平時用手機進行通話，除了將手機放在耳仔旁邊、使用擴音或耳機之外，還有沒有其他方法可以講電話呢？或者由韓國 Innomdle Lab 研發的新款錶帶 Sgnl 會為大家帶來驚喜，因為將之戴在手腕上後，只需要用手指按住耳朵，如此便可即時接聽電話，手指變成聽筒實在是相當科幻。
Sgnl 的其中一個賣點在於外型設計成錶帶一樣，因此可以兼容一般手錶及 Apple Watch 或 Samsung 等智能手錶，配戴時完全不會礙眼。至於為何只需用手指按住手指便可通話呢？其實 Sgnl 最特別之處是配備了 BCU 身體傳導部件（Body Conduction Unit），只要透過藍牙連接到手機，當接聽電話時 BCU 便會以骨傳導的方式將聲音傳送腦袋內，既可以提供更清晰的聲音，亦可以避免被其他人竊聽到內容，可說是一舉兩得。
至於講話方面亦十分簡單，因為 Sgnl 錶帶內設有收音咪，所以在收聽對方的說話時，亦可輕易講出內容。除獨特的通話方式外，Sgnl 同時還會推出一款專用 app，可以額外提供健身追蹤及來電、短訊及其他 app 的通知等。雖則利用 Sgnl 通話的確十分有型，但留意手指按住耳朵時前臂需要維持伸直，若然需要長時間通話維持同一姿勢肯定會十分辛苦。Sgnl 目前正於 Kickstarter 上集資，每個價格為 139 美元（約 1,078 港元），並預定 2017 年 2 月出貨。
來源：Kickstarter
