今日清晨，Google 就宣佈正式在香港推出 Android Pay，並有 6 大銀行的信用卡率先支援。但大家最關心的，肯定是有咩優惠先？而家就等 Edward 同大家講清講楚啦。
1. 滙豐銀行－最盡拎 $250「獎賞錢」
由今日至 11 月 30 日，只要使用滙豐信用卡以 Android Pay 付款，只要淨額滿 $200 或以上，就可以額外獲得 $20「獎賞錢」，最多可獲額外 $200「獎賞錢」（即是最多 10 次機會）。另外，使用流動付款達 5 次，亦可享額外 $50「獎賞錢」，即係最多可以拎到額外 $250「獎賞錢」，唔係好多但都 OK 呀。
2. 恆生銀行－登記就有「錢」拿！
至於滙豐的姐妹銀行恆生銀行，優惠就更加筍！同之前在 Apple Pay 一樣，只要大家在 10 月 26 日前（即是下星期三）將恆生信用卡加入至 Android Pay，已即可獲贈 $20 Cash Dollars；另外在 11 月 25 日或之前，在指定商戶（商戶列表可參考下圖）每消費滿 $500，更可額外獲贈 $50 Cash Dollars。
相關文章:
【教學】iOS 18.2 香港如何用 ChatGPT 詳細方法 + 機種限定 Google Veo 2 AI 影片生成懶人包 圖片變影片 + 物理模擬極真實 + 穩定生成單一角色 Gemini 2.0 Flash 登陸 Android 開放公開測試升級 AI 助理體驗
3. 渣打銀行－回贈現金最實際
以上兩間銀行優惠，都是送贈銀行的自家「錢幣」，亦可以說是積分。至於渣打銀行就比較實際，在 11 月 30 日或之前以 Android Pay 完成 3 次零售或 APP 內交易，就可獲得 $30 現金回贈一次。雖然金額唔多而且得一次，但現兜兜回贈感覺好似更好吧？
4. 星展銀行－回贈金額比渣打更多更具彈性
至於星展銀行，與渣打銀行一樣也是玩「現兜兜」回贈，而且金額更多！只要手持星展銀行信用卡的 wire 民，將卡登記了在 Android Pay 內，並在 11 月 30 日前以 Android Pay 付款，指定商戶可享 50% 回贈（商戶列表可參考下圖），而其他商戶亦可享 20% 回贈，每個帳戶最多可獲得 $50 回贈，感覺比渣打的 offer 更有彈性呢！
5. 東亞銀行－咖啡友有 so！
至於東亞銀行，優惠可以說是 6 間銀行之中最多的一間，加卡、簽賬同生活獎賞都有齊，認真厲害！
首先加卡方面，只要在 10 月 26 日或之前將東亞信用卡加入到 Android Pay 戶口，就可獲得 5,000 獎分及 2 張每張 $10 的 Circle K i-Coupon，不過要留意的是，要在 12 月 31 日前以 Android Pay 付款最少一次，才可獲得 5,000 獎分。
至於簽賬方面，在 12 月 31 日前在 Android Pay 以東亞信用卡付款，就可獲得 25% 現金回贈，每個賬戶持有人最多可獲得 $180 現金回贈，睇落好似比渣打同星展更筍，但其實係要鬥快，只有首 30,000 位成功在官網登記了信用卡，並以 Android Pay 付款最少 5 次（包括加卡獎賞之付款），才可獲得現金回贈，遲了就無了。
最後一項生活獎賞，筆者就覺得最實際了，皆因在 12 月 31 日前逢星期五至日，在 Pacific Coffee 以 Android Pay 付款，即可獲得手調飲品買一送一優惠，如果你同筆者一樣都是咖啡友，咁就勁抵啦！
6. 大新銀行－回贈金額無上限
至於最後一間銀行：大新銀行，就有兩項優惠。首先在 12 月 31 日前，成功在 Android Pay 內登記了大新 MasterCard 並完成單一合資格交易滿 $20 或以上，即可獲得 $20 登記回贈，不過名額只限首 50,000 位客戶，先到先到拿完即止。至於簽賬優惠方面，同樣提供現金回贈方案，不過大新銀行的優惠就「無上限」，只要在下年，即是 2017 年 3 月 31 日前，每月累積 Android Pay 交易滿 $1,500 或以上，即可獲額外 1% 現金回贈，如果大家持有的是 ONE+ 信用卡就更抵，本身已有 1% 現金回贈，加上這個優惠，就有 2% 現金回贈。加上仲要無上限，即是回贈金額無封頂，大家碌的金額愈大，可回贈到的金額就愈多，如果搬屋要買傢俱電器，呢個 offer 就啱哂了！
相關文章:
【教學】iOS 18.2 香港如何用 ChatGPT 詳細方法 + 機種限定 Google Veo 2 AI 影片生成懶人包 圖片變影片 + 物理模擬極真實 + 穩定生成單一角色 Gemini 2.0 Flash 登陸 Android 開放公開測試升級 AI 助理體驗
分享到 :
最新影片
