七月天氣咁熱，唔多想出街，最適合留喺屋企網購。今次又有荀嘢嗌大家！日本最大網購平台 – 日本樂天市場 (Rakuten Global Market) 嚟緊會舉行「2018 初夏免運費活動」，超過 40 間精選商店首 3kg 免運費，用 EMS 直送港澳！筆者就率先實試咗六月嘅免運體驗，貨品一星期就到手，運費仲慳唔少！七月優惠活動嘅玩法都係相類似，要點買？以下慢慢話你知！

優惠一：超過 40 間日本優質商店  限時 EMS 免首 3kg 運費

講明限時優惠，梗係要 mark 實日子先啦！七月優惠會喺 7 月 10 日 9:00 至 7 月 19 日 8:59 (香港時間)舉行，為期 10 日。當中有超過 40 間指定店鋪參與免運費活動，由美容護膚﹑運動用品到嬰兒用品等都有，只要單一訂單購物滿 10,000 日元 (約 HK$720)，可享 4,500 日元 (HK$324) 運費優惠，即係等於 EMS 直送港澳首 3 公斤費用，最緊要係不限次數使用！想知道有邊間店鋪參與免運費活動？快啲按此進入瀏覽活動頁面介紹，睇睇有咩啱心水！

免運費使用全攻略

日本樂天市場(Rakuten Global Market) 店主多數為日本人，所以大部份只對應日文或者簡單英文，而且購物後需要用 email 與店主確認訂單同運費，所以難度比較高。不過要學識使用其實並唔難，以下筆者就用六月份優惠做例子， step by step 教你點樣輕鬆搵到啱心水商品再用免運費到直送到港啦！（注意：七月免運的合資格訂單消費金額比六月更低，但做法都係一樣。）

 

Step 1: 於活動頁面揀選心水產品

今次有參與免運費活動嘅店鋪都集中喺活動頁面內，以繁體中文圖文並茂地分開不同類型產品，方便港澳台各位選購產品。不過，產品介紹會以日文或英文顯示，假如完全不懂日文，可以用 Google Translate 翻譯至日文 (小提示: 用英文翻譯至日文更為準確！)。若然喺購物上有任何疑難，亦可以聯絡 Rakuten Global Market 嘅在線客服幫忙，而服務時間則為星期一至日上午九時至下午五時，年中無休，中英文皆可溝通，非常方便。

▲今次有參與免運費活動嘅店鋪都集中喺活動頁面內，圖文並茂亦用繁體中文顯示，選購產品非常方便。

 

Step 2:留意商品相關訊息

雖然每間店鋪每個商品的頁面資料都不一樣，有可能會比以下例子更詳盡或更簡短，不過要認住「Shipping PROMO」或者運費促銷icon先係適用於今次運費優惠活動嘅商品！

另外，仲有以下幾項注意事項則要小心留意：「商品選項」和「確認事項」，要看清楚所購買的商品選項，以及店鋪想要顧客知悉嘅重要事項，以免多付或買錯的商品，有需要亦可利用翻譯幫助了解。

因為六月份免運費優惠需要在同一店同購買滿 12,000 日元  (約HK$864) 才可使用，筆者選擇了同一間店內的  3 款日本酒。而七月免運費優惠更加只需要在同一店鋪購買滿 10,000 日元  (約HK$720) 就可以，所以大家不妨參考吓。

▲認住「Shipping PROMO」或者運費促銷icon就係適用於運費優惠活動嘅商品啦！

<按此>

<按此>

<按此>

 

Step 3:於購物車計算重量及消費金額

要享有七月運費優惠必需要單一訂單購物滿 10,000 日元 (約HK$720)，不能合併多筆訂單而累積至消費門檻，所以要最好在購物車內計算好訂單金額是否夠 10,000 日元 (約HK$720)。至於消費金額計算需要在使用優惠券之後、使用點數前，而且不包含運費及進口關稅。比較簡單的方法，就是直接看購物車內計算好的總額。另外，七月運費優惠是4,500 日元 (HK$324)，即係 首 3 公斤的費用，落單前要先看清楚商品重量。購物車會顯示訂單金額加待決運費，因為店鋪未計重量，係正常嘅。如果超過 3kg 之後會用電郵通知繳付額外差額。

▲下單前記得先看清楚購物車總額是否夠 10,000 日元 (約HK$720)。

 

Step 4:選擇 EMS 直送

入到支付頁面，需要填寫送貨地址和支付方式，若果如果已經有 Rakuten Global Market 或者樂天市場(日本版)帳户，可以直接登入，兩個網站會共通同步，所以不需要重複註冊再填寫。注意要在送貨方式中選擇「JP Post EMS」先有免運費優惠。

▲記得喺送貨方式中選擇「JP Post EMS」，才能使用免運費優惠。

 

Step 5: 於 email 確認訂單

支付成功後，會自動跳到多謝頁面，同時亦會收到由樂天系統發出的自動郵件，最好睇多次商品內容同地址有無填寫正確。之後亦會收到由店舖發出的確認訂單郵件，每一間店的 email 格式亦有不同。今次選擇的店鋪十分細心，確認 email 以簡單日文及英文撰寫，很容易看懂。 記得看清楚訂單內容，特別是運費同包裝費，因為這些都不會在樂天的購物車內顯示，回覆確認 email 後，店主會自行更改收費，並寄出商品。如果有任何問題則盡快回覆店舖的訂單郵件，唔使擔心，只要用簡單英文或日文回覆就可以了。

▲支付成功後，會自動跳到多謝頁面，記得看清楚是選擇「JP Post EMS」呀！

▲同時亦會收到由樂天系統自動發出的郵件。

之後亦會收到由店舖發出的確認訂單郵件，要特別注意的是，運費同包裝費會在這裡確認。因此費用會比樂天的購物車中多，店主會喺確認 email 後自行更改最終費用，所以記得回覆這封email，並確認當中沒有錯漏。至於運費，因為六月首 3公斤 免運的優惠只有4,300 日元，而運費總額是 6,300 日元，所以需要補上 2,000 日元。七月的免運優惠是 4,500 日元，就變得更抵了！

 

Step 6: 約一星期後到貨

EMS 一般會喺寄出後 2-3 天到貨，所以從落單到 email 確認並寄出貨物，大約會喺購買後一星期左右收到件。今次筆者購買的日本酒亦在一週後收到，本來擔心玻璃瓶易碎，好彩 3 支寄到嚟亦安然無恙，而且包裝得好精美呢！

▲神奇的是，包裝是用順豐的箱，但是由郵差叔叔送過來，感覺很有趣。

▲打開有一張 A4 紙，寫上如果有貨品有問題嘅處理方法，非常貼心。

▲3枝酒都安全送到，紙箱同木箱都無花無爛。

 

優惠二：港澳尊享 1,200日元優惠券

今次活動唔止免運咁簡單，七月份優惠仲加推港澳用戶尊享優惠券！只要單一消費金額滿12,000日元 (HK$864)，就可以減 1,200日元(HK$86)。每位樂天會員可使用2次，而且係所有 Rakuten Global Market 店鋪都適用，可用範圍更廣呢！只需要用以下連結將優惠券加落帳戶，俾錢時就可以揀嚟用。立即按此<領取>啦！

▲ 喺結帳時嘅付款頁面，可以見到優惠券部分。

▲ 已領取嘅優惠券都會喺呢度顯示出嚟，只要揀返想扣減的，就可以使用！

 

優惠三：新會員首次購物  送 1,000 點 

活動除咗有日本直送免運費優惠外，新會員首次落單滿 6,000 日元(約 HK$432)，仲會送 1,000 點日本樂天超級點數，等你下次購物可以當現金用。1 點數價值 1 日元，即是有 1,000 日元(約 HK$72)，下次仲可以點數、免運費同優惠券一齊使用㗎！立即按此<登記>做會員啦！

 

2018 初夏免運費活動

活動期間：2018 年 7 月 10 日 09:00 至2018 年 7 月 19 日 08:59 （香港時間）

活動頁面：點按此

日本樂天市場 (Rakuten Global Market)：點按此