港女久不久就會有一段時間突然心理壓力好大，需要調劑一下生活。如果行唔開去旅行，港女都會搵下朋友敍舊，睇下書，去下郊遊咁。最近港女呢啲間歇性心理壓力又來，但係工作真係忙到朋友都約唔到，等到周末又攰到唔想郁，然後港女唯有退而求其次，下載咗啲日本腦殘 Game 解下鬱結頂住檔先。玩落雖然真係幾白痴，但可以畀個腦暫時脫離工作模式，都有啲用㗎，同大家分享下先！
今次講嘅呢個日本腦殘小遊戲叩《神回避》，其實係逃出 Game 嘅一種，即係要搵啲道具出嚟完成任務過關。個 Game 一共有 31 關，玩得快其實唔使兩個鐘就可以爆機。遊戲入面，你要幫個主角避開一啲麻煩事，例如唔好俾朋友整蠱到，唔好俾阿媽發現你入廚房偷食。有時主角仲會有角色扮演：扮成吸血鬼要避開所有會令佢死嘅物品，扮成賊要去偷鑽石避開保安機關等等。
一般嚟講，個遊戲一啲都唔難玩，用少少腦就過到關，好有成功感（笑）。但個 Game 好玩嘅地方唔只係要成功過到關，因為就算過關失敗咗，你都可以完成到「支線任務」－儲齊圖鑑！
圖鑑儲嘅其實係你玩 Game 時的畫面，佢會自動幫你 Cap 圖，不知不覺就會儲到。港女覺得玩儲圖鑑呢個支線仲難過真正過關，佢啲場面有分 1 粒星到 3 粒星，3 粒星真係要 chok 出嚟，因為唔知邊個場面先係圖鑑之一，但咁樣有啲難度先好玩㗎嘛。當然你可以上網搵攻略出貓啦，但港女 prefer 自己花時間過關～
呢個 Game 喺今年 2 月嘅時候出，App Store 排位都幾高。玩玩下，港女突然諗起上年有另一隻日本腦殘 Game《媽媽收埋我部遊戲機》1＆2，玩法差唔多，都好適合用黎消磨時間，大家想無聊的時候可以一試喔！
《神回避》
App Store：https://goo.gl/cqwQaG
Google Play：https://goo.gl/uHyDRv
《媽媽收埋我部遊戲機》1
App Store：https://goo.gl/n3BWgg
Google Play：https://goo.gl/siLhIf
《媽媽收埋我部遊戲機》2
App Store：https://goo.gl/qE9f3e
Google Play：https://goo.gl/E9L8Za
分享到 :
最新影片
