一名的士司機與乘客因電子支付失敗，分別在 Threads 發帖互相尋找，最終網民協助下短短兩小時成功重遇。司機表示擔心乘客因未付款「夜晚瞓唔着」，乘客則急於履行責任，兩人的互動成為網上一時佳話。
據帖文指，的士司機是在荃灣愉景新城接載女乘客前往如心廣場，女乘客當時趕時間，司機便讓她使用 PayMe 付款，後來發現交易未能成功完成。司機隨即在晚上 9 時左右於 Threads 發文尋人，希望有人可以聯絡他。
而原來女乘客同一時間亦在該平台發帖搜尋司機，她解釋全程經過，表示車費為 33.2 元，原打算以現金支付，但「司機哥哥好似冇散子」，於是改用 PayMe。她展示系統問題截圖，表示當時以為「過咗數」，下車後才發現款項彈回帳戶。她寫道：「如果你係呢位年輕司機，請 DM 我，我嗱嗱聲轉返錢畀你，大家做生意都唔容易呀！」
網民熱心協助下，兩人帖文獲大量轉發。網友們紛紛留言：「啱啱碌到司機 post，我搵下先」、「正話好似有個司機出 po 又係話 Payme 收唔到錢，係咪同一個？」。約兩小時後，女乘客在司機帖文下回應「我喺到啊～都搵緊你」，兩人順利聯絡對方。女乘客隨後轉帳 34 元給司機，並感謝網民「謝謝今晚各位參與到呢場暖心香港故事」。
事件獲大批網民熱烈回應，紛紛留言「好犀利呀！咁樣都搵到」、「喺 threads 就係要睇依啲，唔關自己事但好開心」，有人更笑稱「緣份開始」、「幾時擺酒」，為事件劃上歡樂的句號。
來源：Threads
