智能手錶越來越普及，現在已經不再是科技玩意，還是時裝配件或身份象徵。科技品牌亦不再推出設計用料單一的智能手錶，以 Apple Watch 為例，他們會有黃金版本，亦會和時裝品牌 Crossover。最近 Samsung 亦宣佈為 Gear S2 推出兩款 Classic New Edition。
間接助選？特朗普女兒設計充電手袋吸女性用戶
有留意今年年底美國總統選舉新聞的讀者，可能都會聽過語不驚人誓不休的共和黨候選人特朗普（Donald Trump）。特朗普的女兒 Ivanka Trump 是父親擁有的 Trump 集團副總裁，亦是珠寶店和時裝配件公司老闆，推出以自己名字命名的產品系列。最近 Ivanka Trump 就推出了一系列女裝手袋和包包，不但好看還非常實用。
唐言無忌：愛大定細
當 Samsung、Sony、LG 等品牌的智能手機越出越大部，Apple 似乎準備反其道而行，推出標榜螢幕和機身都細小的 iPhone 5se，雖然現時還有待 Apple 官方確認，但 Apple 重新推出細螢幕的手機，究竟是好是壞呢？你又喜歡大還是小呢？
自爆是宅女，訪問《人中之龍》名越稔洋、佐藤大輔、波多野結衣
昨日 PlayStation 與 SEGA 於西九龍中心舉行的人中之龍製作人 & 女優見面會，除了見面同玩遊戲之外，當然亦有訪問環節，如果你想對遊戲有更深入的認識，或者想看多兩張波多野結衣的相片，就要看下去囉：
籮文：「加強運動功能，但依要每天充」Moto 360 Sport 智能手錶初步評測
Moto 360 都出咗兩代啦，但係兩代都俾人話佢冇 GPS，又唔夠照顧熱愛運動嘅用家。好彩 Motorola 推出咗一隻 Moto 360 Sport，除咗有 GPS 之外，仲有光學心率感應器，配合內建的 Motorola 自家 Moto Body 應用程式，啱晒注重健康嘅你！想知有幾正就要繼續閱讀以下文章啦！
moto 360 sport 膠錶帶 圓形錶面 招牌黑色下巴
驟眼睇，Moto 360 Sport 好似同 Moto 360 第2代 冇乜分別，其實細心啲睇，Moto 360 Sport 錶身同錶帶係一體化設計，姐係冇得換走佢條膠錶帶。Sport 版繼續有 Moto 360 招牌嘅圓形錶面同黑色下巴，唔知係咪因為黑色襯返錶帶，又或者睇慣咗啦，黑色下巴感覺上冇 Moto 360 咁礙眼。錶冠同 Moto 360 第二代一樣放置於 2 點鐘位置，比起第一代嘅3點鐘位置更加就手。錶底就可以見到心率感應器。同時支援 IP67 防水防塵等級，戴住沖涼冇問題！
▲Moto 360 Sport 錶身同錶帶係一體化設計，姐係冇得換走佢條膠錶帶
▲Sport 版繼續有 Moto 360 招牌嘅圓形錶面同黑色下巴
Anylight Display 技術 自動調節屏幕光度
Moto 360 Sport 用上 1.37 吋 360×325 解像度屏幕，像素密度達 263ppi，雖然唔及 Zenwatch 2、Huawei Watch 或者 Gear S2 咁清，但係勝在有 Anylight Display 功能，可以根據環境光線，自動調節屏幕亮度，果然籮文戴住佢由室內走到室外，屏幕亮度真係會調高，一來比較慳電，二來可以讓我去到邊都清楚閱讀到內容。但係屏幕表現上，有一點令我不滿意，就係接近邊框嘅畫面會因玻璃折射而扭曲，搞到好似畫面有鋸齒咁，明明兩代 Moto 360 都唔覺有依個問題，點解 Sport 版就會咁架！
跑步唔使帶手機！內建 Moto Body 應用程式
入戲肉啦，就係運動功能。Moto 360 Sport 最大特點就係有 GPS 同心率感應，配合內建嘅 Moto Body 應用程式就可以時刻監測身體狀況。當你準備去跑步時，只要開啟 Moto Body，按 Running ，GPS 同心率感應都會開始運作，為你紀錄數據。如果你選用 「Sport」錶面，仲可以直接按下錶面嘅 Start 制，開始跑步。而 Moto 360 Sport 可以獨立運作，咁跑步時就唔需要帶埋手機咁麻煩啦！當然，你跑完步亦可以喺手機裝返個 Moto Body 手機版，查閱返運動紀錄，無論路線、心率、速度等等都有詳列，好詳細架。智能錶嘅 GPS 準確度 一向為人詬病，但係睇返 Moto 360 Sport，多數路線都好精準，只係到中間多高樓大廈的地區時就有啲亂咗。
▲心率感應啟動！
▲行咗 1.19 哩，攰死我，不過心率都係未離開過 Warm up 階段…
▲如果你選用 「Sport」錶面，仲可以直接按下錶面嘅 Start 制，開始跑步
▲只要裝返手機版 Moto Body，數據就會自動 Sync 過去手機。
▲智能錶嘅 GPS 準確度 一向為人詬病，但係睇返 Moto 360 Sport，多數路線都好精準，只係到中間多高樓大廈的地區時就有啲亂咗。
▲查閱返運動紀錄，無論路線、心率、速度等等都有詳列，好詳細架。
電量依舊 每日叉電走唔甩
360 Sport 內建 Qualcomm Snapdragon 400 四核心處理器及 Adreno 305 GPU，512MB RAM / 4GB ROM，介面非常順暢，冇窒機問題。不過 Moto 360 本身電量都麻麻架啦，Moto 360 Sport 版仲要有心率感應又有 GPS，當然耗電更明顯。話說籮文今早凌晨叉到 100% 就拎黎戴啦，戴住訓教，早上9點左右起身就淨返 80%，經過今日用咗半個鐘 Running Mode，而家下午6點，就淨返 15 %。由100%到15%，只需要 18小時，真係倒水咁，相信未夠 24小時就會冇電熄機。不過我就咁諗，買得依隻錶嘅，多數都係勤力做運動嘅人，做運動都咁勤力啦，唔爭在每日放隻錶上個叉電座啦！（不過對於籮文依啲懶人，要我日日叉電？Byebye~）
▲話說籮文今早凌晨12點叉到 100% 就拎黎戴啦
▲而家下午7點都未到，就淨返 10 %
▲只要將電源接入充電座，再將 Moto 360 Sport 放上去就可以
▲7點45分左右，終於頂唔順，要叉電啦！
籮文：「熱愛運動人士可以考慮」
其實籮文由100%用到15%，大約使用了 18小時，當中 Running Mode 只佔半個鐘，而 Running Mode 正正就係最耗電嘅功能，因為需要心率感應及 GPS 持續運作。外國有媒體就試過全程開 Running 嘅話，由100%到0%就只需要4小時，即係就算你跑到4小時，你隻錶都陪唔到你跑4小時，真係一個悲慘嘅愛情故事。你可能會諗，一日都用唔到，咁不如買隻 Fitbit 嗰類純運動手錶好過！其實你可以咁諗：Moto 360 Sport 平日就可以讓你睇 Message 覆 Message，做到智能手錶嘅嘢，如果收工想去跑步，就用換衫嗰段時間叉一叉隻錶先囉，反正都係放上個座度姐。
售價：HK$2,195
查詢：2405 8071 (Expansy)
解碼+擴音+喇叭 3 合1 – 法國 Micromega MySPEAKER MyAMP Inside 評測
有見近年數碼音樂愈來愈普及，不少傳統音響品牌都積極開拓相關市場，希望吸引更多新一代玩家，來自法國的 Miromega 便是其中之一。該品牌在 12 年前開始炮製「My」系列產品，由解碼、擴音機、喇叭到線材一應俱全，而其最新抵港之作就是集解碼、擴音及喇叭於一身的整合式產品 MySPEAKER MyAMP Inside。
連接一條電源線及喇叭線已可聽歌
若果有留意 Micromega 的發展動向，或許都會知道該品牌在去年曾在港推出 MyAMP 合併擴音機及 MySPEAKER 喇叭，而今次的 MySPEAKER MyAMP Inside，就可說是前兩者的合體產品。
這對喇叭由一個主動式（內置擴音線路）及一個被動式喇叭組成，前者內置與 MyAMP 相同規格的擴音線路及解碼功能，包括 aptX 藍牙解碼，以及 USB、光纖、同軸及模擬 Audio 輸入端子。由於支援藍牙無線串流，基本上用戶只需將電源線接上，再以喇叭線連接左右喇叭，即可配合支援藍牙的智能裝置或者電腦聽歌。
USB 支援 24bit/96kHz 光纖同軸對應更高取樣率
若不用藍牙無線串流，MySPEAKER MyAMP Inside 的接駁介面，亦可連接不同的訊源，去播放更高質素的音樂。透過 USB Type B 輸入端子，用戶可連接電腦，令喇叭兼任 USB DAC 解碼，最高支援 24bit/96kHz PCM 訊號輸入。至於標準光纖及同軸輸入端子，最高則可支援 24bit/192kHz，支援取樣率較 USB Type B 輸入更勝一籌。
選它還是 KEF X300A Wireless ?
相對價格接近、同樣可以連接電腦作 24bit/96kHz 解碼的 KEF X300A Wireless, MySPEAKER MyAMP Inside 在輸入介面更為全面，而低頻的量感亦明顯較為出色，但 KEF X300A Wireless 則可支援無線音樂串流，而外型設計上亦較易「入屋」。
艾域：「體積頗大，但放書檯配合手提電腦成不錯的組合。」
雖然加入擴音線路，但 MySPEAKER MyAMP Inside 的箱體與 MySPEAKER 一樣為 320 x 315 x 190mm，體積沒有再增大（雖則若想座檯使用，其體積已經頗大）。艾域嘗試將之擺放在公司的書檯之上（下圖），人聲仍可在 MacBook Air 的位置上方輸出，足證喇叭做到足夠的離箱，近場聆聽亦不會有太大問題。
至於聲音表現方面，艾域以 MacBook Air 作訊源，以 QED Performance USB 連接至 MySPEAKER MyAMP Inside，然後透過《Audirvana Plus》音樂播放軟件，播放 Adele《Water Under The Bridge》16bit/44.1kHz AIFF 檔，這對喇叭輸出 Adele 的高音時不會有毛噪及刺耳感，到副歌位置時的低頻更是量感充足，以 5.25 吋中低音單元而言，實是令人驚喜。
之後再試聽鄧麗君《漫步人生路》24bit/96kHz MQS FLAC 檔，對比同一歌曲的 16bit/44.1kHz 版本，MySPEAKER MyAMP Inside 在輸出 Hi-Res MQS 版本時，前奏旋律的密度及立體感都有顯著提升，而鄧麗君的人聲亦輸出得更為圓滑，足證這對喇叭在處理更高位元率及取樣率的音訊時，亦會有更理想的表現。不過值得一提的是，艾域在輸入 24bit/88.2kHz 訊號至 MySPEAKER MyAMP Inside 時，解碼會自行升頻成 24bit/96kHz，無法做到 BitPerfect，印象中這情況在 MyAMP 時亦同樣出現。
售價：$7,480
查詢：大昌影音（2262 1173）
Tesla 可能會變「中國製造」？ Elon Musk 表示或在中國設廠解決高成本問題
今日 Tesla CEO Elon Musk 到港舉行記者會，沒有發佈任何問題，只講出現時 Tesla 在香港發展的情況。在記者答問環節有記者問及 Tesla 在中國的發展，Elon 就回應現時中國 Tesla 比外國的成本會高好多，所以未來不排除會在中國設廠生產，以解決此問題！嘩，筆者即時想：會否未來香港的 Tesla 都會在中國生產以減低成本？
全球最快扭計骰還原機誕生！只需約 1 秒即可極速破解
自從扭計骰於 1980 年面世之後，該款考腦筋的玩意自此便風靡全球，不少玩家都喜歡挑戰最快還原紀錄，而且官方亦經常會舉行各種比賽。不過大家又有沒有想過一個扭計骰最快可於幾快破解呢？話說最近就有工程師設計出一部扭計骰還原機，其還原速度竟然只需 1 秒多一點便可完成。 (閱讀全文…)
Tesla CEO 遊花園 不回應香港「自動駕駛」功能問題
Tesla 早前推出自動駕駛功能，但香港運輸署卻指司機若在路面使用將可能違法，Tesla 因此被逼停止在香港的有關功能。Tesla 創辦人兼行政總裁 Elon Musk 最近訪港，並在今天（25/1）召開香港記者會，可惜未有任何回應有關自動駕駛在香港被禁等問題，僅指「香港是 Tesla 重視的市場」，並指香港「有潛力」成為智能汽車普及城市。
上周投資推廣署宣布 Tesla 創辦人兼行政總裁 Elon Musk 訪港出席 StartmeupHK 創業論壇，但其後發現是閉門活動，大多網媒無緣一見。就在大家「打定輸數」之際，Tesla 今天（25/1）召開香港記者會。
相信很多讀者，尤其是 Tesla 現有車主，對 Tesla 在何時才能讓自動駕駛在香港上路感到疑問。Unwire.hk 及 Unwire.pro 事前已提交有關自動駕駛在香港被禁，Tesla 有否跟港府協商研究等問題，但 Elon Musk 在記者會上只表示香港市場增長強勁，未來會為車主增設新的服務中心和更多的充電泊位，並強調「Tesla 重視香港市場」。
但對於香港媒體關心，任何有關香港的敏感問題則依舊未有回應。Unwire.hk 及 Unwire.pro 記者會後多番追問，但 Tesla 官方依舊守口如瓶，連任何官方回覆都沒有。
筆者相信，如果有協商並一切順利，Tesla 應會給予樂觀答案，因這必定有助銷情。但如此守口如瓶，相信情況並不樂觀，如果有準車主是為了自動駕駛功能並仍在觀望的話，可能就要諗清楚了。
【unwire TV】依莉詩教你整抹茶年糕
抹茶蛋糕，椰汁年糕，大家就試得多。
但係抹茶年糕大家又有冇聽過呢？
今次依莉詩就會教大家點整。
挑戰整抹茶年糕！依莉詩試用 Whirlpool 蒸焗爐 (附食譜 + 步驟)
http://unwire.hk/2016/01/25/whirlpool/tips-2/
連椅子都可以是「穿戴式」! 行到邊，坐到邊
相信大家都知道不少行業的職員都需要長時間站立工作，例如售貨員及醫生等往往都要隔一段長時間才能坐下休息，所以對雙腳所帶來的負擔確實是可想而知。有見及此，最近有日本廠商就研發出一款名為「archelis」的穿戴式椅子，穿起之後即使長時間站立亦不會感到疲累，又不會影響到正常行動。 (閱讀全文…)
加入網上對戰元素！Atari 即將推出 100 合 1 遊戲合輯《Atari Vault》
相信較為資深的遊戲迷，應該都還記得 Atari 對遊戲界所帶來的影響吧？旗下的 Atari 2600 主機絕對稱得上是一代經典，並且更推出過不少經典遊戲。雖說如今想玩到 Atari 遊戲並非太過困難，但若然大家希望從合法途徑去玩，那麼即將推出的《Atari Vault》100 合 1 合輯就將會是一個好選擇。 (閱讀全文…)
挑戰整抹茶年糕！依莉詩試用 Whirlpool 蒸焗爐 (附食譜 + 步驟)
農曆新年就到，又係時候準備整糕點過年，但年年都食椰汁年糕同蘿蔔糕好似有 D 悶，於是我依莉詩就向惠而浦請教如何用蒸焗爐整抹茶年糕。味道特別之餘又易整，依家就等我分享食譜同製作心得俾大家，等你都可以係屋企整番幾底送俾親朋好友啦！
Toshiba 設計巨型機械人！協助清理福島核電廠核燃料棒
2011 年日本 311 大地震的可怕場面至今依然歷歷在目，當時不但造成大量人命傷亡，所引發的海嘯甚至還摧毀了福島核電廠。有關事故除帶來嚴重的生態災難外，有關方面更預計至少需要 30 至 40 年才能完成清理，而為了提高清理效率，最近 Toshiba 就製造出一部巨型機械人去解決問題。 (閱讀全文…)
《軒轅劍》新作發表？大宇資訊宣佈事隔 8 年再度參展台北國際電玩展
每年一度的台北國際電玩展往往都是遊戲廠商發表新的好時機，而且今年更會有一間大廠正式回歸，因為大宇資訊宣佈經過 8 年後，今年將會再次參展 2016 台北國際電玩展，屆時更會帶來六款經典 IP 遊戲，當中更包括資深機迷必定玩過的著名 RPG《軒轅劍》及《仙劍奇俠傳》，確實令人期待。 (閱讀全文…)
被竇內買心頭好！Firebuy 數碼年宵迎猴年大特賣
最近幾日真係天寒地凍，就算想買嘢，明知出面周圍都做緊 promotion，但凍到有時都懶得出街。點樣先可以係被竇入面都買到心頭好？今日 5 點開始至下星期一，網店 Firebuy 就推出「數碼年宵迎猴年」優惠，唔少吸引產品做緊特賣之餘，仲有 3 款福袋俾大家買，所有產品還要保證農曆年假前出貨兼包免費送貨！究竟有咩特別嘢賣？而家就等我哋來睇睇啦！
Madhead 宣佈出席 2016 台北國際電玩展！將公開全新遊戲《時空之門》
提起香港遊戲開發商 Madhead，相信大家應該會即時想起旗下的手機轉珠遊戲《神魔之塔》。不經不覺該款備受爭議的遊戲已經推出了三年，新鮮感已經不復再，不過 Madhead 似乎已經做好準備，因為他們除宣佈將會參加即將舉行的 2016 台北國際電玩展外，屆時更會正式公開全新作品《時空之門》 （ChronosGate）。 (閱讀全文…)
渣馬完滿結束！UNWIRE x PLTeam 2016 半馬部隊精華重溫
今年渣打香港馬拉松踏入二十週年，UNWIRE x LRT 連續三屆合辦，選出二十多名健兒組成 PLTeam 2016 半馬精英部隊。雖然比賽當日風雨飄搖，亦無損各位精英的鬥志，比賽期間更以防汗水雨水的 Plantronics BackBeat FIT 為伴，聽著音樂享受踏出的每一步，一同完成賽事。以下 UNWIRE 便為大家重溫一下比賽當日的盛況！
專為收藏家而設！海外廠商專為純數碼版遊戲推出限量實體版本
隨著網絡發展得越來越成熟，近年家用機及手提機遊戲的銷售方式亦隨之而改變，比如不少廠商的遊戲都開始會同時推出實體版及數碼版本，有些甚至更只會推出數碼版本，不過這樣對於喜愛收藏實體遊戲的人就頭痛了，有見及此，最近 Limited Run Games 就決定為部份原本只有數碼版的遊戲，額外推出限量的實體版本。 (閱讀全文…)
存在超過 12 年！《The Matrix》Torrent 至今仍可正常使用
雖然對於電影業界來說，網民透過 Torrent 去分享影片對他們的影響極大，但毫無疑問在過去十多年來無數影片就曾透過這種方法在網上不斷傳遞。不過大家又知不知道目前最古老的 Torrent 又是哪一套影片呢？答案原來是不少人都曾經看過的《The Matrix》，而更令人意外的是該 Torrent 直到目前為止依然仍用得到。 (閱讀全文…)
天空之城？日本製「空中盆栽」可凌空浮起自轉超獨特
懂得離地懸浮於半空的物件，通常大部份人都會覺得相當獨特，正因如此近年不同廠商都經常會推出有相關效果的產品，比如之前我們就曾經報導過不少磁浮藍牙喇叭，而且大多都深受消費者歡迎。不過除此之外懸浮這種元素又可以應該在什麼地方呢？話說最近有日本團隊就竟然設計出一款「空中盆栽」。 (閱讀全文…)
