講到 Star Wars 入面最可愛的機械人，除咗 R2-D2 之餘，一定非 BB-8 莫屬。最近我依莉詩就搵到一隻 戰損復刻版 BB-8，唔單止外型上同之前見的有少少分別，仲可以連手錶控制，你去邊佢就跟你去邊添！
戰損復刻減玩具味
呢隻戰損復刻版同上一代的 size 差唔多，大約一隻手掌咁大，同樣需要放喺充電座充電。不過今次的戰損復刻版外觀上刻畫了不少花痕，模擬 BB-8 喺戰場上的模樣。比起普通版的光鮮，身經百戰的 BB-8 少了一份玩具味，多了一種歷練的感覺。
▲ 戰損復刻版 BB-8 用鐵盒裝住，感覺更硬朗，唔似一般小朋友玩具。
▲ 放係同樣有歷練感的充電座上面，BB-8 變得更有「男人味」
▲ BB-8 的頭以磁石吸係機身，可以隨時分開。(條天線好似好易斷咁。)
▲ 機身大幾一個手掌咁大。粗獷的花痕令 BB-8 減少了玩具的味道。(雖然普通版玩耐咗可能仲殘啲。)
▲ 充電座亦做到好似甩漆咁，十分粗糙。
手錶動作操控難控制
同上一代最大分別就係戰損復刻版可以利用手錶作體感操制，戴上原力手錶做推、拉、轉等動作就可以控制 BB-8 向前向後、轉左轉右。如果控制得好，佢仲會好似狗仔咁，一路跟住你行。不過實際上都幾難控制，而且手勢都幾複雜，所以規定咗要喺 Apps 完成整個教學先可以正式控制 BB-8。而我同同事都搞咗大半日先控制到佢基本的向前向後呢！
▲ 比起最原始用手機控制的 sphero，戰損復刻版 BB-8 難控制好多呢！
▲ 原力手錶會不時發出激光劍嘅聲，配合手勢就可以幻想自己戰鬥緊，仲可以順便做埋運動添！
▲ 原力手錶頂部有一個按鈕以幫助 BB-8 重新定位，而且會不時發出聲音，好似同埋 BB-8 溝通咁。
▲ 原力手錶同樣以 USB 充電，充一次可以玩足成日。
相關文章:
原定 2026 上映星球大戰電影延期 檔期由《冰河世紀 6》取而代之
迷你 Pokemon Go 收集原力
原力手錶仲有另一個用途，可以收集喺現實世界的武器同原力。玩法同 Pokemon Go 近似，不過就唔會有地圖，你可以戴住手錶四圍走，到發現到武器同原力時，手機 Apps 就會出現相關的閃卡，等你慢慢收集。
▲ 喺無地圖的情況下搵隱藏的武器同原力，好似不太實在，仲要帶住著玩具錶四圍走，感覺好奇怪呢！
依莉詩：「大人玩的小玩意」
今次呢隻戰損復刻版 BB-8 造型好逼真，加上粗獷的花痕後唔再似玩具，應該吸引到唔少大朋友收藏。而今次 BB-8 可以係連過一次手機之後，直接用原力手錶控制，唔駛成日拎住手機，對小朋友用家都係好事。雖然控制手勢比較複雜，而且難控制，不過配合手勢，手錶會發出不同嘅聲，小朋友可以一邊控制，一邊幻想自己如電影的角色在沙漠上奔馳，仲可以做埋運動，一舉幾得啊！
售價：連手錶套裝: $ 1598、淨手錶: $ 648
查詢：JCSHOP Kidults (35778685)
元朗地址：新界元朗青山公路元朗段249-251號元朗廣場1樓139-143號店
相關文章:
原定 2026 上映星球大戰電影延期 檔期由《冰河世紀 6》取而代之
分享到 :
最新影片
