香港 unwire.hk 玩生活．樂科技

Sgnl 智能錶帶超神奇！用手指按住耳朵即可進行通話

平時用手機進行通話，除了將手機放在耳仔旁邊、使用擴音或耳機之外，還有沒有其他方法可以講電話呢？或者由韓國 Innomdle Lab 研發的新款錶帶 Sgnl 會為大家帶來驚喜，因為將之戴在手腕上後，只需要用手指按住耳朵，如此便可即時接聽電話，手指變成聽筒實在是相當科幻。（繼續閱讀…）

去市集親親 150cm 卡比獸 • unwire 週末好去處

Pokemon Go 已經開咗個月，但大家對卡比獸的熱情似乎仲未完全減退。今個星期介紹大家去 3個不同特色的市集，其中一個仲有 150cm 的卡比獸俾你任摸任錫呢！

日月市集

「月月就是朋，日月就是明」仲有一個星期就中秋節，呢個市集就有多個由歌影視紅人主理和支持，包括李璨琛、黃長興、蕭正楠、溫家偉、金剛、王君馨等等的美食美酒攤位及各式生活品味品牌，等大家與親朋鄰里相聚月下，一邊吃喝，把酒當歌一起感受中秋佳節鄰里相聚的傳統節日情懷。同場更有150 CM 高巨型卡比獸公仔俾大家任影任攬添！

▲ 對住咁大隻卡比獸，娜姐即刻獎成小朋友呢！

日期：2016年9月8日 (下午6時 ‑ 10時)

2016年9月9日 (下午4時 ‑ 10時)

2016年9月10日 ‑ 11日 (上午11時 ‑ 下午10時)

地址：PMQ 元創方》香港中環鴨巴甸街35號

Hobbees X City Craze 多元技能・市集・音樂大放題

呢一個市集以手作為主，當中除了皮革、陶瓷等製作班外，仲有多間 pop up store推介設計品牌。屆時仲會有知名樂隊 Supper Moment 、新一代饒舌歌手 Heyo 及街頭音樂代表 Kit 姐帶嚟嘅 mini concert！

▲ 我地 unwire 都會到場同大家用 pixelstick 免費任即影即有添，記得嚟支持下啊！

日期：2016年9月 10日 (中午 12時 ‑ 下午8時)

2016年9月 11日 (中午 12時 ‑ 下午 6時)

地點：觀塘興業街4號 The Wave 1、 7樓

JCCAC 手作市集 2016 秋

最後一個要介紹的市集同樣係以手作做主題，百多位手作人會銷售自家設計手作產品，以及會有4 位駐 JCCAC 嘅藝術家會為大家即席示範包括玻璃雕刻（Jovial Yeung)、絲網印刷 (An Gee Chan)、金工首飾 (Kaling Wong) 及木工(The missing piece)。於市集期間更可報名參加免費露天電影會，在星空下欣賞精彩得獎電影，並可在映後座談會與資深影評人交流。手作市集嘅攤檔會喺唔同樓層出現，到時記得搭快 lift上到頂層，再掃落嚟，咁就唔怕錯過任何一檔手作人嘅精心傑作啦！

日期：2016年9月10日 ‑ 11日 (下午1時 ‑ 7時)

地點：賽馬會創意藝術中心 JCCAC 》香港石硤尾白田街30號

資料來源：Timable

買機前諗清楚！GeekBench 跑分證實 iPhone 7 Plus 會配備 3GB RAM

相比起過往的大細 iPhone，今年除 iPhone 7 Plus 會採用雙後置鏡頭，而 iPhone 7 則只會用單鏡頭外，其實原來還有一個地方都頗大分別。因為即使 Apple 並未有在發表會上披露，但原來兩款新機將會有不同的記憶體容量，如此一來大家在選購時就可能要再多加考慮了。（繼續閱讀…）

相關文章:

9 月 17 日 iR 再來過！AOS 各型號各色 + iReserve 連結齊備全攻略（同場：首日 AOS + iR 試玩心得分享）

相信全香港大部分 office 在 3:01pm 之後的一小時，基本上是「停止運作」，無計啦，iPhone 今日 3:01pm 開始接受預訂，筆者都幫自己同家人訂了機。就讓筆者現在分享一下訂機過程的感受吧。

iReserve 長開賣完即止

先講總結吧：今次 AOS + iR 一齊開，真係估 Apple 唔到，但最少大家唔洗搵多另一日一早起身搶，而且第一日 iR 因為 BOT 仍未 ready，多數都是「棍波」贏，所以留意到 iR 而又訂到的 wire 民，恭喜你了可以第一日有新機用。至於今日訂唔到機的 wire 民，又想早過唔少 AOS 的朋友拿機？其實仲有機會！其實 iReserve 一直都無關，到而家都仲訂到部分型號，好似比較冷門的型號及顏色，例如：iPhone 7 的玫瑰金色、銀色或金色，到而家都仲有機會訂到！如果大家唔執著於買大機及新色，其實而家訂都仲有機會第一日（9 月 16 日）拿機！但如果大家堅持要大機或細機的黑色 / 亮黑色，Apple 已在官網已寫明下次 iReserve 的時間是 9 月 17 日 8am，屆時大家進入 iR 網頁，幸運的話就可以當日去 Apple 零售店拿機了。

iReserve 連結：https://reserve-hk.apple.com/HK/zh_HK/reserve/iPhone/availability?channel=1

另外，如果大家之後想在 AOS 再開之後透過此方法訂機，以下筆者就列出所有型號、容量及顏色機款的 direct link，如果在電腦開直接按入去就可以了，節省大家要慢慢揀的時間。

iPhone 7

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

iPhone 7 Plus

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

iR 同時「鬼崇」推出夠驚喜

之前幾年都是 AOS 過後幾日先推出 iReserve，之後就推出之日拿機。今次 Apple 果然又有新玩法：iReserve 與 AOS 同時推出，而且無論是在官網或者 APP，都只是頂部很細的字體寫著「預約購買」或「立即預約購買」，不少筆者同事都是訂了一部之後才發現這個「鬼崇」連結，如果大家不是想買新色或大機，不妨而家 click 入去試試，隨時仲可以第一日拿機架。

相關文章:

大亮黑極速掃光！10 分鐘後取貨日期已排至十一月……

至於 AOS 方面，大機 iPhone 7 Plus 的亮黑版最先被掃光，可以說是一早估到的結果，但估不到的是不用 3 分鐘已經全部玩完，而黑色的 7 Plus，就算之後按到，都已經好快要排到九月底至十月初。筆者有些同事在開始接受預訂 10 分鐘後才打算訂購大機，都已經要排到十一月……當然，如果大家是想自用，幾時拿機都無所謂啦（只要現時用緊個部未壞）；但如果打算炒賣的話，又要去到十一月先拿機，就真的要考慮之後是否「cut 單保平安」了，畢竟筆者現時上中國的 AOS，大亮黑仍然可以訂得到，而且取貨日期正是十一月……各位炒家，睇路了。

▲有些同事都訂到 iPhone 7 Plus 亮黑色版，但要去到 11 月先有貨……

▲現時在天貓 TMall 已經可以訂到 iPhone 7 Plus，仲要係 128GB 同 256GB 的亮黑版都有，仲要可以做免息分期，而價錢更是官網原價……

▲而 AOS 中國官網，亮黑色 iPhone 7 Plus 的取機日期同樣是十一月……（直至筆者出文時仍然有得訂！！而香港已停止收訂……）

iR 用 Safari 開最穩陣

如果大家打算 9 月 17 日再戰 iR 戰場，要提提大家了：根據今日的經驗，用 Safari 開 iR 網頁訂機，比用其他瀏覽器開（例如：Chrome）穩陣得多，好似筆者的同事，用 Safari 都叫開到 iR 網頁，筆者用 Chrome 就要去到 iR 已經玩完先至入到……

某些銀行信用卡出事……

另外，根據筆者個人感受，發現今次如果大家用 Apple Pay，似乎比純用信用卡買更快訂到，筆者就係咁訂到一部亮黑色 iPhone 7 及一部黑色 iPhone 7 Plus，似乎用 Apple Pay 畀錢會有「排隊優先權」？另外，據同事及某些筆者朋友表示，有些銀行的信用卡（例如：ｘ豐）似乎有出現問題，訂機時表示拿不到授權訂不到，但後來又收到 SMS 表示已收到碌卡記錄，十分奇怪……如果大家都是用這間銀行的信用卡訂，又遇到相關問題，記住穩陣起見打番上 hotline 查詢是否已過數，亦記住今晚上番 AOS 查閱番訂單紀錄，睇下係咪真係訂唔到。一陣錢就收咗機就無咗，真係喊都無謂。

用 APP 訂 + 4G 仍是王道

之前幾次開賣 iPhone，往往都是用 APP 訂比較有效率，今次亦不例外。但筆者發覺用 Wi-Fi 訂，永遠不及用 4G 網絡訂快手；而且即使是 4G，不同網絡商見到 AOS APP 重開的時間也不同，就好像筆者用的是「子華台」，要去到用「數字香港」的同事訂了一部機之後才見到開賣，認真灰爆……

另外如果大家是用 iReserve 訂機，記住 Apple 係會睇 IP 同埋 Apple ID 的，每個 Apple ID 每日最多訂兩張訂單，每張最多 2 部機；另外如果同一個 IP 太多訂單的話，都一樣會被封鎖。所以大家如果要用 iReserve 訂多幾部畀姨媽姑姐的話，就要預備多幾個 Apple ID、多幾個電話號碼同埋多幾個身份證明文件了。同埋記住上網時要用 3G / 4G，因為正如前文所言 Apple 會查 IP，如果大家在 office 訂而好多同事都用緊同一個 Wi-Fi 網絡做同一樣的事的話，後來者一樣會被封鎖入唔到。

相關文章:

相關文章:

iPhone 7 同時聽歌充電又一新選擇：Belkin Lightning 一開二分插器

iPhone 7 刪除 3.5mm 耳機插口，有人指這顯示出 Apple 勇於改變世界的精神，但當然更多人批評這種改動會帶來不便。比如昨日我們曾經提過如果想用 3.5mm 耳機聽過又同時充電，那就只能用 Apple 曾推出過的 iPhone Lightning 底座。不過如果換轉是用 Lightning EarPods 耳機又如何呢？如今終於有廠商提供解決辦法。（繼續閱讀…）

相關文章:

唔想飲Four Loko飲到斷左片？飲醉打錯電話俾Ex BF？　依3個App幫到你

早陣子的「斷片酒」成了全城熱話，網民實測挑戰片段瘋狂湧現，更有女生喝到酩酊大醉，不醒人事。試問一個女生在如此情況底下，何止「斷片」，「失身」也絶非令人錯愕之事！我娜姐同為女生，又怎可坐視不理，今日就誠心向姊妹們獻上這三個App，快快下載傍下身啦！

App 1: Drunk Lock—Android (免費)

不知姊妹們有沒有試過因喝醉而撥錯電話給前男友表錯情，或向「兵仔」大派好人卡呢？不論你有心或無意，何必無端令感情關係變得錯綜複雜呢？小心酒醒後有「手尾」跟啦！

▲記得跟朋友們大喝大醉前要先打開這個App。

▲經實驗證明，此App真的可防止你輕易錯手撥電話給錯的人！

▲但仍按捺不住，想撥出電話嗎？可以！但請先連續答對三條數學題才任性吧！

▲答錯了，就要承認「I’m Drunk」，還要重新解答3條數學題！

▲此App大槪是怕遇上數學高手，連數學題的難度也分了等級，想撥個電話可謂難關重重！

不過娜姐我本身是個數學白痴，若選了 “College Level” ，恐怕以後都打不到電話了……

相關影片:

App 2: I Am Drunk Alcoholtest—iOS (免費)

▲和好姊妹夜夜笙歌，當然不希望發生任何意外啦！要互相照顧的話，這個App就適合不過了，相信你身邊的朋友也會相當願意看著你呢（奸笑）！

▲開啓App後，畫面會出現指示，要求你用鼻尖觸碰熒幕上的波波。

▲成功連續觸碰波波五次，方可過關。

▲之後熒幕上便會顯示你到底用了多少時間完成，及估計出你體內的酒精含量。

其實我對於App中測出的酒精含量毫不在意，因為真的清醒的話，應該會直接用手過關，絶對不是用鼻尖啦！所以美女們，當你發現自己用鼻玩，便應停止再飲，免得有人乘虛而入啦！

App 3: IntelliDrink LITE – Blood Alcohol Content (BAC) Calculator —iOS (免費)

▲追酒飲，的確是大忌！相信大部份女士都有掉不低的形象包袱，若不想被朋友拍下你變醉娃的過程，那就應該試試這個App，記錄自己喝了多少，防患於未然！

▲先輸入個人資料，如姓名、性別、出生日期、身高和體重。（小警告！為了自己着想，年齡一欄還是從實招來吧～）

▲開始喝第一杯就開始輸入相關資料。

▲酒品類別有五項: Shot、Mixed Drink、Beer、Sparkling Wine及Wine。

▲按入去，還可自己按份量和酒精含量更改資料。

▲完成輸入就可從圖表中得知自己何時「到頂」，及早收手了！

正所謂「條路自己揀，XX唔好喊」，美女們都是少飲為妙好！

當然明白跟朋友閒時Happy Hour喝喝酒，放鬆一下的確是很平常的事。不過女神形象是要用心經營的，喝酒始終傷身又傷皮膚，要保救的話又要花上很多時間，所以奉勸一句「適可而止」啦！

今次推介的App 始終只屬娛樂性質，當中的數據只可參考，不能盡信。女士們，飲酒還飲酒，記得要好好照顧自己，不要毫不節制的飲飲飲啦！

完全冇用石油！哥斯達黎加已連續 76 日只採用可再生能源發電

為保護環境，其中一個理想手段當然是盡可能採用可再生能源發電，而哪一個國家採用這種發電方式的比例又最高呢？答案可能是哥斯達黎加。因為根據最新消息顯示，哥斯達黎加全國竟然已連續 76 日沒有使用過石油發電，而期間全程只用可再生能源來發電，相信這種做法甚少國家可以做到。

（繼續閱讀…）

【唔再係鋼彈】繁中版同步推出！G Gen 新作香港翻譯叫《SD 高達 G 世代創世》

近年不少海外遊戲經常都會推出中文版，對於香港玩家來說無疑是更加親切。至於即將推出的《SD Gundam G Generation Genesis》亦不例外，因為 NBGI 今日宣佈繁體中文版《SD 高達 G 世代創世》將會與日版同步於 11 月 22 日推出，而且更會分為香港版本及台灣版本，香港版本當然採用大家最為熟悉的翻譯，G Generation系列遊戲終於可以見到高達的稱呼了。（繼續閱讀…）

相關文章:

實用 ! iPhone 7 及 7 Plus , iReserve ( IR ) 及 AOS 直入連結 Direct Link Url

請 bookmark ， load 少一頁就是致勝關鍵！以後 AOS 及 IR 快人一步 !

iReserve 連結：

按這裡

AOS 連結：

iPhone 7 Plus

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

iPhone 7

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

IR 技巧 :

電話＞電腦 Copy and Paste SMS Code 可用這<工具>

填 HKID Code 不用打括號

e.g A123456(0) 打 A1234560

【有片睇】嫌阻頭阻勢！YouTuber 紐約街頭快閃剪斷遊客自拍神棍

相信大家平時出街，應該都好討厭遇到拎住自拍神棍影相的遊客，皆因不但會阻住去路，二來不小心又可能會擊中其他途人。為此一位名為 Buddy Bolton 的美國 YouTuber 就決定來一場惡作劇，並以快閃的方式極速剪斷遊客的自拍神棍再飛奔逃走，雖然看起來十分有趣，但受害者卻相當慘情了。（繼續閱讀…）

無法再破紀錄！Apple 今後將不會再公佈 iPhone 預訂數量及首週銷量

以往每當新型號 iPhone 推出之後，通常隔一段時間後 Apple 便會公開預訂數量及首週銷量等資料，而且往往都會破紀錄。不過今年情況就會有所不同了，因為根據 Apple 向 CNBC 發出的聲明顯示，他們今年將不會再公開相關資料，並表示這些數據對需求及投資者而言已不再具有代表性的指標。（繼續閱讀…）

相關文章:

依莉詩：「唔戴眼鏡都用到！」　MAD Gaze X5 AR 眼鏡初步評測

雖然穿戴式智能裝置愈出愈多，但智能眼鏡的發展好似一直停滯不前。就連 Google Glass 都停止發展的時候，MAD Gaze 智能眼鏡原來已經出到第二代，仲唔駛戴住眼鏡都用得添！我依莉詩今日就去咗 MAD Gaze X5 AR 眼鏡的發佈會，一於同大家一齊睇下啦！

（繼續閱讀…）

杜蕾斯都黎抽水？AirPods 無線藍牙耳機設計太「前衛」！大量網民瘋狂惡搞

由於 iPhone 7 大部份特點早於發表會舉行之前已經流出，因此整體而言今年的 keynote 並不算太震撼。不過若然要細數發表會最突出的地方，那麼應該肯定是由 Jonathan Ive 設計的無線藍牙耳機 AirPods，皆因其與別不同的外型的確令人留下深刻印象，而其後一眾網民更乘機惡搞一番。（繼續閱讀…）

相關文章:

Apple 預先提醒買家！亮黑色 iPhone 7 機身將會更容易刮花

雖然今年 iPhone 7 及 iPhone 7 Plus 並未帶來太大驚喜，但留意繼去年增加玫瑰金後，今年就再加入全新的黑色及亮黑色，當中亮黑的效果不但更為搶眼，而且更只有高容量版本可以選擇，可說是身份的象徵，而且更成為炒家的主要目標。不過若然大家想自用亮黑版 iPhone 7，那就要小心一點了，因為在未正式發售前，Apple 就已經警告它將會比其他版本更易刮花。（繼續閱讀…）

相關文章:

打機惹禍！俄羅斯《Pokemon Go》玩家或判囚 5 年

《Pokemon Go》在全球爆紅，很多玩家都像上癮般沉迷在其中。不過亦讓不少玩家幹了一些瘋狂的傻事，例如有司機邊駕車邊玩遊戲，最後釀成車禍。很多 PokeStop 都設置在名勝和地標，外國甚至有不少補給站設置在教堂附近。依然並非所有教堂都歡迎《Pokemon Go》，俄羅斯就是一個例子。

（繼續閱讀…）

相關文章:

S.Note Beta 版推出非 Galaxy Note 都用得

Galaxy Note 系列和其他手機的最大分野就是內置 S Pen 觸控筆，隨最新上市的 Galaxy Note 7 而來到了 S Note 軟件，讓用戶可以觸控筆手寫或繪圖，甚至進行各式各樣的創作，既方便又實用。原來就算非 Galaxy Note 手機都可以使用 S Note，只要登記成為 Beta 測試員即可。

（繼續閱讀…）

衝擊 Apple TV！小米盒子平價美國搶灘

今年 5 月舉行的 Google I/O，小米宣佈將會在美國市場推出小米盒子，日前小米公佈更多有關詳情。小米盒子將會在 10 月正式登陸美國，預期將會跟 Apple TV 和 Amazon 的 Fire TV 等電視盒子作正面競爭。小米亦會維持一貫高性價比的策略，售價 99.99 美元，定價算是十分進取。

（繼續閱讀…）

Super Mario Run 將登陸 Android 但 Animal Crossing 等遊戲延期

昨日的 Apple 發佈會，任天堂的宮本茂登場並公佈《Super Mario Run》將會在今年秋季登陸 iOS。以任天堂最受歡迎的角色打頭炮，這舉動意味著任天堂將會正式進軍手機遊戲市場。問題是《Super Mario Run》會否為 iOS 獨家，Android 用戶是否有份？

（繼續閱讀…）

相關文章:

直接 Link 更快 ! 提升 AOS 搶贏 iPhone 7 / 7 Plus 全攻略

又一年了！今日下午 3:01pm 就係 iPhone 7 / 7 Plus 接受預訂的時間，今次又係星期五，睇來大家都係要係 office 偷偷「蛇王」訂愛機。要唔畀老闆發現又要買到愛機，自然一切都要夠哂快！對於想買番部 iPhone 7 / 7 Plus 自用的 wire 民，如何面對一大堆炒家 / BOT 都可以提高搶機成功率呢？ Edward 就特別為大家準備了一份一分鐘全攻略，令大家可以大大提升買到愛機的成功率。

預備工夫

無論大家用咩方法，都建議今朝先做好準備，咁大家訂機個時就唔洗拿手唔成勢啦。究竟要預備咩？其實只需要兩件事：

▲首先大家先係 Apple ID 個人帳戶入面，填好哂所有個人資料，最重要係填好帳單地址同埋信用卡資料，咁大家就唔洗訂機個時花時間再填。

▲第二樣嘢當然係預備好信用卡，而且要係一早已輸入 Apple ID 帳戶的信用卡，因為訂機時大家需要輸入卡背的安全碼。

方法一：使用 Apple Store App

之前兩、三年的經驗都話畀 Edward 知，用 Apple Store APP 訂機的成功率，永遠比透過 browser 開 AOS 大得多。當然，要裝 Apple Store APP，首先大家要有一部 iPhone、iPad 或者 iPod Touch。安裝好之後就按以下步驟做啦。

安裝好後：

約今天 2:30pm，最遲 2:45pm 開始登入 APP（因為如果大家係 3:01pm 先入去的話，可能會因為太多人已入 APP 而遲咗或者入唔到）。
按購物鍵。
首頁已是 iPhone 7 預訂頁面，點按型號與價格 –> iPhone 7 / 7 Plus。
選好你想購買的顏色及容量，如果想額外獲得一年 AppleCare+ 全方位服務計劃，可在此頁點按加入購物籃，售價承惠 $1,088。
你會見到下方出現「暫停供應」（當然啦，都未到 3:01pm 開售時間，自然未有）。
不斷按左上角的「儲存容量」返回上一頁再選想買的容量機款，就可以刷新頁面。預計開始後如果你成功搶到就會看到有存貨，並出現進一步的購買提示。一般情況下每個型號大家最多只可以買 2 部，換言之每個 Apple ID 戶口最多只能買 4 部新機（iPhone 7 x 2 + iPhone 7 Plus x 2）。
訂購完成後，只要等到電郵通知，就代表訂購成功。當然收到此 email 都唔代表唔會被 cut 單，因為按過往經驗 Apple 有機會 random cut 單的。自用用家此時唯有求神拜佛希望 Apple 唔好當你係炒家而 cut 你單啦。基本上只要大家的訂購程序去到「準備出貨中」，大家才可安心。

（P.S.：上次 iPhone 6s / 6s Plus 推出時，Apple 就明顯改變了銷售策略，基本上是長時間開賣，所以今次預計都係一樣，最緊要完成程序後睇番付運日期，如果唔係第一水，即係 9 月 16 日至 22 日收到，就考慮是否 cut 單保平安吧。當然，如果你只是用家，幾時收到機都無問題啦。）

相關文章:

方法二：Apple Store 網站

除非你已安裝真正可用的自動購買程式（經驗所知第一日絕大部分自動購買程式都未必有效），否則 Apple Store APP 還是最好的選擇。但如果各位 wire 民沒有任何 i-Devices 的話，就直接 <點按此> 進入香港 iPhone 7 / 7 Plus 購買網頁搶機啦。

為咗令大家更容易搶得心頭好，以下就等 Edward 為大家準備好各容量同埋顏色的連結，咁大家到時一 click 入去就訂到，唔洗煩！

iPhone 7

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

iPhone 7 Plus

32GB：黑色、銀色、金色、玫瑰金色

128GB：亮黑色、黑色、銀色、金色、玫瑰金色

256GB：亮黑色、黑色、銀色、金色、玫瑰金色

方法三：網絡商出機

而最後一個方法，就係透過網絡商預訂出機。除了去年的 3HK、SmarTone 及中國移動香港外，今年增加了中國聯通都可以同 Apple Online Store 一樣，今日 3:01pm 係他們官網接受預訂，如果大家咁啱合約就完或者已完想轉台或續約買機，可以考慮呢個方法，不過就唔肯定係咪 9 月 16 日當日拿到機啦，因為都係睇先後次序。但作為用家，都無乜所謂啦，相信唔會遲好耐掛。（作為炒家就唔建議用呢個方法啦，因為近年網絡商每次出新 iPhone 都會加台費，成本愈來愈高，真係劏完機賺埋都唔夠蝕。）

3HK、SmarTone、中國移動香港、中國聯通

入手 3 大注意事項

1. 自用入手今日好機會

筆者建議如果大家是打算買 iPhone 7 / 7 Plus 自用，今日確實是好機會，因為今次 iPhone 7 / 7 Plus 極有機會好似舊年 iPhone 6s / 6s Plus 開賣時般長期開賣，然後按大家成功訂購的次序去依次派貨。因為很難控制到貨時間，加上要等速遞送貨，太多不確定因素，所以他們寧願會以之後可能開通的 iReserve 戰場才出手，因為可以確保 16 日拿機然後即買即放，賺取最大利潤。當然，iReserve 有冇暫時都未有人知，所以有機會炒家聽日都會少量入貨，以免一旦 Apple 真係取消 iReserve 的話，都有貨揸手。所以各位用家，都唔好太老定啦。

2. 想炒必入 7 Plus 亮黑 / 黑色

最後提提大家，其實唔少炒家都會首先考慮 iPhone 7 Plus 256GB 亮黑色版本，其次就是相同機款相同容量的 iPhone 7 Plus 256GB 黑色版本，因為這個顏色始終是新色，利潤有機會最高。如果你是打算炒賣又唔想同人爭，不妨一開賣就考慮 128GB、甚至 32GB 的 iPhone 7 Plus 黑色版呢種「人棄我取」的策略，成功率可能會大幅提升。

3. 自用想 show off 黑色首選

當然，如果是用家的話，Edward 覺得 128GB 版本一般來講已夠用，至於顏色方面就當然按個人喜好而定啦，但如果想 show off 的話，亮黑色及黑色肯定是必然之選。如果再在兩種顏色中二揀一，筆者個人會揀黑色，因為無論機背、機邊甚至連天線帶都是統一色調（天線帶會有少許灰黑色），加上採用傳統 iPhone 的鋁金屬外殼，不會像亮黑色般手感如外媒評價般膠，亦不易黏上指模，如果你是有「潔癖」的用家，就更加應該考慮黑色版本了。

最後，祝各位 wire 民早日成功買得心頭好！

相關文章:

唐言無忌：衝出來「7」也要講本錢，好嗎？

iPhone 7 和 AirPods 剛剛發表不久，就已經惹來不少傳媒或網民討論，當中不乏負面評價和挖苦。筆者見過很多人將 AirPods 的設計開玩笑，有網民將壞掉的 EarPods 電線剪去扮 AirPods，亦有人將電動牙刷的刷頭塞入耳仔，揶揄 AirPods 的設計，當中不少讓人捧腹。

（繼續閱讀…）