iPhone 8 和 iPhone 8 Plus 終於正式開賣，對於不打算換 iPhone X 的用家來說，今年想入手新 iPhone 就相當容易，不少商舖都有現貨發售，毋需排隊又毋需食炒價。當然，對於一眾用家來說，如果買新 iPhone 同時有更多優惠著數的話，就會更吸引。今次，就等 unwire 教各位 wire 民點出新 iPhone 先可以賺到盡喇！
信用卡買機最多回贈 $500
如果各位 wire 民未想轉台又或者身上已有合約的話，買淨機相對上會較適合，因為上台出機未必最抵，除了要選擇較貴的月費計劃才有回贈，再加上各種增值組合等收費，隨時要付出更多才能出機。豐澤近期就推出 iPhone 8 / 8 Plus 買機優惠，各位 wire 民如果有 Citi 信用卡的話，在豐澤出機即享 5% 回贈，以買最便宜的 iPhone 8 64GB 來計都有 $250 回贈，如果買 iPhone 8 Plus 256GB 的 wire 民，就只需要同時多買一樣產品，總金額 $10,000 以上就可享最高 $500 的回贈。
再送 $50 超市現金券 儲埋積分當現金洗
除了有信用卡回贈優惠之外，現時購買新 iPhone 更有 $50 超市現金券，加上可儲易賞錢積分，以 $10 換 1 分來計算，選擇 iPhone 8 Plus 即有 818 分，日後購物就當錢用（$16），再連同附送的 Pro-Team Workshop 課程（價值 $200），有專人教大家如果玩盡 iOS 11 的新功能。
帶埋舊機 Trade-in 更著數 再順手買延長保養
買完新機如何處理舊機？如果舊機放在家中「封塵」的話，不如買 iPhone 時帶舊機做 Trade-in，變相令出機又更平！今次，吸引大家升級 iPhone 8 / 8 Plus 除了效能更高之外，採用玻璃面可支援無線充電更方便，但相對上大家就更擔心機身更容易損壞，大家在豐澤出新機時，就可以用優惠價多買一年星級保養服務（iPhone 8：$788 / iPhone 8 Plus：$888）。
分享到 :
最新影片
