SIM 正式登陸香港。
究竟咩係 Apple SIM？
現時 Apple SIM 會分為實體同內嵌兩種，前者其實就同現時大家用緊嘅 SIM 卡一樣，只要插入就可以用到，至於內嵌式暫時就只有 9.7” iPad Pro 先配備。Apple SIM 嘅最大優點，就係可以直接在 iOS 裝置上選擇全球 100 多個國家或地區嘅流動網絡供應商合作所提供嘅流動數據服務，可選擇一日、一星期或一個月。當去完旅行返香港，只要轉返平時用開嘅電訊商就得。
▲大家只要行入去 Apple Store 就可以俾 $38 買到 Apple SIM。
▲Apple SIM 係用 nano SIM 設計，只要好似平時咁拆出嚟插入 iPad 個 SIM 卡槽就可以用。
得 Data 無語音 iPhone 不能用
咁究竟 Apple SIM 喺咪支援所有 Apple 裝置呢？好可惜，暫時 Apple SIM 只係支援到 iPad Pro、iPad Air 2、iPad mini 4 同埋 iPad mini 3，至於較多人用嘅 iPhone，唔好意思暫時係仲未支援，經過實測就算將 Apple SIM 插入 iPhone，都只會一直出現網絡搜尋中。如果 wire 民已經衝咗去買 Apple SIM 諗住插落 iPhone 用嘅話都唔洗擔心，因為 Apple SIM 同樣有 14 日退款服務，唔會白白浪費咗 $38 買張 SIM 卡嘅。另外值得一提的是，如果你買了 iPad Pro 9.7 吋，其實唔洗買 Apple SIM，因為內置已經有，加多張落去係多餘的。
▲經過實測，就算將 Apple SIM 插入 iPhone 都只會一直出現網絡搜尋嘅畫面。
▲至於插落 iPad Pro 12.9 吋度，有反應！流動數據度禁「設定流動數據」，之後就可以揀服務供應商。
▲而 iPad Pro 9.7 吋，大家應該會見到「選擇數據計劃」入面有個「加入新計劃」，禁入去就見到香港 3 個 Apple SIM 網絡服務供應商，可見 Apple SIM 已經內建係機入面，大家唔洗買！但如果加埋你自己本身另一個台上網張 SIM，咁咪即係可以變身「雙卡」iPad？
相關文章:
全球平板出貨升 11% iPad 接近零增長市佔率下跌 分析指 M4 iPad Pro 銷售不如預期 OLED 面板廠商訂單減少
有咩供應商可以揀？
如果各位 wire 民遲下有朋友要嚟香港玩又打算用 Apple SIM 嘅話，目前可以選擇本港流動網絡供應商 3 所提供嘅短期或長期嘅流動數據計劃。今日，3 香港亦都公布咗有關的收費詳情，日費組合分別有 2 日（$38）、7 日（$88）同埋 14 日（$168），但要注意當中會有公平使用量，分別為 2.5GB / 3.5GB / 5GB，超過用量就有可能被限速。至於月費計劃則分別有 1GB（$168）、2GB（$248）同埋 3GB（$298）。除此之外，外出旅行時亦都可以透過 GigSky 或 AlwaysOnline 等供應商，購買定額流動數據。
多種收費方式夠彈性(偏貴)
唔少 wire 民好多時都要上 Facebook 打卡、Upload 相甚至要拍埋片添，所以每日要用嘅數據量都唔少，至於 Apple SIM 呢個方案又抵唔抵玩呢？以 GigSky 為例，去日本玩嘅話，3 日 100MB 就要 1,800Yen（約 HKD134），至於另一間 AlwaysOnline 可以見到(供外地遊港用) 香港的 3GB 收費計劃就要 USD119.99（約 HKD930），如果以收費嚟講，真係會比買當地 SIM 卡貴好多！用返 3 香港作為比較，其實 Apple SIM 嘅收費計劃同佢哋現時已有的日費同月費計劃一樣，對於用家嚟講唯一好處就喺唔洗換卡囉！
相關文章:
全球平板出貨升 11% iPad 接近零增長市佔率下跌 分析指 M4 iPad Pro 銷售不如預期 OLED 面板廠商訂單減少
分享到 :
最新影片
