之前我依莉詩同籮文報咗咁多萬聖節活動唔知大家有心水未呢？未都唔緊要，今個星期就介紹幾個 BB 級萬聖節活動俾大家，作為 10月萬聖節頭炮活動吧！
好順又快！Mac OS X El Capitan @ MBA、iMac 5K、New MacBook 12 小時試用感
昨日十一係咩日子？國慶？對於筆者來講，只留意到一件事：Apple 推出全新 Mac OS X El Capitan 的日子！筆者第一時間幫自己部 MacBook Air（2013）、iMac 5K 同埋新 MacBook 升級。用咗半日，究竟感受係點？各項新功能又好唔好用？而家就等筆者同大家分享一下。
黑色離子電鍍法仿舊復古色 ! CASIO G-SHOCK MTG-S1000V-1A 手錶到港速睇
電子腕錶品牌 CASIO 推出全新 G-SHOCK MTG 系列，合共十多款腕錶，全部主攻較高檔市場，價錢由八千幾到四萬幾都有，今次籮文就為大家介紹一款相對上價錢比較平民化嘅 MTG–S1000V 。
Mac OS X EI Capitan 更新後 6 大問題 + 解決方法
MAC 用戶期待已久的 Mac OS X EI Capitan 終於正式推出，效能提供之餘亦是既往的免費升級，相信各位 MAC 用家都不會介意升級吧。如果升級後發現遇上問題，以下就提供一些解決方法：
相關文章:
M4 版 Mac 準備就緒 傳 Apple 計劃在 11 月推出 彭博：M4 Mac 標配 16GB RAM 8 年來首次加 RAM 彭博：新 Mac mini M4 處理器 機身大小將與 Apple TV 4K 相若
依莉詩：「秋冬唔怕面痕痕！」－ Philips VisaBoost 超聲波保濕儀評測
雖然仲未感受到秋意，不過都喺時候為季節轉換做好準備。要面對因為轉天氣而狀態變差嘅皮膚，除咗喺護膚品方面著手之外，亦可以利用導入機喚醒皮膚嘅吸收力，提升護膚品功效之餘，達致深層保濕，唔怕皮膚又乾又痕。而最近我依莉詩就替大家試用 Philips 最新嘅 VisaBoost 超聲波保濕儀，依家就一齊睇下好唔好用先。
超聲波 + 微震按摩雙重導入
VisaBoost 超聲波保濕儀同其他導入機唔同，並非用離子技術做導入，而喺以每秒 500萬次超聲波將護膚品分解成微分子，令護膚品更容易導入皮膚底層，以提升皮膚吸收護膚品嘅效果。同時，每秒 300萬次微震為皮膚輕柔按摩，從而提升肌膚血液循環。另外，保濕儀會自動偵測並調節溫度到最適合皮膚吸收不同護膚品嘅溫度。雖然保濕儀唔喺用離子導入，不過用嘅感覺有 D 似 Hitachi 嘅離子導入機，暖暖地同會發出「滋滋－滋滋－」咁，兩長一短嘅震動。
▲ 盒內有保濕儀、充電插座、插頭、說明書同保養書。
▲ 保濕儀喺無線設計，只需要充 2 小時充電，就可以使用 20 分鐘，即喺用 2次就要充電。如果帶去旅行就要記得帶埋插頭啦。
相關文章:
【評測】Philips 2200 系列 LatteGo 全自動咖啡機開箱評測 全自動操控簡單 + 咖啡相對淡味
▲ 用嘅時候暖暖地，會自動調節溫度到最適合皮膚吸收不同護膚品嘅溫度。
▲ 保濕儀嘅導頭可以防水，用完可以直接喺水龍頭沖洗，非常方便。
步驟簡單，10分鐘搞掂
雖然用嘅感覺同 Hitachi 嘅離子導入機有 D 似，但呢部保濕機就方便好多，唔洗記住 d 步驟，只需要塗護膚品上面，開著保濕儀，10分鐘就會完成導入。我試過用爽膚水、精華同乳霜做導入，都一樣可以加快皮膚吸收。用喺紙面膜同睡眠面膜嘅效果就更好。平時敷完 20分鐘面膜，都會剩番好多精華，唔想浪費只好用嚟敷下手腳，而用咗保濕儀 10分鐘，精華大部份已經吸收咗，得番好少喺皮膚表面同面膜度。而我臨瞓都會塗層厚厚嘅睡眠面膜，有時都覺得好黏膩，要等皮膚吸收得咁上下先轉得身，用咗保濕儀皮膚 3分鐘就差唔多吸收晒，夜晚可以慳番唔少時間。
▲ 用保濕儀導入爽膚水 (右) 同用手塗，吸收嘅速度差唔多。
▲ 用保濕儀導入乳霜 (右) 同用手塗，吸收嘅速度差分比較大，用保濕儀導入 3分鐘就已經令皮膚完全吸收。
▲ 睡眠面膜嘅效果就更好，厚厚嘅啫喱 3分鐘就差唔多吸收晒。
依莉詩：「秋天唔怕面痕痕！」
每逢轉天氣塗極護膚品都好似唔吸收咁，塗完爽膏水又要等一段時間先吸收，之後仲要塗精華、乳霜同睡眠面膜，唔等夾硬塗又會搞到好厚、黐笠笠。而呢部保濕儀就明顯比用手塗抹護膚品吸收得快，可以慳番唔少等待嘅時間。而微溫配合震動按摩又可以促進血液循環，用完面色都紅潤咗，咁就唔怕秋冬面無血色啦！
售價：HK$998.00
查詢：Philips (2619 9663)
相關文章:
【評測】Philips 2200 系列 LatteGo 全自動咖啡機開箱評測 全自動操控簡單 + 咖啡相對淡味
狗隻都有智能產品用！Buddy 智能頸環具備定位及健身追蹤功能
近年不少廠商都推出了各式各樣的穿戴式智能裝置，不過除可供人類使用外，最近甚至更擴展至寵物之上。因為最近有團隊就設計出一款專為狗隻而設的 Buddy 智能頸環，除具備基本的定位功能外，更包含健身追蹤及其他多種實用功能，令狗狗都可以一嘗使用智能產品的滋味。 （繼續閱讀…）
挑戰 Surface Pro 4！傳 Dell 即將推出殺手級 4K 平板 XPS 12
自從 Microsoft 的 Surface Pro 3 取得成功之後，近來已經有不少廠商發表了類似的產品，比如 Apple 的 iPad Pro 及 Google 的 Pixel C 就是最好的例子，至於 Dell 亦似乎很快會加入這個戰團，皆因有消息指旗下最新款的 XPS 12 (9250) 平板，亦將會有類似的設計，而且更意外的是它竟然會採用 4K 螢幕。 （繼續閱讀…）
相關文章:
Dell 再裁員 12500 人佔整體 10% 改變策略重點發展 AI、削減銷售人員
下載版難以取替！美國遊戲零售商 GameStop 指實體遊戲銷售將永遠存在
隨著網絡日漸發達，近年越來越多傳統媒體都陸續提供數碼下載方式，比如音樂及電影已經可以在網上下載，至於遊戲方面當然也不例外。雖然一直有人提出數碼版本的遊戲將來有可能會取替實體遊戲的地位，但美國遊戲零售商 GameStop 卻持相反的睇法，並表示今後實體遊戲的銷售將會一直存在。 （繼續閱讀…）
11 月 7 日起投入服務！JR 西日本《EVA》新幹線列車設有駕駛艙可供乘坐
今年是《EVA》（新世紀福音戰士）TV 版誕生 20 週年，所以最近每隔幾日都會有不少相關消息及新產品情報。比如早前官方就曾經宣佈過將會與 JR 西日本合作，並設計出一款 500 TYPE EVA 新幹線列車，而今日他們就發放更多詳細消息，今次終於可以看到該部列車的內部裝潢。 （繼續閱讀…）
相關文章:
JR 西日本和阪急電鐵車站 測試全新乘客引導系統有 AI 語音翻譯功能
「USB 入牆插座」由港人發明 ! 背後感人故事 － 吳君武專訪
常言道，WiFi 和電是維持生命必需品，尤以電更甚（誤），電話、相機無電的話，也只是一舊廢鐵，但如果你身上只得一條 USB 線，即使有地方願意借電你差，沒有插頭也是沒有用。37 歲的吳君武（Alfred）早在 7 年前就已經遇過這個問題，一次到日本公幹，剛好電話無電，又怕老闆會隨時聯絡他，拿著手上的 USB 線，他不停想「為甚麼不能直接將 USB 線插入插座取電？」。於是回港後，與朋友積極研發附設 USB 頭的插座，用了6 年時間，不但獲得國際專利，上一年開始更著手建立自己的品牌，讓更多人知道這個本土設計。
Alfred 遇到的問題相信你與我都不會覺得陌生，但有多少人會落手落腳為了解決這個「只得 USB 線卻充不到電」的問題而大費周章？Alfred 土生土長，畢業於香港城市大學，本業為會計師，後來到了日資公司做業務拓展，對於機電工程一竅不通，但就是這件事，觸碰到他的神經，一心想著要解決這個問題。 （繼續閱讀…）
相關文章:
Apple 智能戒指專利 可與 iPhone、Mac、Vision Pro 等無縫連接
有冇咁離譜？《Train Simulator 2016》買齊全部 DLC 竟然要 4 萬港元
想當年購買一款遊戲光碟或盒帶之後，只需付出一個價錢便可玩齊所有內容。不過隨著網絡日漸成熟，近年越來越廠商在推出遊戲之後，都會再提供形形式式的付費 DLC，變相大家要付更多錢才可享受到更多內容。至於哪款遊戲的 DLC 最貴呢？《Train Simulator 2016》或者會令各位大吃一驚。 （繼續閱讀…）
劃清界線？Bosch 指一早已警告 Volkswagen 不要在引擎排氣測試中「出術」
自從日前傳出 Volkswagen 多款汽車在排氣測試中出現作弊的情況之後，除大大打擊了其企業形象外，更影響到其他德國汽車品牌的信心保證。至於協助 Volkswagen 生產柴油引擎的供應商 Bosch 為保住自己的聲譽，近日就表示其實他們一早已經警告過 Volkswagen 不要「出術」，只是後者卻並未有理會。 （繼續閱讀…）
相關文章:
開發中 ID. GTI 電動揭背車 Volkswagen 高層透露關鍵細節
【萬聖節敢死隊】真係 Walking Dead ? 闖入工廈氣槍 War Game 打喪屍
萬聖節想玩鬼屋又怕排長龍，今次【萬聖節敢死隊】就有好介紹啦！呢間「潛逃喪屍工廈」鬼屋喺由室內 War Game 場變身而成，唔單止有喪屍嚇你，仲有少少密室逃脫感覺。就等我依莉詩同籮文解構一下呢間嘅鬼屋值唔值得玩啦！
港女科技一週：毒自去 Sing! K
「中秋你注定一人，無野食又無氣氛…」今年中秋連放三日假，琴日又有一日國慶假期，醒目嘅你一定識得「請三放九」，去個逍遙遊～點似得我呢啲窮忙族，又窮又忙，放假都繼續做做做… 不過吊頸都要唞下氣架，唔離開得工作崗位，就唯有自娛一下。繼上星期我玩左幾日 17 就覺得好無聊 delete 左（點知早幾日仲俾人下埋架！），我再接再厲上 App Store 睇下有咩新玩意，竟然俾我搵到隻唱 K App！
小妹讀中學的時候係唱 K 業最盛行的時間，嗰時一個月去唱幾次，成班同學仔一放學就去唱，考完試又唱，放假又唱，陳奕迅楊千嬅 Twins 容祖兒… 到後來唱梁靜茹五月天飛落海… 諗返起都青春呀！上左大學已經唱少左，Re-U 都只係食下飯咁，更不要說出左黎做野，我上一次入 K 房唱 K 已經係… 兩年前（平時係屋企開 YouTube 唱歌個啲就唔計啦 ?）。
講返隻唱 K App 先，中秋假期第一日就俾我搵到佢，我就勁開心，一得閒唔使應酬就塞住 Earphone 唱 K。我開頭唔知原來係會一路唱一路錄音，以為每次唱完就真係完好似唱 K 咁，後來有朋友問我點解我個 account 咩都冇，係咪收埋晒自己聽，我先知原來可以放上去開心 Share 不特止，仲可以邀請朋友一齊唱，同埋可以編輯自己把聲：多啲 Echo 呀 ，改變音效等等嘅超基本 editing。
個平台就唔係好多廣東歌可以揀黎唱（可能因為香港未興玩呢個 App），所以我而家呼籲大家一齊玩，擴充個 Database，不過有時唔唱齋睇，娛樂性都好豐富，仲可能發掘到下一粒天皇巨星。就係咁，我三日的中秋假期同埋國慶，就完左喇。話說聽日又放假，如果大家冇街去冇野做，都可以試玩下呢隻 Sing! by Smule，解下悶丫！
人人爭住買！Skarp 激光剃鬚／毛刀無痛免灼傷不刺激皮膚
相信不少成年男女日常生活上都會面對一個問題，就是身體上會長出各種毛髮，例如男士面上會有鬍鬚，而女士則有手毛及腳毛等，為保持清潔往往都要用剃鬚／毛刀將之刮走。不過用刀片刮走這些毛髮，一不小心就有可能會割傷皮膚，有見及此最近有團隊就設計出一款新型激光剃毛刀 Skarp Laser Razor，使用起來會安全得多。 （繼續閱讀…）
唔止機身過熱！iPhone 6s 電池、喇叭、Touch ID 及 3D Touch 相繼出現問題 ? (點解我無事)
當一款新手機推出後不久，往往都會出現各種不同問題，特別是推出後三日就賣出超過 1,300 萬部的 iPhone 6s 及 iPhone 6s Plus，理論上有問題的機會當然會更加高。比如早幾日前就有報告指 iPhone 6s 機身會莫名其妙地過熱，而要強制關閉閃光燈降溫，不過除此之外，原來就連電池、喇叭、Touch ID 及 3D Touch 等都陸續出現問題。 （繼續閱讀…）
相關文章:
【評測】AirPods 4 最新主動降噪版 降噪效能比 Pro 更強 + 音質超靚重低音強勁 【教學】iOS 18 令電話 App 紅點超難清除 兩種設定不再受紅點困擾 【教學】Apple Watch 過百款錶面免費玩 可設定動畫錶面
籮文：「機身設計同做工去中國化喎」ZTE Axon Elite 初步評測
中國品牌 ZTE 中興喺國際上其實已經漸露頭角，今次 ZTE 為大家帶黎 Axon Elite，主打三項生物認證解鎖，包括指紋、眼紋及聲紋，亦有雙鏡頭設計，想知更多快啲拉落去睇吓啦！
外型去「中國化」
Axon Elite 為 ZTE 的新一代旗艦機，外型落咗一定心思，比其他中國品牌手機更國際化（無咁重中國特色）。ZTE 特地邀請曾為波音提供設計的 Teague 公司操刀設計，例如唔少地方可以見到 Axon Elite 的設計心思，例如機身採用航鋁鈦合金打造，機背上下方都有皮紋裝飾，更有貴氣。螢幕上下方都有三角形鏤空設計，成為 Axon Elite 的象徵。機背以弧形曲線設計，籮文揸上手好貼手。立下眼下覺得有少少 HTC ONE S 的影子，不過望真又好唔同，機身每個部份手工做得好細心，Axon Elite 率先令籮文對身為中國手機廠商的 ZTE 另眼相看。
▲螢幕上下方都有三角形鏤空設計，成為 Axon Elite 的象徵
▲機身採用航鋁鈦合金打造，機背上下方都有皮紋裝飾
▲機身尺寸只有154 x 77 x 9.8mm，加上機背以弧形曲線設計，籮文揸上手覺得好貼手好舒服
▲機身下方 USB 位，上方耳機位，右側開關及左側音量鍵，整體造工不錯
三紋解鎖 （有冇三圍解鎖？）
Axon Elite 突破性地同時具有三紋解鎖，三紋包括指紋、眼紋及聲紋，指紋大家都認識。有別於一般虹膜辨識，ZTE 的眼紋辨識係掃瞄眼白，ZTE 發言人就指出，掃瞄眼白比起虹膜辨識速度更快。聲紋辨識就係你講一段野無論中文或英文，系統會分析出你係咪機主本人。講真，有三種生物認證方法，不過相信普通用家唔會三種都用晒，不過如果你有高度機密，例如商業資料、私密照片、或者犯罪證據等，依個功能就非常適合你。
▲指紋辨識器位於機背，非常就手
▲突破性地同時具有三紋解鎖，三紋包括指紋、眼紋及聲紋
全球首部 螢幕採用康寧抗菌玻璃
Axon Elite 配備 5.5 吋 Full-HD 螢幕，像素密度達400ppi，效果同 iPhone 6S Plus 無咩分別。螢幕採用康寧抗菌玻璃（Antimicrobial Corning Gorilla Glass），係全球首部手機用上依種玻璃，玻璃硬度與一般玻璃相約，不過就可以透過玻璃內銀離子塗層消除細菌達 99%，有報導話手機細菌多過廁所，咁成日講電話容易經口部或呼吸感染 ? 籮文就唔係好知，可以請教下醫生，如果女士們驚多菌攪到臉部敏感的話，也許呢部機比到大家少少安心
▲Axon Elite 配備 5.5 吋 Full-HD 螢幕，像素密度達400ppi，呎吋及像素密度跟 iPhone 6S Plus 一樣
音響勁 有 Dual Track Hi-Fi
Axon Elite 載有 AKM 4961 音頻晶片，開通 Dual Track Hi-Fi，配合內建 32bit 超低功耗音頻 DAC 晶片，聲音輸出比一般手機好，發佈會當日歌手唱歌時，大會就用 Axon Elite 播放 MMO，用場地嘅喇叭播都聽唔到sese聲底噪同任何電流聲，算佢合格啦。
▲發佈會當日歌手唱歌時，大會就用 Axon Elite 播放 MMO
雙鏡頭玩雙頭後對焦
Axon Elite 背部有雙鏡頭組合，兩個鏡頭就唔係用黎拍 3D 嘅，原來鏡頭分別擁有 1,300 萬畫素與 200 萬畫素，配合 Emotion Eye Engine 攝影引擎，可以用內建嘅介面「先拍照後對焦」，又可以影出景深效果，背景虛化功能拍出的照片可以後期修改，調較背景模糊程度，都幾好玩，影出黎亦幾自然。而 Axon Elite 可以拍 4K 片，可見 ZTE 今次喺相機方面非常進取。可惜籮文試過 800萬像素前鏡自拍功能，表現麻麻。
▲只要 Switch 到背景虛化功能
▲背景虛化功能拍出的照片可以後期修改，調較背景模糊程度，上圖是 0 度，下圖是最高的 5 度
▲顏色表達好鮮明
▲影出黎線條好銳利
▲景深效果夠真夠明顯
雙 SIM 旗艦規格唔太熱
Axon Elite 內搭出名有發熱問題 Snapdragon 810 處理器，短短時間籮文未試得出 Axon Elite 有冇解決到問題，不過用咗一陣都未見到有發熱情況。 3GB Ram，及 32GB 儲存空間，更可以插最大 128GB microSD。此外，Axon Elite 亦支援雙 Sim 卡，方便跨境工作人士。 3,000 mAh 電池支援 Quick Charge 2.0，叉 5 分鐘就可以傾 120分鐘電話。
籮文：「好過乜米乜族好多」
老老實實，由乜米到乜族對中國手機觀感都係賣性價格，機身用料硬係普普通通唔夠 Charm。呢部 Axon Elite 機上做工上都好有心思，你會 Feel 到係真係到其他中國機唔同，唔係單係玩性價比咁簡單。
第 35 屆香港秋季電子展 10 月 13 日揭幕 航拍設備、物聯網應用成焦點
每年秋天都是科技業大日子，第 35 屆香港貿發局秋季電子產品展將在 10 月 13 至 16 日再度舉行。秋季電子展和同期舉行的國際電子組件及生產技術展，是全球最大電子產品商貿平台，匯聚超過 4,100 家參展商。今年將新增「智能科技」和「機械人及無人操控技術」展區，如果你的業務也跟它們有關就要留意了。
兩大新展區展示機械人及智能科技
已是第 35 屆舉辦的香港秋季電子產品展將雲集來自全球的各式各樣電子產品，今屆更會在會議廳新設兩大新產品專區：「智能科技」和「機械人及無人操控技術」，而去年廣受歡迎的「3D 打印」亦會載譽歸來。
-
「智能科技」展區
物聯網開闢了很多商機，例如智能家居於未來勢必成為熱潮，為能夠把握時機的企業帶來無限商機。新展區展示現代生活所需的創新無線電子產品，包括具備應用程式及物聯網應用功能的電子裝置。
AUMEO Audio – Tailored Audio Device
Ecico Group Limited
其實每個人的聽力都有輕微不同，有些人對高音敏感，亦有人聽不到，就算用上最靚的音響器材，聽不到就是聽不到。那如何才能讓所有人在享受音樂時都能有更好的體驗？如果矯正視力可以靠眼鏡，那 AUMEO Audio 的 Tailored Audio Device 就像為耳朵加上眼鏡一樣，令所有人都能聽到標準的音樂。設備只需插上耳機再連接播放裝置就能使用，只需先做一次敏感度測試便能調整出最適合的頻段聲音及音量。
AMBI CLIMATE 冷氣智能化裝置
Ambi Labs Limited
香港天氣悶熱，開冷氣成為港人習慣，但長期下來難免電費驚人。現在人人都講物聯網，但是否一定要把全屋電器都換掉才能享受？Ambi Climate 就是一款智能冷氣機效率裝置，能因應用家的舒適度，根據室內溫度、濕度等情況，自動調節冷氣機至最合適的溫度，藉此提高冷氣機的效能以節省更多電力。
「物聯網革命 – 如何促進你的商務發展？」會議
來自多間國際知名企業的代表，包括 HP、Intel、Microsoft、Philips、Samsung 及 Texas Instruments 等，將出席會議交流並分享意見，討論未來物聯網發展路向及應用。
日期：13 / 10 / 2015 (星期二)
時間：10:30 am – 4:30 pm
地點：香港會議展覽中心 演講廳
語言：英語及普通話（附設即時傳譯服務）
討論主題：物聯網之全球發展趨勢及機遇、物聯網革命下的市場發展趨勢、物聯網的前瞻遠見 – 著名企業及初創企業之分享、利用物聯網提升商業價值。
免費入場，按此免費預先登記。
-
「機械人及無人操控技術」展區
「機械人及無人操控技術」展區則迎合市場對機械人科技及自動化產品的殷切需求，展示家用機械人、航拍設備、人形機械人、智能運輸機械人及無人駕駛飛行器等。
TYPHOON Q500 4K
Yuneec International Co., Ltd.
-
「3D 打印」展區
3D 打印近年受外界看好，Gartner 更大膽預測 3D 打印市場至 2018 年將達 134 億美元，增長可謂相當驚人。其實 3D 打印極具潛力，在商業和工業上都能發揮用途，因此今年電子展繼續有「3D 打印」展區，展示由 3D 打印機以至其他相關耗材及技術。
EinScan-S 3D Scanner
Shining 3D (HK) Company Limited
https://www.kickstarter.com/projects/681809941/einscan-s-fast-accurate-safe-3d-scanner-for-3d-pri?ref=video
-
其他展會亮點
秋電展網羅各式各樣的電子產品，包括穿戴式電子產品、視聽產品、電腦及週邊產品、數碼影像產品、電子遊戲產品、汽車導航系統、家用電器及保安產品等。
香港秋季電子產品展
日期：10 月 13 至 16 日
地點：灣仔香港會議展覽中心
入場人士 : 只供 18 歲或以上的業內人士參觀
入場費：每位港幣 100 元（現場登記）
有意參觀人士可立即預留免費入場證，節省 100 港元入場費，請立即登入網站預先登記，或以手機短訊發送電郵地址至 6390 0703 登記，亦可於貿發局智能手機應用程式 HKTDC Mobile 或手機版網頁 www.hktdc.com/wap/efae/T078 登記。
復古外形包裝 Honda 新電單車現身東京車展
稍後舉行的東京車展，Honda 將會公佈多款新款電單車，當中電動電單車 EV-Club 是焦點之一。EV-Club 未必是馬力最大的一款，但外形設計討好，卻能夠吸引車迷目光。設計師為這部電動電單車以復古車身設計包裝，給予用戶 50、60 年代駕駛電單車四處去的情懷。
相關文章:
專為中國市場而設 本田「燁」S7 電動車官方圖片曝光 Sony、Honda 攜手開發 首款電動車將於 2026 年推出
冰釋前嫌 Google、Microsoft 終止專利官司
多個朋友比多個敵人好，似乎 Microsoft 和 Google 亦明白這道理。日前兩間公司發表聯合聲明，表示他們就專利權爭議已經達成協議，並決定終止有關的官司，當中包括 2010 年起糾纏多年的 Motorola 案件。
相關文章:
【評測】Google Pixel 9 Pro Fold 詳細評測 機身偏闊手感一般 + 雙熒幕表現出色 + 終原生支援香港 5G + 定價偏貴不夠抵玩 Google 被指強制網紅讚賞其產品 否則不能在發售前評測產品 【評測】Microsoft Surface Laptop 7 開箱評測 機身外觀漂亮 + 表現四平八穩 + 電量夠用一日 + 定價貴不抵玩
推出平板軟件 GT6 粉絲終於可以自訂賽道
Gran Turismo 6 的玩家們一直希望能夠自行設定賽道的夢想，現在終於可以實現了。Polyphony Digital 承諾已久的 Track Path Editor 賽道編輯器最近終於推出，玩家們可以在平板上設計賽道、更改景觀，然後傳送至 PS3。
