主打「無合約」同「無行政費」嘅 自由鳥 Birdie 最近又加推新 Plan 吸客，而今次新 Plan 平均每 GB 都唔洗 10 蚊，仲有限時任用 4G 數據，夠晒抵玩！搭配埋最新推出的 759阿信屋 SIM卡自取服務，登記上台後可以即時落分店攞 SIM卡啟動使用，幾方便！
$140 有 15GB 用！仲送「貓頭鷹時間」任用數據
呢個 Plan 月費為 $140，包 15GB 4G 21Mbps 數據，除返開平均每 GB 都唔洗 10 蚊，而且用完後仍可以 128Kbps 速度繼續上網，即係至少可以收發 WhatsApp 等，令你唔會同外界斷絕聯絡；加上一樣送「貓頭鷹時間」俾你任用數據，意思係每日 1:00am-6:00am 使用嘅數據都唔會喺月費計劃數據中扣除，如果你係「夜貓」的話就更加著數。其實今次自由鳥新 Plan 可以話是益用家，因為其他現有 Plan $120/7GB 同 $90/5GB 平均每 GB 都要 $17-$18，但呢個最新嘅 15 GB Plan竟然平到每 GB 都唔洗 10 蚊… 以下話你知玩法。
自行組合家庭plan 更著數 二人 7GB 只需 $94
若然你自問用唔晒 15GB 數據，大可透過自由鳥嘅 P2P 功能 (互傳數據功能) ，同人一齊組出至抵「家庭 Plan」：兩人組合可以「140/15GB + 48/500MB」方式各自上台，即係每月總額為 $188，就可以出兩張 sim 卡同 15GB 數據，除返開每人每月都只係 $94 就有 7GB，比現有 $120/7GB 平足兩成；三人組合可以「140/15GB + 48/500MB + 48/500MB」方式，每月 $236 就有三張 sim 卡同 16GB 數據，平均每張 sim 卡有 5GB 數據，而每人月付只係 $79，依然比現有 $90/5GB 計劃平了一成多。無論揀邊種Plan，都可以選擇攜號轉台或出新號碼，靈活彈性。
唔洗再等郵寄！自由鳥 x 759阿信屋 SIM卡自取服務
過往上台需要先係 Birdie Mobile App 登記，然後等郵寄 SIM 卡到手，過程一般需要 1-2 日；但係你一刻都唔想等的話，佢哋剛推出嘅 759阿信屋 SIM卡自取服務就啱晒。而家只要係 Birdie Mobile App 登記之後，憑電郵或者短訊內的QR Code，就可以即時係全線近二百間 759阿信屋分店自取「自由鳥Mobile本地電話SIM卡」，啟動後即時用得。
了解更多：<按此>
分享到 :
最新影片
